Bruă Lêwi 20:2 - Klei Aê Diê Blŭ 2015

² “Lač bĕ kơ phung ƀuôn sang Israel, ‘Tơdah sa čô mơ̆ng phung ƀuôn sang Israel amâodah mnơ̆ng phung tue dôk jưh bhiâo hlăm čar Israel jao sa čô hlăm phung anak ñu kơ yang Môlok, brei arăng bi mdjiê ñu. Phung ƀuôn sang hlăm čar srăng bhĭr boh tâo kơ ñu.

Bruă Lêwi 20:2 Iomraidhean Croise

I Bruă Mtao 11:7

Y-Salômôn mdơ̆ng ti dlông čư̆ tĭng ngŏ ƀuôn Yêrusalem sa anôk dlông pioh kơ Čhêmôs yang phung Môap Yêhôwa bi êmut, leh anăn pioh kơ Môlek yang phung Amôn Yêhôwa bi êmut.

II Bruă Mtao 17:17

Diñu čuh phung anak êkei diñu leh anăn phung anak mniê diñu jing mnơ̆ng myơr, leh anăn yua klei mdian leh anăn klei mjâo, leh anăn čhĭ diñu pô čiăng ngă klei jhat ti anăp ală Yêhôwa, mčhur Gơ̆ ngêñ.

II Bruă Mtao 23:10

Ñu bi čhŏ anôk Tôphet hlăm tlung phung anak êkei Y-Hinôm, čiăng kơ amâo mâo sa čô ôh dưi čuh anak êkei ñu amâodah anak mniê ñu jing mnơ̆ng myơr kơ yang Môlek.

II Klei Yăl Dliê 28:3

Ñu čuh mnơ̆ng ƀâo mngưi hlăm tlung anak êkei Y-Hinôm, leh anăn čuh phung anak êkei ñu pô jing mnơ̆ng myơr, tui si bruă Yêhôwa bi êmut phung găp djuê mnuih Yêhôwa suôt leh mơ̆ng anăp phung ƀuôn sang Israel.

II Klei Yăl Dliê 33:6

Ñu čuh phung anak êkei ñu jing mnơ̆ng myơr hlăm tlung anak êkei Y-Hinôm, ksiêm mnơ̆ng čiăng hưn êlâo, ngă klei mdian, ngă bruă mjâo, leh anăn duah phung blŭ hrăm hŏng phung mnuih djiê, leh anăn phung mdian. Ñu ngă lu klei jhat ti anăp ală Yêhôwa bi mčhur ai ngêñ Gơ̆.

Klei Mmuñ Hđăp 106:38

Diñu tuh êrah amâo mâo soh ôh, êrah anak êkei leh anăn anak mniê diñu, jing mnơ̆ng ngă yang kơ rup yang čar Kanaan; leh anăn čar jing čhŏ hŏng klei tuh êrah anăn.

Y-Yêrêmi 32:35

Diñu mdơ̆ng leh anôk dlông kơ yang Baal hlăm tlung anak êkei Y-Hinôm, čiăng myơr kơ yang Môlok phung anak êkei leh anăn phung anak mniê diñu, wăt tơdah Kâo amâo tuôm mtă klei anăn kơ diñu, kăn tuôm mĭn kơ klei anăn rei, čiăng kơ diñu ngă klei Kâo bi êmut kheh anei, čiăng brei phung Yuđa ngă soh.

Y-Yêrêmi 7:31

Leh anăn diñu mdơ̆ng lu anôk dlông Tôphet, dôk hlăm tlung anak êkei Y-Hinôm, čiăng myơr čuh phung anak êkei leh anăn phung anak mniê diñu hlăm pui; klei anăn Kâo amâo tuôm mtă ôh, kăn Kâo tuôm mĭn kơ klei anăn rei.”

Y-Êsêkiêl 20:26

leh anăn Kâo brei diñu jing čhŏ leh hŏng mnơ̆ng diñu myơr — diñu myơr čuh jih jang phung anak diñu kkiêng tal êlâo — čiăng kơ Kâo dưi bi huĭ diñu, čiăng kơ diñu dưi thâo kơ Kâo jing Yêhôwa.

Y-Êsêkiêl 20:31

Tơdah diih myơr mnơ̆ng myơr leh anăn ngă yang hŏng phung anak êkei diih čuh hŏng pui, diih bi čhŏ diih pô hŏng jih jang rup yang truh kơ hruê anei. Kâo srăng tŭ mơ̆ klei diih akâo kwưh kơ Kâo, Ơ sang Israel? Sĭt nik tui si Kâo dôk hdĭp,’ Yêhôwa Aê Diê lač, ‘Kâo amâo srăng tŭ ôh klei diih akâo kwưh.

Y-Êsêkiêl 23:37

Kyuadah diñu tlĕ piu leh, leh anăn kngan diñu čhŏ leh hŏng klei tuh êrah; diñu tlĕ piu leh hŏng rup yang diñu; wăt diñu myơr mnơ̆ng ƀơ̆ng huă kơ rup yang anăn, jing phung anak diñu kkiêng leh kơ Kâo.

Y-Êsêkiêl 23:39

Kyuadah tơdah diñu bi mdjiê leh phung anak diñu jing mnơ̆ng ngă yang kơ rup yang diñu, hlăm hruê anăn diñu mŭt hlăm adŭ doh jăk Kâo čiăng bi čhŏ gơ̆. Anăn yơh klei diñu ngă leh hlăm sang Kâo.

