Bruă Lêwi 2:16 - Klei Aê Diê Blŭ 2015

¹⁶ Khua ngă yang srăng čuh jing kdrêč bi hdơr sa kdrêč mdiê mrâo bi ƀhĭ leh, leh anăn êa boh ôliwơ mbĭt hŏng jih mnơ̆ng ƀâo mngưi gơ̆; gơ̆ jing mnơ̆ng myơr brei pui ƀơ̆ng kơ Yêhôwa.”

Bruă Lêwi 2:16 Iomraidhean Croise

Klei Mmuñ Hđăp 141:2

Brei ih yap klei kâo wah lač jing msĕ si mnơ̆ng ƀâo mngưi ti anăp ih; leh anăn klei kâo yơr kngan phă ih jing msĕ si mnơ̆ng myơr tlam.

Y-Êsai 61:1

Mngăt Myang Khua Yang Yêhôwa dôk ti kâo, kyuadah Yêhôwa trôč leh êa ƀâo mngưi ti kâo čiăng hưn klei mrâo mrang jăk kơ phung ƀun ƀin. Ñu tiŏ hriê leh kâo čiăng bi hlao phung mâo ai tiê ênguôt, čiăng hưn klei êngiê kơ phung mnă, leh anăn klei pŏk sang mnă kơ phung arăng krư̆;

Bruă Lêwi 1:9

Ƀiădah ñu srăng rao hŏng êa prôč êhŭng leh anăn jơ̆ng gơ̆. Leh anăn khua ngă yang srăng čuh jih ti dlông knưl, jing mnơ̆ng myơr čuh, mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 2:12

Diih dưi ba kơ Yêhôwa mnơ̆ng myơr boh hlâo hlang, ƀiădah đăm myơr digơ̆ ôh ti dlông knưl čiăng jing mnâo ƀâo mngưi.

Bruă Lêwi 2:14

Tơdah ih myơr kơ Yêhôwa sa mnơ̆ng myơr kpŭng ƀhĭ mơ̆ng boh hlâo hlang, brei ih myơr amung mrâo bi ƀhĭ leh ăm ti pui.

Bruă Lêwi 2:15

Brei ih tuh êa boh ôliwơ leh anăn dưm mnơ̆ng ƀâo mngưi ti dlông gơ̆; gơ̆ jing mnơ̆ng myơr kpŭng ƀhĭ.

Bruă Lêwi 2:9

Leh anăn khua ngă yang srăng mă mơ̆ng mnơ̆ng myơr kpŭng ƀhĭ kdrêč bi hdơr leh anăn čuh gơ̆ ti knưl, jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Hêbrơ 5:7

Êjai Ñu dôk hdĭp hlăm asei mlei, Yêsu wah lač leh anăn kwưh hŏng klei ur ktang leh anăn hŏng êa ală kơ Pô dưi bi mtlaih Ñu mơ̆ng klei djiê; leh anăn Aê Diê hmư̆ Ñu leh kyua Ñu huĭ mpŭ kơ Aê Diê.