Bruă Lêwi 2:1 - Klei Aê Diê Blŭ 2015

¹ “Tơdah sa čô ba mdiê kuê jing mnơ̆ng myơr kơ Yêhôwa, mnơ̆ng ñu myơr srăng jing kpŭng ƀhĭ; ñu srăng hlĭng êa boh ôliwơ ti dlông gơ̆, leh anăn dưm mnơ̆ng ƀâo mngưi ti dlông gơ̆.

Bruă Lêwi 2:1 Iomraidhean Croise

Klei Kbiă 29:2

kpŭng amâo mâo kpei, ƀêñ amâo mâo kpei kpit mmai hŏng êa boh ôliwơ, leh anăn ƀêñ êpih amâo mâo kpei krih êa boh ôliwơ. Brei ih ngă ƀêñ anăn hŏng kpŭng ƀhĭ mdiê ƀlê.

Y-Êsai 43:23

Diih amâo myơr kơ Kâo ôh biăp diih jing mnơ̆ng myơr čuh, kăn diih mpŭ rei kơ Kâo hŏng mnơ̆ng diih ngă yang. Kâo amâo tuôm bi ktrŏ diih hŏng mnơ̆ng myơr ôh, kăn tuôm bi êmăn diih rei hŏng mnơ̆ng ƀâo mngưi.

Y-Êsai 66:20

Diñu srăng atăt ba jih jang phung ayŏng adei diih mơ̆ng jih jang găp djuê mnuih jing mnơ̆ng myơr kơ Yêhôwa, đĭ aseh, êdeh aseh, đih hlăm êjao, đĭ aseh dliê leh anăn aseh samô, nao kơ čư̆ doh jăk kâo hlăm ƀuôn Yêrusalem,” Yêhôwa lač, “Msĕ si phung Israel djă ba mnơ̆ng myơr kpŭng ƀhĭ hlăm sa boh čeh doh kơ sang Yêhôwa.

Y-Êsêkiêl 46:20

Ñu lač kơ kâo, “Anei jing anôk phung khua ngă yang srăng tŭk mnơ̆ng myơr kơ klei gao klei bhiăn leh anăn mnơ̆ng myơr kyua klei soh, leh anăn anei jing anôk diñu srăng ăm mnơ̆ng myơr kpŭng ƀhĭ, čiăng kơ diñu amâo ba mnơ̆ng anăn kơ wăl ti êngao ôh, huĭ bi truh klei doh jăk kơ phung ƀuôn sang.”

Y-Yôel 1:9

Arăng bi luč hĕ leh mnơ̆ng myơr kpŭng ƀhĭ leh anăn mnơ̆ng myơr mnăm mơ̆ng sang Yêhôwa. Phung khua ngă yang, phung mă bruă kơ Yêhôwa, kơŭ kyăm.

Y-Yôel 2:14

Hlei thâo tơdah Ñu srăng bi mlih leh anăn pap brei, leh anăn lui sa klei jăk jĭn ti tluôn Ñu, jing mnơ̆ng myơr kpŭng ƀhĭ leh anăn sa mnơ̆ng myơr mnăm kơ Yêhôwa Aê Diê diih?”

Bruă Lêwi 14:10

Ti hruê tal sa păn ñu srăng mă dua drei êđai biăp knô amâo mâo anôk jhat ôh, leh anăn sa drei biăp ana mâo sa thŭn amâo mâo anôk jhat ôh, mnơ̆ng myơr kpŭng ƀhĭ tlâo kdrêč hlăm pluh êphah kpŭng ƀhĭ bi lŭk hŏng êa prăi, leh anăn sa hnơ̆ng êa boh ôliwơ.

Bruă Lêwi 24:7

Brei ih dưm mnơ̆ng ƀâo mngưi doh mbĭt hŏng grăp pruê̆, čiăng kơ dŏ anăn dưi dôk mbĭt hŏng kpŭng jing kdrêč bi hdơr arăng myơr brei pui ƀơ̆ng kơ Yêhôwa.

Bruă Lêwi 5:11

Tơdah ñu amâo dưi mâo dua drei mgăm amâodah dua drei êđai ktrâo ôh, brei ñu djă ba mnơ̆ng myơr kyua klei soh ñu ngă leh sa kdrêč hlăm pluh êphah kpŭng ƀhĭ jing mnơ̆ng myơr kyua klei soh. Đăm brei ñu dưm êa boh ôliwơ ti dlông gơ̆ ôh amâodah dưm mnơ̆ng ƀâo mngưi, kyuadah gơ̆ jing mnơ̆ng myơr kyua klei soh.

Bruă Lêwi 6:7

Leh anăn khua ngă yang srăng ngă klei bi doh klei soh gơ̆ ti anăp Yêhôwa, leh anăn gơ̆ srăng mâo klei pap brei kơ ya klei arăng khăng ngă leh anăn jing soh.”

Bruă Lêwi 9:17

Ñu ba mnơ̆ng myơr kpŭng ƀhĭ, mă kpŭng ƀhĭ bŏ kpăt ñu, leh anăn čuh gơ̆ ti dlông knưl, thiăm kơ mnơ̆ng myơr čuh êjai aguah.

