Bruă Lêwi 20:6 - Klei Aê Diê Blŭ 2015

⁶ Tơdah sa čô wir nao kơ phung blŭ hrăm hŏng yang jhat leh anăn phung mjâo, ngă klei knhông hŏng phung anăn, Kâo srăng bi kdơ̆ng hŏng mnuih anăn leh anăn srăng khăt hĕ ñu mơ̆ng krah phung ƀuôn sang ñu.

Bruă Lêwi 20:6 Iomraidhean Croise

Klei Mmuñ Hđăp 73:27

Kyuadah nĕ anei, phung dôk kbưi mơ̆ng Ih srăng rai tuč; Ih srăng bi rai phung amâo dôk sĭt suôr hŏng Ih ôh.

Klei Kbiă 22:17

Tơdah ama gơ̆ hngah, amâo brei gơ̆ kơ ñu ôh, ñu srăng brei prăk dŭm ênoh knŭ kơ phung mniê êra hrông.

Klei Kbiă 22:18

Đăm lui sa čô mniê mjâo dôk hdĭp ôh.

Y-Êsai 8:19

Leh anăn tơdah diñu srăng lač kơ diih, “Brei diih ksiêm êmuh kơ phung blŭ hŏng phung djiê leh anăn kơ phung mdian, phung blŭ msĕ si čĭm mñê leh anăn blŭ amâo mngač ôh,” wĭt lač bĕ: amâo djŏ hĕ phung ƀuôn sang srăng êmuh kơ Aê Diê diñu? Djŏ mơ̆ arăng srăng duah êmuh phung djiê leh čiăng thâo klei djŏ kơ phung hdĭp?

Y-Yêrêmi 44:11

Kyuanăn snei Yêhôwa kơ phung kahan Aê Diê Israel lač: ‘Nĕ anei, Kâo srăng bi kdơ̆ng ngă klei jhat kơ diih, čiăng bi luč hĕ jih phung Yuđa.

Y-Êsêkiêl 6:9

Hlăk anăn phung diih tlaih leh srăng hdơr kơ Kâo ti krah phung găp djuê mnuih anôk arăng atăt ba diih jing mnă, tơdah Kâo bi mčah leh ai tiê diñu khăp kơ klei soh lui wir Kâo leh, leh anăn bi bum leh ală diñu khăp tui hlue rup yang diñu; leh anăn diñu srăng bi êmut kơ diñu pô kyua klei jhat diñu ngă leh, kyua jih klei diñu ngă Kâo bi êmut.

Y-Ôsê 4:12

Phung ƀuôn sang Kâo êmuh rup ngă hŏng kyâo, leh anăn giê dra diñu hưn êlâo kơ diñu. Kyuadah klei mĭn knhông bi wơr êlan diñu leh, leh anăn diñu lui Aê Diê diñu čiăng ngă klei knhông.

Bruă Lêwi 17:10

‘Tơdah sa čô êkei mơ̆ng sang Israel amâodah mơ̆ng phung tue dôk jưh bhiâo ti krah diñu ƀơ̆ng êrah, Kâo pô yơh srăng bi kdơ̆ng hŏng pô ƀơ̆ng êrah anăn, leh anăn Kâo srăng khăt hĕ ñu mơ̆ng krah phung ƀuôn sang ñu.

Bruă Lêwi 19:26

Đăm ƀơ̆ng kđeh mbĭt hŏng êrah ôh. Đăm ksiêm mnơ̆ng čiăng hưn êlâo amâodah ngă klei mdian ôh.

Bruă Lêwi 19:31

Đăm nao kơ phung blŭ hrăm hŏng yang jhat amâodah kơ phung mjâo; đăm tui duah diñu ôh, bi čhŏ diih pô kyua diñu. Kâo jing Yêhôwa Aê Diê diih.

Bruă Lêwi 20:27

Sa čô êkei amâodah sa čô mniê jing pô blŭ hrăm hŏng yang jhat amâodah sa čô mjâo brei arăng bi mdjiê hĕ; bhĭr boh tâo kơ diñu, êrah diñu srăng lĕ kơ diñu pô.’ ”

Bruă Lêwi 20:5

snăn Kâo srăng bi kdơ̆ng hŏng pô anăn leh anăn hŏng găp djuê ñu, leh anăn Kâo srăng khăt hĕ diñu mơ̆ng krah phung ƀuôn sang diñu, êkei anăn mbĭt hŏng jih jang phung tui hlue ñu ngă klei knhông hŏng yang Môlok.

Klei Yap 15:39

Dŏ anăn srăng jing kơ diih sa bĭt grua pioh dlăng leh anăn hdơr kơ jih jang klei Yêhôwa mtă, čiăng ngă tui hlue klei bhiăn anăn, leh anăn amâo tui hlue ôh klei ai tiê leh anăn ală diih pô, dŏ mtrŭt diih tui klei diih pô tluh.

Bruă Phung Khua Ƀĭng Kna 16:16

Êjai hmei nao kơ anôk wah lač, hmei tuôm hŏng sa čô dĭng buăl mniê mâo yang jhat thâo hưn êlâo klei srăng truh ngă. Hŏng klei ñu blŭ klei mdian, ñu bi mdrŏng kơ phung khua ñu.