Bruă Lêwi 2:14 - Klei Aê Diê Blŭ 2015

¹⁴ Tơdah ih myơr kơ Yêhôwa sa mnơ̆ng myơr kpŭng ƀhĭ mơ̆ng boh hlâo hlang, brei ih myơr amung mrâo bi ƀhĭ leh ăm ti pui.

Bruă Lêwi 2:14 Iomraidhean Croise

Klei Mphŭn Dơ̆ng 4:3

Sui ƀiă tinăn Y-Kain ba mnơ̆ng myơr kơ Khua Yang boh mơ̆ng lăn.

II Bruă Mtao 4:42

Sa čô êkei hriê mơ̆ng ƀuôn Baal-Salisa djă ba kơ mnuih Aê Diê klŏ kpŭng arăng ngă mơ̆ng mdiê hlâo hlang, dua pluh klŏ kpŭng mdiê ôrgơ, leh anăn amung mdiê mrâo hlăm kdô ñu. Y-Êlisê lač, “Brei kơ phung êkei anăn ƀơ̆ng.”

Bruă Lêwi 2:15

Brei ih tuh êa boh ôliwơ leh anăn dưm mnơ̆ng ƀâo mngưi ti dlông gơ̆; gơ̆ jing mnơ̆ng myơr kpŭng ƀhĭ.

Bruă Lêwi 2:16

Khua ngă yang srăng čuh jing kdrêč bi hdơr sa kdrêč mdiê mrâo bi ƀhĭ leh, leh anăn êa boh ôliwơ mbĭt hŏng jih mnơ̆ng ƀâo mngưi gơ̆; gơ̆ jing mnơ̆ng myơr brei pui ƀơ̆ng kơ Yêhôwa.”

Bruă Lêwi 22:29

Tơdah diih ngă yang klei ngă yang bi mni kơ Yêhôwa, brei diih ngă yang anăn čiăng diih dưi mâo klei Kâo tŭ.

Bruă Lêwi 23:10

“Lač bĕ kơ phung ƀuôn sang Israel, ‘Tơdah diih mŭt hlăm čar Kâo brei kơ diih, leh anăn diih mâo klei puôt wiă, brei diih djă ba sa čăp mdiê boh hlâo hlang diih kơ khua ngă yang.

Bruă Lêwi 23:13

Leh anăn mnơ̆ng myơr kpŭng ƀhĭ mbĭt hŏng gơ̆ srăng jing dua kdrêč hlăm pluh êphah kpŭng ƀhĭ bi lŭk hŏng êa prăi boh ôliwơ, jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa. Mnơ̆ng myơr mnăm mbĭt hŏng gơ̆ srăng jing kpiê, sa kdrêč hlăm pă hin.

Bruă Lêwi 23:20

Khua ngă yang srăng hdai mnơ̆ng anăn mbĭt hŏng kpŭng boh hlâo hlang jing mnơ̆ng myơr hdai ti anăp Yêhôwa, mbĭt hŏng dua drei êđai biăp anăn. Digơ̆ srăng jing doh jăk kơ Yêhôwa, leh anăn jing dŏ pioh kơ khua ngă yang.

Y-Malaki 1:11

Kyuadah mơ̆ng anôk yang hruê ƀlĕ truh ti anôk yang hruê lĕ, anăn Kâo jing prŏng ti krah phung găp djuê mnuih, leh anăn hlăm jih jang anôk arăng myơr mnơ̆ng ƀâo mngưi leh anăn mnơ̆ng myơr doh kơ anăn Kâo, kyuadah anăn Kâo jing prŏng ti krah phung găp djuê mnuih,” Yêhôwa kơ phung kahan lač.

Klei Yap 28:2

“Mtă bĕ kơ phung ƀuôn sang Israel leh anăn lač kơ diñu, ‘Brei diih răng myơr kơ Kâo ti djŏ yan mnơ̆ng myơr kơ Kâo, mnơ̆ng ƀơ̆ng huă kơ Kâo jing mnơ̆ng myơr brei pui ƀơ̆ng, mnâo ƀâo mngưi kơ Kâo.’

I Kôrantô 15:20

Ƀiădah ară anei Krist kbiă lŏ hdĭp leh mơ̆ng phung djiê, jing boh hlâo hlang kơ phung djiê leh.

Klei Mtô Mñă Klei Bhiăn 26:2

brei diih mă đa đa boh hlâo hlang mơ̆ng jih jang boh mơ̆ng lăn, boh diih pĕ hlăm ala čar ih Yêhôwa Aê Diê diih brei leh kơ diih, dưm hlăm sa boh bai leh anăn nao kơ anôk Yêhôwa Aê Diê diih srăng ruah, čiăng brei anăn ñu dôk tinăn.

Klei Bi Êdah 14:4

Phung anăn yơh amâo tuôm bi čhŏ digơ̆ pô hŏng mniê ôh, kyuadah digơ̆ jing phung hrông. Digơ̆ yơh tui hlue Êđai Biăp tar ƀar ti anôk Ñu nao. Aê Diê bi tui digơ̆ leh mơ̆ng phung mnuih jing boh hlâo hlang kơ Aê Diê leh anăn kơ Êđai Biăp.