Bruă Lêwi 19:23 - Klei Aê Diê Blŭ 2015

²³ Tơdah diih mŭt hlăm čar leh anăn pla djăp mta ana boh dưi ƀơ̆ng, brei diih yap boh digơ̆ msĕ si dŏ arăng ghă leh; tlâo thŭn arăng ghă boh anăn kơ diih, đăm ƀơ̆ng gơ̆ ôh.

Bruă Lêwi 19:23 Iomraidhean Croise

Klei Kbiă 6:12

Ƀiădah Y-Môis lŏ wĭt lač kơ Yêhôwa, “Nĕ anei, phung ƀuôn sang Israel amâo dôk hmư̆ kâo ôh, snăn si ngă Pharaôn srăng dôk hmư̆ kâo lĕ, kyuadah kâo mâo ƀăng kƀông dleh blŭ?”

Klei Kbiă 6:30

Ƀiădah Y-Môis lač kơ Yêhôwa, “Nĕ anei, kâo mâo ƀăng kƀông dleh blŭ. Si ngă Pharaôn srăng dôk hmư̆ kâo lĕ?”

Y-Yêrêmi 6:10

Kơ hlei pô kâo srăng blŭ leh anăn brei răng, čiăng kơ diñu hmư̆? Nĕ anei, knga diñu kăt leh, diñu amâo dưi hmư̆ ôh; nĕ anei, klei Yêhôwa blŭ jing mnơ̆ng diñu djă djik djak, diñu amâo mơak ôh hŏng klei blŭ anăn.

Bruă Lêwi 12:3

Hruê tal sa păn arăng srăng khăt klĭt anak êkei anăn.

Bruă Lêwi 14:34

“Tơdah diih mŭt hlăm čar Kanaan, čar Kâo brei diih dưn, tơdah Kâo dưm klei ruă djŏ phŭng hlăm sa boh sang ti čar diih dưn,

Bruă Lêwi 19:22

Khua ngă yang srăng ngă klei bi doh klei soh ñu hŏng biăp knô mnơ̆ng myơr kyua klei gao klei bhiăn ti anăp Yêhôwa kyua klei soh ñu ngă leh; leh anăn klei soh ñu ngă leh srăng mâo klei pap brei.

Bruă Lêwi 19:24

Ti thŭn tal pă jih jang boh ana anăn srăng jing doh jăk, jing mnơ̆ng myơr bi mni kơ Yêhôwa.

Bruă Lêwi 22:27

“Tơdah sa drei êmô, biăp, amâodah bê mđai leh, êđai gơ̆ srăng dôk mbĭt hŏng ana kjuh hruê. Mơ̆ng hruê sa păn kơ anăp Kâo srăng tŭ gơ̆ jing mnơ̆ng myơr brei pui ƀơ̆ng kơ Yêhôwa.

Bruă Lêwi 23:14

Diih amâo dưi ƀơ̆ng kpŭng amâodah mdiê ăm amâodah mdiê mrâo wiă êlâo diih djă ba leh mnơ̆ng myơr kơ Aê Diê diih. Anăn jing klei bhiăn dôk nanao jih jang ênuk diih hlăm jih jang anôk diih dôk.

Bruă Phung Khua Ƀĭng Kna 7:51

Ơ phung ƀuôn sang khăng kŏ, ai tiê leh anăn knga amâo mâo khăt klĭt ôh. Diih bi kdơ̆ng nanao hŏng Yang Mngăt Jăk. Msĕ si phung aê diih ngă leh, diih ngă msĕ mơh.