Bruă Lêwi 21:1 - Klei Aê Diê Blŭ 2015

¹ Yêhôwa lač kơ Y-Môis, “Blŭ bĕ kơ phung khua ngă yang, phung anak êkei Y-Arôn, leh anăn lač kơ diñu, ‘Amâo mâo sa čô hlăm phung diñu srăng bi čhŏ ñu pô kyua sa čô mnuih djiê ti krah phung ƀuôn sang diñu,

Bruă Lêwi 21:1 Iomraidhean Croise

Y-Êsêkiêl 44:25

Diñu amâo dưi bi čhŏ ôh diñu pô êjai nao giăm kơ sa čô mnuih djiê; ƀiădah diñu dưi bi čhŏ diñu pô tơdah pô djiê jing ama, amĭ, anak êkei amâodah anak mniê, ayŏng adei amâodah amai adei ka mâo ung ôh.

Y-Ôsê 5:1

“Hmư̆ bĕ klei anei, Ơ phung khua ngă yang! Mđing knga bĕ, Ơ sang Israel! Kăp hmư̆ bĕ, Ơ sang mtao! Kyuadah klei phat kđi anei djŏ kơ diih; kyuadah diih jing leh kđông ƀêč ti ƀuôn Mispa, leh anăn ñuăl dăng leh ti čư̆ Tabor.

Bruă Lêwi 19:28

Đăm ktur kđeh diih ôh kyua klei mnuih djiê amâodah kđăm rup ti asei mlei diih ôh. Kâo jing Yêhôwa.

Bruă Lêwi 21:11

Ñu amâo dưi nao ôh kơ asei mlei djiê, kăn bi čhŏ ñu pô kyua ama ñu amâodah kyua amĭ ñu rei;

Y-Malaki 2:1

“Ară anei, Ơ phung khua ngă yang, klei mtă anei djŏ kơ diih.

Y-Malaki 2:4

Snăn kơh diih srăng thâo Kâo mơĭt leh klei mtă anei kơ diih, čiăng kơ klei Kâo bi mguôp hŏng Y-Lêwi dưi dôk kjăp,” Yêhôwa kơ phung kahan lač.

Klei Yap 19:11

Hlei pô ruêh asei mlei sa čô mnuih djiê, măng ai hlei pô djiê anăn jing srăng jing čhŏ êjai kjuh hruê.

Klei Yap 19:14

Anei jing klei bhiăn tơdah sa čô mnuih djiê hlăm sang čhiăm: grăp čô hlei pô mŭt hlăm sang čhiăm, leh anăn grăp čô hlei pô dôk hlăm sang čhiăm srăng jing čhŏ êjai kjuh hruê.

Klei Yap 19:16

Hlăm hma, hlei pô ruêh sa čô mnuih arăng koh bi mdjiê hŏng đao gưm, sa atâo djiê, sa ƀĕ klang mnuih, amâodah sa boh msat srăng jing čhŏ êjai kjuh hruê.

Klei Yap 5:2

“Mtă bĕ kơ phung ƀuôn sang Israel brei suôt hĕ jih jang mnuih djŏ phŭng mơ̆ng wăl, leh anăn hlei pô mâo klei bi ƀlĕ, leh anăn jih jang čhŏ kyua sô̆ hŏng sa čô djiê leh.

Klei Yap 6:6

Êjai jih jang hruê ñu pioh brei ñu pô kơ Yêhôwa ñu amâo dưi nao giăm asei mlei djiê ôh.