Bruă Lêwi 2:10 - Klei Aê Diê Blŭ 2015

¹⁰ Ya mnơ̆ng adôk mơ̆ng mnơ̆ng myơr kpŭng ƀhĭ srăng pioh kơ Y-Arôn leh anăn phung anak êkei ñu; gơ̆ jing kdrêč doh jăk snăk mơ̆ng mnơ̆ng myơr brei pui ƀơ̆ng kơ Yêhôwa.

Bruă Lêwi 2:10 Iomraidhean Croise

II Klei Yăl Dliê 31:14

Y-Kôrê anak êkei Y-Imna sa čô Lêwi, pô kiă ƀăng jang ngŏ, jing pô kiă mnơ̆ng myơr kơ Aê Diê hŏng klei čŏng čiăng, čiăng bi mbha mnơ̆ng arăng myơr pioh leh kơ Yêhôwa leh anăn mnơ̆ng myơr doh jăk hĭn.

Y-Êsra 2:63

Khua kiă kriê čar hưn kơ diñu kơ diñu amâo dưi ƀơ̆ng mnơ̆ng doh jăk hĭn ôh tơl mâo sa čô khua ngă yang êmuh kơ Urim leh anăn Thumim.

Y-Êsêkiêl 44:29

Diñu srăng ƀơ̆ng mnơ̆ng myơr kpŭng ƀhĭ, mnơ̆ng myơr kyua klei soh, leh anăn mnơ̆ng myơr kyua klei gao klei bhiăn; leh anăn jih jang mnơ̆ng arăng pioh brei kơ Aê Diê hlăm čar Israel srăng jing dŏ diñu.

Y-Êsêkiêl 46:20

Ñu lač kơ kâo, “Anei jing anôk phung khua ngă yang srăng tŭk mnơ̆ng myơr kơ klei gao klei bhiăn leh anăn mnơ̆ng myơr kyua klei soh, leh anăn anei jing anôk diñu srăng ăm mnơ̆ng myơr kpŭng ƀhĭ, čiăng kơ diñu amâo ba mnơ̆ng anăn kơ wăl ti êngao ôh, huĭ bi truh klei doh jăk kơ phung ƀuôn sang.”

Bruă Lêwi 10:12

Y-Môis lač kơ Y-Arôn leh anăn phung anak êkei ñu adôk, Y-Êlêasar leh anăn Y-Ithamar, “Mă bĕ mnơ̆ng myơr kpŭng ƀhĭ adôk mơ̆ng mnơ̆ng myơr brei pui ƀơ̆ng kơ Yêhôwa, leh anăn ƀơ̆ng gơ̆ amâo mâo kpei ti djiêô knưl, kyuadah gơ̆ jing doh jăk hĭn.

Bruă Lêwi 14:13

Ñu srăng koh êđai biăp hlăm anôk arăng koh mnơ̆ng myơr kyua klei soh leh anăn mnơ̆ng myơr čuh, hlăm anôk doh jăk; kyuadah mnơ̆ng myơr kyua klei gao klei bhiăn msĕ si mnơ̆ng myơr kyua klei soh pioh kơ khua ngă yang; mnơ̆ng anăn jing doh jăk hĭn.

Bruă Lêwi 2:3

Ya mnơ̆ng adôk mơ̆ng mnơ̆ng myơr kpŭng ƀhĭ srăng pioh kơ Y-Arôn leh anăn phung anak êkei ñu; gơ̆ jing kdrêč doh jăk snăk mơ̆ng mnơ̆ng myơr brei pui ƀơ̆ng kơ Yêhôwa.

Bruă Lêwi 21:22

Ñu dưi ƀơ̆ng mnơ̆ng ƀơ̆ng huă Aê Diê ñu, wăt mnơ̆ng doh jăk hĭn leh anăn mnơ̆ng doh jăk,

Bruă Lêwi 5:13

Snăn khua ngă yang srăng ngă klei bi doh klei soh kơ pô ngă soh leh hlăm sa mta mnơ̆ng anei, leh anăn gơ̆ srăng mâo klei pap brei. Ya mnơ̆ng adôk srăng pioh kơ khua ngă yang, msĕ si hŏng mnơ̆ng myơr kpŭng ƀhĭ.”

Bruă Lêwi 6:16

Y-Arôn leh anăn phung anak êkei ñu srăng ƀơ̆ng ya mnơ̆ng adôk; diñu srăng ƀơ̆ng gơ̆ amâo mâo kpei hlăm sa bĭt anôk doh jăk; hlăm wăl sang čhiăm klei bi kƀĭn diñu srăng ƀơ̆ng gơ̆.

Bruă Lêwi 6:23

Grăp mnơ̆ng myơr kpŭng ƀhĭ kyua sa čô khua ngă yang arăng srăng čuh jih; arăng amâo srăng ƀơ̆ng gơ̆ ôh.”

Bruă Lêwi 6:9

Anei jing klei bhiăn kơ mnơ̆ng myơr čuh. Mnơ̆ng myơr čuh srăng dôk ti anôk arăng kuč pui ti dlông knưl jih mlam tơl aguah, leh anăn arăng srăng kiă pui ti dlông knưl brei dôk ƀơ̆ng nanao.

Bruă Lêwi 7:7

Mnơ̆ng myơr kyua klei gao klei bhiăn jing msĕ si mnơ̆ng myơr kyua klei soh, mâo sa klei bhiăn kơ digơ̆; khua ngă yang pô ngă bruă klei bi doh kơ klei soh anăn srăng mâo mnơ̆ng myơr anăn.

Klei Yap 18:9

Anei srăng jing dŏ ih mơ̆ng mnơ̆ng doh jăk hĭn arăng pioh leh amâo čuh ôh, grăp mnơ̆ng diñu myơr, grăp mnơ̆ng myơr kpŭng ƀhĭ diñu, grăp mnơ̆ng myơr kyua klei soh diñu, leh anăn grăp mnơ̆ng myơr kyua klei gao klei bhiăn diñu, mnơ̆ng diñu myơr kơ Kâo srăng jing doh jăk hĭn kơ ih leh anăn kơ phung anak êkei ih.

I Y-Samuel 2:28

Kâo ruah ñu leh mơ̆ng jih jang phung găp djuê Israel brei ñu jing khua ngă yang Kâo, đĭ kơ knưl Kâo, čuh mnơ̆ng ƀâo mngưi, hơô ao êphôt ti anăp Kâo; leh anăn Kâo brei leh kơ sang aê ih jih jang mnơ̆ng arăng myơr kơ Kâo brei pui ƀơ̆ng mơ̆ng phung ƀuôn sang Israel.