Bruă Lêwi 2:9 - Klei Aê Diê Blŭ 2015

⁹ Leh anăn khua ngă yang srăng mă mơ̆ng mnơ̆ng myơr kpŭng ƀhĭ kdrêč bi hdơr leh anăn čuh gơ̆ ti knưl, jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 2:9 Iomraidhean Croise

Klei Kbiă 29:18

Brei ih čuh jih biăp knô anăn ti dlông knưl. Ñu jing mnơ̆ng myơr čuh kơ Yêhôwa, mnâo ƀâo jăk, mnơ̆ng myơr hŏng pui kơ Yêhôwa.

Y-Êsai 53:10

Ƀiădah jing klei bi mơak kơ Yêhôwa bi brăm mčah Gơ̆; Ñu bi ruă Gơ̆ tơdah Ñu brei mngăt Gơ̆ jing mnơ̆ng myơr kyua klei soh; Gơ̆ srăng ƀuh phung anak čô Gơ̆, leh anăn hruê Gơ̆ dôk hdĭp srăng jing sui, leh anăn klei Yêhôwa čiăng srăng đĭ kyar hlăm kngan Gơ̆.

Bruă Lêwi 1:9

Ƀiădah ñu srăng rao hŏng êa prôč êhŭng leh anăn jơ̆ng gơ̆. Leh anăn khua ngă yang srăng čuh jih ti dlông knưl, jing mnơ̆ng myơr čuh, mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 2:16

Khua ngă yang srăng čuh jing kdrêč bi hdơr sa kdrêč mdiê mrâo bi ƀhĭ leh, leh anăn êa boh ôliwơ mbĭt hŏng jih mnơ̆ng ƀâo mngưi gơ̆; gơ̆ jing mnơ̆ng myơr brei pui ƀơ̆ng kơ Yêhôwa.”

Bruă Lêwi 2:2

Ñu srăng ba gơ̆ kơ phung anak êkei Y-Arôn phung khua ngă yang. Khua ngă yang srăng mă mơ̆ng gơ̆ sa kpăt kpŭng ƀhĭ leh anăn êa boh ôliwơ, mbĭt hŏng jih mnơ̆ng ƀâo mngưi gơ̆; leh anăn khua ngă yang srăng čuh dŏ anăn ti dlông knưl jing kdrêč bi hdơr, sa mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 2:8

Brei ih ba mnơ̆ng myơr kpŭng ƀhĭ ngă leh hŏng mnơ̆ng anăn kơ Yêhôwa, leh anăn tơdah arăng brei gơ̆ kơ khua ngă yang, ñu srăng ba gơ̆ kơ knưl.

Bruă Lêwi 24:7

Brei ih dưm mnơ̆ng ƀâo mngưi doh mbĭt hŏng grăp pruê̆, čiăng kơ dŏ anăn dưi dôk mbĭt hŏng kpŭng jing kdrêč bi hdơr arăng myơr brei pui ƀơ̆ng kơ Yêhôwa.

Bruă Lêwi 4:31

Êdei tinăn ñu srăng mă hĕ jih jang prăi gơ̆, msĕ si arăng mă prăi mơ̆ng mnơ̆ng myơr kơ klei êđăp ênang, leh anăn khua ngă yang srăng čuh gơ̆ ti dlông knưl jing mnâo ƀâo mngưi kơ Yêhôwa. Snăn khua ngă yang srăng ngă klei bi doh klei soh kơ gơ̆, leh anăn gơ̆ srăng mâo klei pap brei.

Bruă Lêwi 5:12

Brei ñu djă ba gơ̆ kơ khua ngă yang, leh anăn khua ngă yang srăng mă sa kpăt dŏ anăn jing kdrêč bi hdơr leh anăn čuh dŏ anăn ti knưl ti dlông mnơ̆ng myơr brei pui ƀơ̆ng kơ Yêhôwa. Gơ̆ jing mnơ̆ng myơr kyua klei soh.

Bruă Lêwi 6:15

Sa khua ngă yang čô srăng mă sa kpăt kpŭng ƀhĭ mơ̆ng mnơ̆ng myơr kpŭng ƀhĭ mbĭt hŏng êa boh ôliwơ gơ̆ wăt jih jang mnơ̆ng ƀâo mngưi arăng dưm ti mnơ̆ng myơr kpŭng ƀhĭ, leh anăn čuh mnơ̆ng anăn ti dlông knưl, jing kdrêč bi hdơr, mnâo ƀâo mngưi kơ Yêhôwa.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Sakari 13:9

Kâo srăng dưm sa kdrêč hlăm tlâo adôk anăn hlăm pui, leh anăn Kâo srăng bi doh digơ̆ msĕ si arăng bi doh prăk, leh anăn lông dlăng digơ̆ msĕ si arăng lông dlăng mah. Digơ̆ srăng iêô anăn Kâo, leh anăn Kâo srăng lŏ wĭt lač kơ digơ̆. Kâo srăng lač, ‘Digơ̆ jing phung ƀuôn sang Kâo,’ leh anăn digơ̆ srăng lač, ‘Yêhôwa jing Aê Diê hmei.’ ”

Klei Yap 5:26

Khua ngă yang srăng mă sa kpăt mnơ̆ng myơr kpŭng ƀhĭ, jing kdrêč bi hdơr, leh anăn čuh gơ̆ ti dlông knưl; leh klei anăn ñu srăng brei mniê mnăm êa anăn.

Hră Y-Pôl Mơĭt kơ Phung Rôm 12:1

Ơ phung ayŏng adei, kâo kwưh kơ diih kyua klei Aê Diê pap, myơr bĕ asei mlei diih jing mnơ̆ng ngă yang hdĭp, doh jăk, bi mơak kơ Aê Diê. Klei anăn jing klei kkuh mpŭ djŏ kơ Aê Diê.

Hră Y-Pôl Mơĭt kơ Phung Rôm 15:16

čiăng mjing kâo dĭng buăl Krist Yêsu kơ phung tue, jing khua ngă yang hlăm bruă hưn klei mrâo mrang jăk Aê Diê, čiăng kơ phung tue jing sa mnơ̆ng myơr Aê Diê tŭ, leh Yang Mngăt Jăk bi doh jăk diñu.

Êphêsô 5:2

Êbat bĕ hlăm klei khăp, msĕ si Krist khăp leh kơ drei, leh anăn săn asei mlei Ñu pô kyua drei, jing mnơ̆ng myơr leh anăn mnơ̆ng ngă yang ƀâo mngưi kơ Aê Diê.

Philip 2:17

Wăt tơdah êrah kâo srăng tuh msĕ si mnơ̆ng myơr mnăm ti dlông mnơ̆ng ngă yang myơr leh anăn klei đăo diih, kâo hơ̆k leh anăn mơak mbĭt hŏng diih jih jang.

Philip 4:18

Kâo mă tŭ ênŭm leh, wăt êbeh hĭn mơh; kâo mâo lu leh, kyuadah kâo mă tŭ leh mơ̆ng Y-Êpaphôdit mnơ̆ng diih mơĭt kơ kâo, jing sa mnơ̆ng myơr ƀâo mngưi, mnơ̆ng ngă yang Aê Diê tŭ leh anăn bi mơak kơ Ñu.