Bruă Lêwi 17:13

Msĕ mơh tơdah sa čô hlăm phung ƀuôn sang Israel amâodah sa čô tue dôk jưh bhiâo ti krah diñu mă hŏng klei hiu mnah sa drei hlô amâodah sa drei čĭm arăng dưi ƀơ̆ng, brei ñu tuh hĕ êrah gơ̆ leh anăn guôm hĕ êrah anăn hŏng ƀruih lăn.

Bruă Lêwi 17:15

Grăp čô hlei pô ƀơ̆ng mnơ̆ng djiê kmăp amâodah hlô mnơ̆ng hiêk, thâodah jing sa čô ƀuôn sang pô amâodah sa čô tue dôk jưh bhiâo, srăng boh hĕ čhiăm ao ñu, mnei hlăm êa, leh anăn jing čhŏ tơl tlam; leh anăn ñu srăng jing doh.

Bruă Lêwi 17:8

Leh anăn brei ih lač kơ diñu, ‘Tơdah sa čô êkei mơ̆ng sang Israel amâodah mơ̆ng phung tue dôk jưh bhiâo ti krah diñu, pô myơr mnơ̆ng myơr čuh amâodah mnơ̆ng ngă yang,

Bruă Lêwi 18:21

Đăm brei ôh sa čô hlăm phung anak ih čiăng jao gơ̆ brei pui ƀơ̆ng kơ yang Môlok, kyuanăn ih bi čhŏ anăn Aê Diê ih. Kâo jing Yêhôwa.

Bruă Lêwi 20:1

Yêhôwa lač kơ Y-Môis,

Bruă Lêwi 20:27

Sa čô êkei amâodah sa čô mniê jing pô blŭ hrăm hŏng yang jhat amâodah sa čô mjâo brei arăng bi mdjiê hĕ; bhĭr boh tâo kơ diñu, êrah diñu srăng lĕ kơ diñu pô.’ ”

Bruă Lêwi 24:14

“Atăt pô tăm pah kbiă mơ̆ng wăl; brei jih jang phung hmư̆ ñu ênă kngan digơ̆ ti boh kŏ ñu, leh anăn brei jih jang phung ƀuôn sang Israel bhĭr boh tâo kơ ñu.

Bruă Lêwi 24:16

Brei arăng bi mdjiê hlei pô blŭ mgao kơ anăn Yêhôwa; jih jang phung bi kƀĭn srăng bhĭr boh tâo kơ ñu, pô dôk jưh bhiâo amâodah mnuih ƀuôn sang pô, arăng srăng bi mdjiê ñu tơdah ñu blŭ mgao kơ anăn Yêhôwa.

Bruă Lêwi 24:23

Snăn Y-Môis blŭ kơ phung ƀuôn sang Israel; leh anăn diñu atăt pô tăm pah kbiă mơ̆ng wăl, leh anăn bhĭr boh tâo kơ gơ̆. Snăn phung ƀuôn sang Israel ngă tui si Yêhôwa mtă leh kơ Y-Môis.

Bruă Phung Khua Ƀĭng Kna 7:43

Hơăi, diih kkung ba sang čhiăm yang Môlok, leh anăn mtŭ yang Rêphan, rup anăn diih ngă pioh kkuh mpŭ. Kyuanăn Kâo srăng suôt diih kơ nah dih čar Ƀaƀilôn.’

Klei Mtô Mñă Klei Bhiăn 12:31

Đăm ngă ôh msĕ snăn kơ Yêhôwa Aê Diê ih; kyuadah jih jang mnơ̆ng Yêhôwa bi êmut kheh diñu ngă leh kơ yang diñu; kyuadah diñu čuh wăt phung anak êkei leh anăn phung anak mniê diñu hlăm pui kơ phung yang diñu.

Klei Mtô Mñă Klei Bhiăn 17:2

Tơdah arăng ƀuh ti krah diih hlăm ƀuôn Yêhôwa Aê Diê brei kơ diih sa čô êkei amâodah mniê ngă klei jhat ti anăp ală Yêhôwa Aê Diê diih, gao klei Ñu bi mguôp,

Klei Mtô Mñă Klei Bhiăn 18:10

Đăm mâo ôh ti krah ih sa čô mnuih čuh anak êkei amâodah anak mniê ñu jing mnơ̆ng myơr, sa čô mă bruă mdian, sa čô hưn klei srăng truh, pô ksiêm mtŭ, sa čô mjâo,

Klei Mtô Mñă Klei Bhiăn 21:21

Snăn jih jang phung êkei hlăm ƀuôn srăng bhĭr bi mdjiê ñu hŏng boh tâo. Msĕ snăn diih srăng bi doh klei jhat mơ̆ng krah diih; leh anăn jih jang phung Israel srăng hmư̆ leh anăn huĭ.”

Klei Mtô Mñă Klei Bhiăn 22:21

snăn diñu srăng atăt ba mniê hlăk ai anăn kbiă ti ƀăng bhă sang ama ñu, leh anăn phung êkei ƀuôn ñu srăng bhĭr bi mdjiê ñu hŏng boh tâo, kyuadah ñu ngă klei soh jhat hlăm čar Israel hŏng klei ngă klei knhông hlăm sang ama ñu. Msĕ snăn diih srăng bi doh klei jhat mơ̆ng krah diih.