Bruă Lêwi 19:5 - Klei Aê Diê Blŭ 2015

⁵ Tơdah diih ngă yang myơr mnơ̆ng kơ klei êđăp ênang kơ Yêhôwa, brei diih myơr gơ̆ bi djŏ čiăng kơ Kâo dưi tŭ.

Bruă Lêwi 19:5 Iomraidhean Croise

II Klei Yăl Dliê 31:2

Y-Hêsêkia lŏ bi mbha lu êpul phung khua ngă yang leh anăn phung Lêwi, grăp êpul tui si bruă diñu, phung khua ngă yang leh anăn phung Lêwi kơ bruă mnơ̆ng myơr čuh leh anăn mnơ̆ng myơr kơ klei êđăp ênang, čiăng mă bruă hlăm ƀăng jang anôk wăl Yêhôwa, čiăng myơr klei bi mni leh anăn klei hơêč hmưi.

Klei Kbiă 24:5

Ñu tiŏ nao phung êkei hlăk ai Israel myơr kơ Yêhôwa mnơ̆ng myơr čuh leh anăn ngă yang hŏng êmô jing mnơ̆ng myơr kơ klei êđăp ênang.

Y-Êsêkiêl 46:12

Tơdah pô jing khua myơr mnơ̆ng myơr êngiê kơ Yêhôwa, thâodah mnơ̆ng myơr čuh amâodah mnơ̆ng myơr kơ klei êđăp ênang, arăng srăng pŏk kơ ñu ƀăng jang phă ngŏ; leh anăn ñu srăng myơr mnơ̆ng ñu myơr čuh amâodah mnơ̆ng ñu myơr kơ klei êđăp ênang msĕ si ñu ngă ti hruê sabat. Leh anăn kơh ñu srăng kbiă, tơdah leh ñu kbiă arăng srăng kđăl ƀăng jang.

Y-Êsêkiêl 46:2

Pô jing khua srăng mŭt ti adring ƀăng jang mơ̆ng êngao, leh anăn srăng dôk dơ̆ng giăm gơ̆ng ƀăng jang. Phung khua ngă yang srăng myơr mnơ̆ng pô jing khua myơr čuh leh anăn mnơ̆ng ñu myơr kơ klei êđăp ênang, leh anăn ñu srăng kkuh mpŭ ti mbông ƀăng jang. Leh klei anăn ñu srăng kbiă, ƀiădah đăm brei arăng kđăl ƀăng jang ôh tơl truh tlam.

Bruă Lêwi 1:3

Tơdah mnơ̆ng ñu myơr jing sa mnơ̆ng myơr čuh hŏng êmô, brei ñu myơr sa drei knô amâo mâo anôk jhat ôh. Brei ñu myơr gơ̆ ti ƀăng bhă sang čhiăm klei bi kƀĭn, čiăng ñu dưi mâo klei tŭ ti anăp Yêhôwa.

Bruă Lêwi 19:4

Đăm wir phă rup yang amâodah tuh tia kơ diih pô rup yang ôh. Kâo jing Yêhôwa Aê Diê diih.

Bruă Lêwi 19:6

Brei diih ƀơ̆ng gơ̆ hruê diih myơr gơ̆, amâodah ti hruê mgi; leh anăn ya mnơ̆ng adôk tơl hruê tal tlâo, brei arăng čuh hlăm pui.

Bruă Lêwi 22:19

čiăng mâo klei Kâo tŭ, brei diih myơr sa drei knô amâo mâo anôk jhat ôh, êmô, biăp, amâodah bê.

Bruă Lêwi 22:21

Tơdah sa čô myơr sa mnơ̆ng ngă yang myơr kơ klei êđăp ênang kơ Yêhôwa, čiăng bi sĭt klei ƀuăn amâodah jing mnơ̆ng myơr hŏng klei čŏng čiăng, êmô amâodah biăp bê, čiăng mâo klei Kâo tŭ, brei mnơ̆ng anăn jing klă, amâo mâo sa anôk jhat ôh.

Bruă Lêwi 22:23

Ih dưi ba jing sa mnơ̆ng myơr hŏng klei čŏng čiăng sa drei êmô amâodah sa drei êđai biăp mâo sa ƀĕ jơ̆ng dlông đei amâodah đŭt đei; ƀiădah Kâo amâo srăng tŭ gơ̆ jing mnơ̆ng myơr bi sĭt klei ƀuăn.

Bruă Lêwi 22:29

Tơdah diih ngă yang klei ngă yang bi mni kơ Yêhôwa, brei diih ngă yang anăn čiăng diih dưi mâo klei Kâo tŭ.

Bruă Lêwi 7:16

Ƀiădah tơdah mnơ̆ng ngă yang ñu myơr jing sa mnơ̆ng myơr hŏng klei ƀuăn amâodah mnơ̆ng myơr hŏng klei čiăng, arăng srăng ƀơ̆ng ñu ti hruê arăng myơr mnơ̆ng ngă yang ñu, leh anăn ya mnơ̆ng adôk arăng dưi ƀơ̆ng hruê mgi.

Bruă Lêwi 7:18

Tơdah arăng ƀơ̆ng kđeh mnơ̆ng ngă yang myơr kơ klei êđăp ênang ti hruê tal tlâo, Yêhôwa amâo srăng tŭ ôh pô myơr gơ̆, mnơ̆ng anăn kăn Yêhôwa srăng yap yuôm rei kơ ñu; gơ̆ srăng jing mnơ̆ng Yêhôwa bi êmut, leh anăn pô ƀơ̆ng mnơ̆ng anăn srăng klam klei wê ñu.