Bruă Lêwi 19:16 - Klei Aê Diê Blŭ 2015

¹⁶ Đăm hiu blŭ klei mčeh ti krah phung ƀuôn sang ih ôh, leh anăn đăm ngă mnêč čiăng bi luč klei hdĭp pô riêng gah ih ôh. Kâo jing Yêhôwa.

Bruă Lêwi 19:16 Iomraidhean Croise

Y-Yôp 17:5

Hlei pô kčŭt kơ mah jiăng ñu čiăng plah mă đa kdrêč ngăn dŏ digơ̆, ală phung anak ñu srăng jing mmăt.

Klei Mmuñ Hđăp 101:5

Kâo srăng brei pô mčeh kơ phung riêng gah ñu hŏng klei hgăm dôk ñăt. Kâo amâo srăng tŭ ôh hlei pô dlăng hŏng ală leh anăn ai tiê mgao.

Klei Mmuñ Hđăp 15:3

pô amâo mčeh ôh hŏng êlah ñu, kăn ngă jhat rei kơ găp ñu, kăn bi hêñ rei pô riêng gah ñu;

Klei Mmuñ Hđăp 50:20

Ih dôk gŭ leh anăn blŭ bi kdơ̆ng hŏng ayŏng adei ih; ih mčeh kơ anak êkei amĭ ih.

Klei Kbiă 20:16

Đăm mčeh luar kơ pô riêng gah ih ôh.

Klei Kbiă 23:1

“Đăm yăl dliê ôh klei hưn soh. Đăm bi mguôp ôh hŏng mnuih ƀai čiăng hưn klei amâo sĭt.

Klei Kbiă 23:7

Brei ih dôk kbưi hŏng klei kčŭt mčeh, leh anăn đăm bi mdjiê ôh phung ênuah ênô leh anăn phung kpă, kyuadah Kâo amâo srăng yap kpă ôh mnuih ƀai.

Klei Bi Hriêng 10:18

Hlei pô mdăp klei bi êmut mâo kƀông luar, leh anăn hlei pô blŭ mčeh jing sa čô mluk.

Klei Bi Hriêng 11:13

Pô kreh yăl dliê bi êdah klei hgăm, ƀiădah hlei pô mâo ai tiê sĭt suôr amâo bi êdah klei hgăm ôh.

Klei Bi Hriêng 20:19

Hlei pô yăl dliê djưč pŏk lưk klei hgăm, snăn đăm bi mguôp ôh hŏng pô kreh blŭ lu.

Y-Yêrêmi 6:28

Jih jang diñu khăng bi kdơ̆ng, hiu blŭ klei mčeh; diñu jing khăng msĕ si kông leh anăn msei, jih jang diñu ngă klei soh êdimima.

Y-Yêrêmi 9:4

“Brei grăp čô răng kơ pô riêng gah ñu, leh anăn đăm knang ôh kơ phung sa kđeh êrah hŏng ih; kyuadah grăp čô sa kđeh êrah hŏng ih jing pô plah mă, leh anăn grăp čô pô riêng gah hiu mčeh kơ arăng.

Y-Êsêkiêl 22:9

Mâo phung mnuih hlăm ih mčeh luar čiăng tuh êrah, leh anăn mâo phung hlăm ih ƀơ̆ng huă ti dlông čư̆; phung êkei ngă klei knhông ti krah ih.

Y-Mathiơ 27:4

“Kâo ngă soh leh jao brei kơ diih êrah Pô amâo soh ôh.” Phung anăn lač, “Ya yuôm klei anăn kơ hmei? Klei anăn bruă ih.”

Klei Mtô Mñă Klei Bhiăn 27:25

‘Tăm pah hĕ kơ pô mă tŭ ngăn sun čiăng bi mdjiê sa čô amâo soh ôh.’ Leh anăn jih jang phung ƀuôn sang srăng lač, ‘Amen’.

I Y-Timôthê 3:11

Brei phung mô̆ diñu msĕ mơh jing phung năng kơ arăng mpŭ, amâo dlao wač kơ arăng ôh, ƀiădah dôk djŏ hnơ̆ng, dôk sĭt suôr hlăm jih jang klei.

II Y-Timôthê 3:3

amâo uêñ kơ arăng, amâo thâo pap, mčeh luar, êgao hnơ̆ng, măk ƀai, bi êmut kơ klei jăk,

Y-Tit 2:3

Mtă kơ phung mniê mduôn msĕ mơh brei dôk dơ̆ng ƀơ̆ng huă hŏng klei doh jăk, amâo jing mnuih mčeh luar amâodah jing hlŭn kơ kpiê ôh. Brei diñu mtô ya jing jăk,

I Y-Pêtrôs 2:1

Kyuanăn brei diih lui klei ƀai, jih klei mnêč, klei ai ngăm, klei nač, leh anăn jih klei mčeh luar.

I Y-Samuel 24:10

Nĕ anei ală ih ƀuh leh hruê anei kơ Yêhôwa jao leh ih hruê anei hlăm kngan kâo hlăm ƀăng čư̆. Đa đa mtrŭt kâo bi mdjiê ih, ƀiădah kâo lui pioh ih. Kâo lač, ‘Kâo amâo srăng yơr kngan kâo ngă kơ khua kâo ôh, kyuadah ñu jing pô Yêhôwa trôč leh êa ƀâo mngưi.’