Bruă Lêwi 20:5 - Klei Aê Diê Blŭ 2015

⁵ snăn Kâo srăng bi kdơ̆ng hŏng pô anăn leh anăn hŏng găp djuê ñu, leh anăn Kâo srăng khăt hĕ diñu mơ̆ng krah phung ƀuôn sang diñu, êkei anăn mbĭt hŏng jih jang phung tui hlue ñu ngă klei knhông hŏng yang Môlok.

Bruă Lêwi 20:5 Iomraidhean Croise

II Klei Yăl Dliê 21:11

Êbeh kơ anăn ñu ngă anôk dlông hlăm čar kngư Yuđa, leh anăn atăt phung dôk hlăm ƀuôn Yêrusalem kơ klei amâo dôk sĭt suôr, leh anăn brei phung Yuđa klah đuĕ mơ̆ng êlan Aê Diê.

Klei Mmuñ Hđăp 106:39

Snăn diñu jing čhŏ leh hŏng bruă diñu ngă; leh anăn ngă klei knhông.

Klei Kbiă 20:5

Đăm ih buôn kkuh ti anăp mnơ̆ng anăn ôh, kăn mă bruă kơ diñu rei; kyuadah Kâo gơ̆ yơh jing Yêhôwa Aê Diê ih, Aê Diê thâo trih, bi kmhal klei wê phung ama lĕ kơ phung anak tơl kơ ênuk tal tlâo amâodah tal pă kơ phung bi êmut kơ Kâo;

Y-Yêrêmi 3:2

“Kngưr bĕ ală ih, dlăng kơ čư̆ dlông! Mâo mơ̆ anôk arăng amâo tuôm đih hŏng ih ôh? Ti djiêô êlan ih dôk gŭ kăp guôn phung ih khăp msĕ si sa čô Arap hlăm kdrăn tač. Diih bi mčhŏ leh lăn čar hŏng klei knhông soh jhat ih.

Y-Yêrêmi 32:39

Kâo srăng brei kơ diñu sa ai tiê leh anăn sa êlan, čiăng kơ diñu dưi huĭ mpŭ kơ Kâo hlŏng lar, klei anăn jing jăk kơ diñu pô leh anăn jing jăk kơ phung anak čô diñu êdei kơ diñu.

Y-Yêrêmi 44:11

Kyuanăn snei Yêhôwa kơ phung kahan Aê Diê Israel lač: ‘Nĕ anei, Kâo srăng bi kdơ̆ng ngă klei jhat kơ diih, čiăng bi luč hĕ jih phung Yuđa.

Y-Ôsê 2:13

Kâo srăng bi kmhal ñu kyua jih hruê ñu čuh mnơ̆ng ƀâo mngưi kơ yang Baal, mă kdrăp, čŭt krah, buh kông, leh anăn tui nao kơ phung piu ñu, leh anăn wơr bĭt hĕ Kâo,” Yêhôwa lač.

Y-Ôsê 2:5

Kyuadah amĭ diñu ngă klei knhông leh, ba tian kơ diñu hlăm klei hêñ. Kyuadah ñu lač leh, ‘Kâo srăng tui nao kơ phung piu kâo, phung srăng brei kpŭng, êa, čhiăm mlâo biăp, mrai kbuă, êa boh ôliwơ, leh anăn mnơ̆ng mnăm kơ kâo.’

Bruă Lêwi 17:10

‘Tơdah sa čô êkei mơ̆ng sang Israel amâodah mơ̆ng phung tue dôk jưh bhiâo ti krah diñu ƀơ̆ng êrah, Kâo pô yơh srăng bi kdơ̆ng hŏng pô ƀơ̆ng êrah anăn, leh anăn Kâo srăng khăt hĕ ñu mơ̆ng krah phung ƀuôn sang ñu.

Bruă Lêwi 17:7

Snăn diñu amâo srăng lŏ koh ôh mnơ̆ng diñu ngă yang kơ phung yang bê, phung anăn diñu tui tiŏ ngă klei knhông. Anăn srăng jing klei bhiăn hlŏng lar kơ diñu hlăm jih jang ênuk.’

Bruă Lêwi 20:4

Tơdah phung ƀuôn sang hlăm čar mdăp ƀô̆ amâo čiăng dlăng ôh kơ pô anăn, kyuadah ñu jao sa čô hlăm phung anak ñu kơ yang Môlok leh anăn amâo bi mdjiê ñu ôh,

Bruă Lêwi 20:6

Tơdah sa čô wir nao kơ phung blŭ hrăm hŏng yang jhat leh anăn phung mjâo, ngă klei knhông hŏng phung anăn, Kâo srăng bi kdơ̆ng hŏng mnuih anăn leh anăn srăng khăt hĕ ñu mơ̆ng krah phung ƀuôn sang ñu.