Bruă Lêwi 20:3 - Klei Aê Diê Blŭ 2015

³ Kâo pô yơh srăng bi kdơ̆ng hŏng pô anăn, leh anăn Kâo srăng khăt hĕ ñu mơ̆ng krah phung ƀuôn sang ñu, kyuadah ñu jao leh sa čô hlăm phung anak ñu kơ yang Môlok, bi čhŏ leh adŭ doh jăk Kâo leh anăn bi msoh anăn doh jăk Kâo.

Bruă Lêwi 20:3 Iomraidhean Croise

Klei Kbiă 30:33

Hlei pô ngă msĕ, amâodah hlei pô dưm gơ̆ ti sa čô mnuih mkăn, brei arăng ktlah hĕ ñu mơ̆ng găp djuê Israel.’ ”

Y-Êsêkiêl 20:39

Bi diih, Ơ sang Israel, snei Yêhôwa Aê Diê lač: ‘Brei grăp čô hlăm phung diih nao mă bruă kơ rup yang diih! Ƀiădah sĭt nik ênuk êdei diih srăng kăp hmư̆ Kâo leh anăn amâo srăng lŏ bi čhŏ anăn Kâo ôh hŏng mnơ̆ng diih myơr leh anăn rup yang diih.

Y-Êsêkiêl 5:11

Kyuanăn tui si Kâo dôk hdĭp, Yêhôwa Aê Diê lač, sĭt nik kyuadah ih bi čhŏ leh adŭ doh jăk Kâo hŏng jih jang klei jhat Kâo bi êmut kheh ih ngă leh, kyuanăn Kâo srăng bi rai ih; ală kâo amâo srăng hơưi kơ ih leh anăn amâo srăng pap kơ ih ôh.

Bruă Lêwi 15:31

Snăn brei diih bi ktlah phung ƀuôn sang Israel mơ̆ng klei bi čhŏ diñu, huĭdah diñu djiê hlăm klei čhŏ anăn hŏng klei bi čhŏ sang čhiăm Kâo dôk ti krah diñu.”

Bruă Lêwi 17:10

‘Tơdah sa čô êkei mơ̆ng sang Israel amâodah mơ̆ng phung tue dôk jưh bhiâo ti krah diñu ƀơ̆ng êrah, Kâo pô yơh srăng bi kdơ̆ng hŏng pô ƀơ̆ng êrah anăn, leh anăn Kâo srăng khăt hĕ ñu mơ̆ng krah phung ƀuôn sang ñu.

Bruă Lêwi 18:21

Đăm brei ôh sa čô hlăm phung anak ih čiăng jao gơ̆ brei pui ƀơ̆ng kơ yang Môlok, kyuanăn ih bi čhŏ anăn Aê Diê ih. Kâo jing Yêhôwa.

Bruă Lêwi 19:12

Leh anăn đăm kat asei luar hŏng anăn Kâo ôh, klei anăn bi čhŏ anăn Aê Diê ih. Kâo jing Yêhôwa.

Bruă Lêwi 20:4

Tơdah phung ƀuôn sang hlăm čar mdăp ƀô̆ amâo čiăng dlăng ôh kơ pô anăn, kyuadah ñu jao sa čô hlăm phung anak ñu kơ yang Môlok leh anăn amâo bi mdjiê ñu ôh,

Bruă Lêwi 21:6

Diñu srăng jing doh jăk kơ Aê Diê diñu, leh anăn amâo bi msoh ôh anăn Aê Diê diñu; kyuadah diñu myơr mnơ̆ng myơr brei pui ƀơ̆ng kơ Yêhôwa, jing mnơ̆ng ƀơ̆ng huă kơ Aê Diê diñu; kyuanăn diñu srăng jing doh jăk.

Bruă Lêwi 7:20

ƀiădah pô ƀơ̆ng kđeh mnơ̆ng ngă yang myơr kơ klei êđăp ênang kơ Yêhôwa êjai mâo klei čhŏ mrŏ ti ñu, pô anăn brei arăng khăt hĕ mơ̆ng phung ƀuôn sang ñu.

Bruă Lêwi 7:21

Leh anăn tơdah arăng ruêh sa mnơ̆ng amâo doh, thâodah mnuih amâo doh, hlô amâo doh, amâodah sa mnơ̆ng mkăn Yêhôwa bi êmut amâo doh, leh anăn srăng ƀơ̆ng kđeh mnơ̆ng ngă yang myơr kơ klei êđăp ênang, pô anăn brei arăng khăt hĕ mơ̆ng phung ƀuôn sang ñu.”

Klei Yap 19:13

Hlei pô ruêh asei mlei sa čô mnuih djiê leh, leh anăn amâo bi doh ñu pô ôh, bi čhŏ sang čhiăm Yêhôwa; pô anăn brei arăng khăt hĕ mơ̆ng phung Israel; kyuadah êa kơ klei bi doh amâo tuôm hƀrah ti dlông ñu ôh, ñu srăng jing čhŏ; klei čhŏ ñu ăt dôk ti ñu.

Klei Yap 19:20

Ƀiădah mnuih jing čhŏ leh, leh anăn amâo bi doh ñu pô ôh, pô anăn brei arăng khăt hĕ mơ̆ng krah phung bi kƀĭn, kyuadah ñu bi čhŏ leh adŭ doh jăk Yêhôwa; kyuadah êa kơ klei bi doh arăng amâo tuôm hƀrah ôh ti dlông ñu, ñu jing čhŏ.

II Kôrantô 6:16

Ya klei bi mguôp sang kkuh mpŭ Aê Diê dưi mâo hŏng rup yang? Kyuadah drei jing sang kkuh mpŭ kơ Aê Diê hdĭp, tui si Aê Diê lač leh, “Kâo srăng dôk hlăm diñu leh anăn êbat ti krah diñu, leh anăn Kâo srăng jing Aê Diê diñu, leh anăn diñu srăng jing phung ƀuôn sang Kâo.

I Y-Pêtrôs 3:12

Kyuadah ală Khua Yang dôk dlăng kơ phung kpă ênô, leh anăn knga Ñu kăp hmư̆ klei digơ̆ wah lač. Ƀiădah ƀô̆ mta Khua Yang kăp bi kdơ̆ng hŏng phung ngă jhat.”