Bruă Lêwi 19:7 - Klei Aê Diê Blŭ 2015

⁷ Tơdah arăng ƀơ̆ng gơ̆ ti hruê tal tlâo, gơ̆ jing mnơ̆ng Kâo bi êmut kheh; Kâo amâo srăng tŭ gơ̆ ôh.

Bruă Lêwi 19:7 Iomraidhean Croise

Y-Êsai 1:13

Đăm lŏ ba mnơ̆ng myơr amâo yuôm ôh. Kâo bi êmut kơ mnơ̆ng ƀâo mngưi, kơ klei huă mnăm ti mlan mrâo ƀlĕ, kơ hruê sabat, leh anăn kơ klei iêô bi kƀĭn. Kâo amâo dưi tŭ ôh klei wê hlăm klei bi kƀĭn mpŭ.

Y-Êsai 65:4

phung dôk gŭ hlăm anôk msat, leh anăn dôk jih mlam hlăm anôk hgăm; phung ƀơ̆ng čĭm ŭn, leh anăn pioh hlăm jam diñu čĭm amâo doh.

Y-Êsai 66:3

Hlei pô bi mdjiê sa drei êmô jing msĕ si pô bi mdjiê sa čô mnuih; hlei pô ngă yang hŏng êđai biăp, jing msĕ si pô bi joh kkuê asâo; hlei pô myơr mnơ̆ng kpŭng ƀhĭ jing msĕ si pô myơr êrah ŭn; hlei pô čuh mnơ̆ng ƀâo mngưi jing msĕ si pô kkuh mpŭ kơ rup yang. Phung anăn ruah leh êlan diñu pô, leh anăn mngăt diñu mơak hlăm klei diñu ngă klei Kâo bi êmut kheh.

Y-Yêrêmi 16:18

Leh anăn Kâo srăng bi wĭt dua blư̆ lu hĭn kơ klei wê leh anăn klei soh diñu, kyuadah diñu bi mčhŏ leh čar Kâo hŏng atâo rup yang diñu, mnơ̆ng anăn Kâo bi êmut kheh, leh anăn bi bŏ ngăn dưn Kâo hŏng klei jhat diñu ngă.”

Bruă Lêwi 19:6

Brei diih ƀơ̆ng gơ̆ hruê diih myơr gơ̆, amâodah ti hruê mgi; leh anăn ya mnơ̆ng adôk tơl hruê tal tlâo, brei arăng čuh hlăm pui.

Bruă Lêwi 19:8

Hlei čô ƀơ̆ng gơ̆ srăng klam klei wê ñu pô, kyuadah ñu bi čhŏ sa mnơ̆ng doh jăk Yêhôwa. Mnuih anăn arăng srăng khăt hĕ mơ̆ng phung ƀuôn sang ñu.

Bruă Lêwi 22:23

Ih dưi ba jing sa mnơ̆ng myơr hŏng klei čŏng čiăng sa drei êmô amâodah sa drei êđai biăp mâo sa ƀĕ jơ̆ng dlông đei amâodah đŭt đei; ƀiădah Kâo amâo srăng tŭ gơ̆ jing mnơ̆ng myơr bi sĭt klei ƀuăn.

Bruă Lêwi 22:25

Kăn diih dưi myơr rei jing mnơ̆ng ƀơ̆ng huă kơ Aê Diê diih hlô mnơ̆ng msĕ snăn mă mơ̆ng sa čô tue. Kyuadah hlô mnơ̆ng anăn mâo anôk jhat kyua klei êkă, Kâo amâo srăng tŭ digơ̆ ôh.’ ”