Bruă Lêwi 19:3 - Klei Aê Diê Blŭ 2015

³ Brei grăp čô diih mpŭ kơ amĭ ama pô, leh anăn brei diih hdơr pioh hruê sabat Kâo. Kâo jing Yêhôwa Aê Diê diih.

Bruă Lêwi 19:3 Iomraidhean Croise

Klei Mphŭn Dơ̆ng 48:12

Y-Yôsep mă hĕ phung anak êkei ñu mơ̆ng kơŭt ama ñu, leh anăn ñu buôn kŭp ƀô̆ ti lăn.

Y-Nêhêmi 9:14

leh anăn Ih bi mthâo leh kơ diñu hruê sabat doh jăk Ih, leh anăn Ih brei leh kơ diñu klei mtă, klei čih, leh anăn sa klei bhiăn hŏng Y-Môis dĭng buăl Ih.

Klei Kbiă 16:29

Brei diih thâo săng, Yêhôwa brei leh kơ diih hruê sabat; kyuanăn ti hruê tal năm Ñu brei kơ diih kpŭng djăp kơ dua hruê. Brei grăp čô dôk ti anôk ñu pô, leh anăn đăm brei mnuih kbiă mơ̆ng anôk ñu dôk ôh ti hruê tal kjuh.”

Klei Kbiă 20:12

Mpŭ kơ amĭ ama ih, čiăng bi sui hruê ih dôk hdĭp hlăm čar Yêhôwa Aê Diê ih brei kơ ih.

Klei Kbiă 20:8

Brei ih hdơr kơ hruê sabat čiăng pioh gơ̆ jing doh jăk.

Klei Kbiă 21:15

Hlei pô čăm ama amâodah amĭ ñu, brei arăng bi mdjiê ñu.

Klei Kbiă 21:17

Hlei pô tăm pah kơ ama amâodah kơ amĭ ñu, brei arăng bi mdjiê ñu.

Klei Bi Hriêng 1:8

Anak kâo, dôk hmư̆ bĕ klei ama ih bi hriăm ih, leh anăn đăm hngah hĕ ôh klei amĭ ih mtô;

Klei Bi Hriêng 23:22

Mđing knga kơ ama ih, pô kkiêng kơ ih, leh anăn đăm bi êmut ôh kơ amĭ ih tơdah gơ̆ mduôn leh.

Klei Bi Hriêng 30:11

Mâo phung mnuih tăm pah kơ ama diñu, leh anăn amâo hơêč hmưi klei jăk jĭn ôh kơ amĭ diñu;

Klei Bi Hriêng 30:17

Ak hlăm tlung srăng čoh ală leh anăn tlang grư̆ srăng ƀơ̆ng kđeh mnuih mưč kơ ama leh anăn hngah amâo gưt asăp kơ amĭ.

Y-Êsai 58:13

“Tơdah ih mdei mă bruă êjai hruê sabat, amâo ngă ôh klei ih čiăng hlăm hruê doh jăk Kâo, leh anăn pia hruê sabat jing klei mơak leh anăn hruê doh jăk Yêhôwa năng arăng mpŭ; leh anăn tơdah ih mpŭ kơ hruê sabat amâo ngă ôh tui si êlan ih pô, amâo duah ôh klei bi mơak kơ ih pô, kăn blŭ klei hơăi mang rei,

Y-Êsêkiêl 20:12

Leh anăn Kâo brei kơ diñu hruê sabat Kâo jing sa klei bi knăl hdơ̆ng Kâo hŏng diñu, čiăng kơ diñu thâo kơ Kâo gơ̆ Yêhôwa pioh brei diñu jing doh jăk.

Bruă Lêwi 11:44

Kyuadah Kâo jing Yêhôwa Aê Diê diih; snăn pioh brei diih pô, leh anăn jing doh jăk, kyuadah Kâo pô jing doh jăk. Đăm diih bi čhŏ diih pô kyua sa mnơ̆ng bi phung êrui ti rŏng lăn ala.

Bruă Lêwi 19:25

Ƀiădah ti thŭn tal êma diih dưi ƀơ̆ng boh ana anăn, čiăng kơ digơ̆ mboh lu hĭn kơ diih. Kâo jing Yêhôwa Aê Diê diih.

Bruă Lêwi 19:30

Brei diih djă pioh hruê sabat Kâo leh anăn mpŭ kơ adŭ doh jăk Kâo. Kâo jing Yêhôwa.

Bruă Lêwi 19:31

Đăm nao kơ phung blŭ hrăm hŏng yang jhat amâodah kơ phung mjâo; đăm tui duah diñu ôh, bi čhŏ diih pô kyua diñu. Kâo jing Yêhôwa Aê Diê diih.

Bruă Lêwi 19:34

Tue dôk jưh bhiâo mbĭt hŏng diih srăng jing kơ diih msĕ si sa čô mnuih ƀuôn sang pô ti krah diih, leh anăn brei ih khăp kơ gơ̆ msĕ si kơ ih pô; kyuadah diih jing leh tue hlăm čar Êjip. Kâo jing Yêhôwa Aê Diê diih.

Bruă Lêwi 23:3

Arăng srăng mă bruă êjai năm hruê; ƀiădah hruê tal kjuh jing hruê sabat, hruê mdei mâo klei mpŭ, sa klei bi kƀĭn doh jăk. Đăm ngă sa mta bruă ôh; anăn jing hruê sabat kơ Yêhôwa hlăm jih jang anôk diih dôk.

Bruă Lêwi 26:2

Brei diih hdơr pioh hruê sabat Kâo leh anăn mpŭ kơ adŭ doh jăk Kâo. Kâo jing Yêhôwa.

Y-Malaki 1:6

“Sa čô anak êkei mpŭ kơ ama ñu, leh anăn sa čô dĭng buăl mpŭ kơ khua ñu. Tơdah Kâo jing sa čô ama, ti lei klei mpŭ năng kơ Kâo? Tơdah Kâo jing sa čô khua, ti lei klei arăng huĭ năng kơ Kâo?” Yêhôwa kơ phung kahan lač. “Diih, Ơ phung khua ngă yang, jing phung bi êmut kơ anăn Kâo? Diih lač, ‘Si klei hmei bi êmut leh kơ anăn ih?’

Klei Mtô Mñă Klei Bhiăn 27:16

‘Tăm pah hĕ kơ pô bi hêñ ama amĭ ñu.’ Leh anăn jih jang phung ƀuôn sang srăng lač, ‘Amen’.

Klei Mtô Mñă Klei Bhiăn 5:16

Mpŭ bĕ kơ ama amĭ ih, tui si Yêhôwa Aê Diê ih mtă leh kơ ih, čiăng kơ ih dưi dôk hdĭp sui hĭn, leh anăn klei jăk dưi truh kơ ih hlăm čar Yêhôwa Aê Diê ih brei kơ ih.

Hêbrơ 12:9

Êbeh hĭn kơ anăn, drei mâo leh ama ti lăn ala čiăng mkra mjuăt drei, leh anăn drei mpŭ kơ diñu. Amâo djŏ hĕ kdlưn hĭn drei srăng gưt Ama kơ mngăt leh anăn dôk hdĭp?