Bruă Lêwi 2:12 - Klei Aê Diê Blŭ 2015

¹² Diih dưi ba kơ Yêhôwa mnơ̆ng myơr boh hlâo hlang, ƀiădah đăm myơr digơ̆ ôh ti dlông knưl čiăng jing mnâo ƀâo mngưi.

Bruă Lêwi 2:12 Iomraidhean Croise

Klei Mphŭn Dơ̆ng 23:17

Snăn yơh hma Y-Êprôn ti Makpêla tĭng ngŏ Mamrê, hma wăt ƀăng čư̆ tinăn, leh anăn jih jang ana kyâo mâo hlăm hma,

II Klei Yăl Dliê 31:5

Tơdah leh arăng hưn klei mtă tar ƀar, phung ƀuôn sang Israel myơr hŏng klei êbeh dlai boh hlâo hlang mơ̆ng mdiê, kpiê mrâo, êa boh ôliwơ, êa hnuê, leh anăn jih jang boh mơ̆ng hma; leh anăn diñu ba hŏng klei êbeh dlai dŏ sa kdrêč hlăm pluh mơ̆ng djăp mta mnơ̆ng.

Klei Kbiă 22:29

Đăm bi hnui ôh myơr boh hlâo hlang mơ̆ng hma ih leh anăn mơ̆ng čeh prŏng. Brei kơ Kâo anak êkei ih kkiêng êlâo hĭn.

Klei Kbiă 23:19

Brei ih djă ba kơ sang Yêhôwa Aê Diê ih boh jăk hĭn mơ̆ng boh hlâo hlang lăn ih. Đăm tŭk êđai bê hlăm êa ksâo ana gơ̆ ôh.”

Klei Kbiă 34:22

Brei ih hdơr pioh Klei Knăm kơ Hruê Kăm, si tô hmô boh hlâo hlang mơ̆ng klei puôt mdiê ƀlê, wăt Klei Knăm Puôt Êmiêt ti tuč thŭn.

Bruă Lêwi 23:10

“Lač bĕ kơ phung ƀuôn sang Israel, ‘Tơdah diih mŭt hlăm čar Kâo brei kơ diih, leh anăn diih mâo klei puôt wiă, brei diih djă ba sa čăp mdiê boh hlâo hlang diih kơ khua ngă yang.

Bruă Lêwi 23:17

Brei diih ba mơ̆ng anôk diih dôk dua klŏ kpŭng jing mnơ̆ng myơr hdai, ngă leh hŏng dua kdrêč hlăm pluh êphah; arăng srăng ngă diñu hŏng kpŭng ƀhĭ ăm mbĭt hŏng kpei, jing boh hlâo hlang kơ Yêhôwa.

Bruă Lêwi 7:13

Mbĭt hŏng klei ngă yang mnơ̆ng myơr kơ klei êđăp ênang kơ klei bi mni, brei ñu ba mnơ̆ng ñu myơr mbĭt hŏng ƀêñ kpŭng mâo kpei.

Klei Yap 15:20

Mơ̆ng kpŭng tal êlâo hĭn, brei diih myơr sa klŏ ƀêñ jing mnơ̆ng myơr; diih srăng myơr gơ̆ jing mnơ̆ng myơr mơ̆ng anôk prah mdiê.

Klei Yap 18:12

Kâo brei kơ ih mnơ̆ng hlâo hlang diñu srăng myơr kơ Yêhôwa, jih jang êa prăi boh ôliwơ jăk hĭn, jih jang kpiê leh anăn mdiê jăk hĭn, boh hlâo hlang diñu brei kơ Yêhôwa.

I Kôrantô 15:20

Ƀiădah ară anei Krist kbiă lŏ hdĭp leh mơ̆ng phung djiê, jing boh hlâo hlang kơ phung djiê leh.

Klei Mtô Mñă Klei Bhiăn 26:10

Leh anăn nĕ anei, kâo djă ba boh hlâo hlang mơ̆ng lăn, boh anăn Ih brei leh kơ kâo, Ơ Yêhôwa.’ Diih srăng dưm gơ̆ ti anăp Yêhôwa Aê Diê diih, leh anăn kkuh mpŭ ti anăp Yêhôwa Aê Diê diih.

Klei Bi Êdah 14:4

Phung anăn yơh amâo tuôm bi čhŏ digơ̆ pô hŏng mniê ôh, kyuadah digơ̆ jing phung hrông. Digơ̆ yơh tui hlue Êđai Biăp tar ƀar ti anôk Ñu nao. Aê Diê bi tui digơ̆ leh mơ̆ng phung mnuih jing boh hlâo hlang kơ Aê Diê leh anăn kơ Êđai Biăp.