Bruă Lêwi 9:4

leh anăn sa drei êmô knô leh anăn sa drei biăp knô pioh kơ mnơ̆ng myơr kơ klei êđăp ênang, čiăng ngă yang ti anăp Yêhôwa, leh anăn mnơ̆ng myơr kpŭng ƀhĭ bi lŭk leh hŏng prăi ôliwơ; kyuadah hruê anei Yêhôwa srăng bi êdah ñu pô kơ diih.’ ”

Y-Malaki 1:11

Kyuadah mơ̆ng anôk yang hruê ƀlĕ truh ti anôk yang hruê lĕ, anăn Kâo jing prŏng ti krah phung găp djuê mnuih, leh anăn hlăm jih jang anôk arăng myơr mnơ̆ng ƀâo mngưi leh anăn mnơ̆ng myơr doh kơ anăn Kâo, kyuadah anăn Kâo jing prŏng ti krah phung găp djuê mnuih,” Yêhôwa kơ phung kahan lač.

Klei Yap 18:9

Anei srăng jing dŏ ih mơ̆ng mnơ̆ng doh jăk hĭn arăng pioh leh amâo čuh ôh, grăp mnơ̆ng diñu myơr, grăp mnơ̆ng myơr kpŭng ƀhĭ diñu, grăp mnơ̆ng myơr kyua klei soh diñu, leh anăn grăp mnơ̆ng myơr kyua klei gao klei bhiăn diñu, mnơ̆ng diñu myơr kơ Kâo srăng jing doh jăk hĭn kơ ih leh anăn kơ phung anak êkei ih.

Klei Yap 28:5

Msĕ mơh brei ih myơr sa kdrêč hlăm pluh êphah kpŭng ƀhĭ jing mnơ̆ng myơr kpŭng ƀhĭ, bi lŭk hŏng sa kdrêč hlăm pă hin êa boh ôliwơ djiêt.

Klei Yap 29:18

mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm kơ jih jang êmô knô, kơ biăp knô, leh anăn kơ êđai biăp tui hlue dŭm drei diñu tui si klei mtă,

Klei Yap 7:13

leh anăn mnơ̆ng ñu myơr jing sa boh hlao prăk boh ktrŏ gơ̆ sa êtuh tlâo pluh sêkel, sa boh hmăm prăk boh ktrŏ gơ̆ kjuh pluh sêkel tui si sêkel hlăm adŭ doh jăk, jih dua dŏ anăn bŏ hŏng kpŭng ƀhĭ bi lŭk hŏng êa boh ôliwơ jing mnơ̆ng myơr kpŭng ƀhĭ;

Klei Yap 7:19

Mnơ̆ng ñu myơr jing sa boh hlao prăk boh ktrŏ gơ̆ sa êtuh tlâo pluh sêkel, sa boh hmăm prăk boh ktrŏ gơ̆ kjuh pluh sêkel tui si sêkel hlăm adŭ doh jăk, jih dua dŏ anăn bŏ hŏng kpŭng ƀhĭ bi lŭk hŏng êa boh ôliwơ jing mnơ̆ng myơr kpŭng ƀhĭ;

Klei Yap 8:8

Leh anăn brei diñu mă sa drei êmô knô dam mbĭt hŏng mnơ̆ng myơr kpŭng ƀhĭ bi lŭk hŏng êa boh ôliwơ, leh anăn brei ih mă sa drei êmô knô dam mkăn jing mnơ̆ng myơr kyua klei soh.

Y-Yôhan 6:35

Yêsu lač kơ digơ̆, “Kâo jing kpŭng klei hdĭp; hlei pô hriê kơ Kâo amâo srăng tuôm êpa, leh anăn hlei pô đăo kơ Kâo amâo srăng tuôm mhao ôh.

I Y-Yôhan 2:20

Ƀiădah diih mâo leh klei Pô Doh Jăk trôč êa ƀâo mngưi, leh anăn jih jang diih mâo leh klei thâo săng.

I Y-Yôhan 2:27

Bi kơ diih, klei trôč êa ƀâo mngưi diih mă tŭ leh mơ̆ng Ñu dôk hlăm diih, leh anăn amâo yuôm ôh arăng lŏ mtô kơ diih. Msĕ si klei Ñu trôč êa ƀâo mngưi mtô kơ diih jih jang klei, leh anăn jing klei sĭt nik, amâo jing klei luar ôh, tui si Ñu mtô leh kơ diih, dôk bĕ hlăm Ñu.

Y-Yut 1:20

Ƀiădah diih, Ơ phung kâo khăp, brei diih mdơ̆ng diih pô hlăm klei đăo doh jăk diih, leh anăn wah lač bĕ hŏng klei myang Yang Mngăt Jăk.

Klei Bi Êdah 8:3

Mâo sa čô dĭng buăl jăk mkăn hriê leh anăn dôk dơ̆ng ti anăp knưl ngă yang djă mtĭl mah. Arăng brei leh kơ ñu lu mnâo ƀâo mngưi čiăng myơr mbĭt hŏng klei jih jang phung doh jăk wah lač ti dlông knưl mah dôk ti anăp jhưng mtao.