Bruă Lêwi 19:13 - Klei Aê Diê Blŭ 2015

¹³ Đăm ktư̆ juă pô riêng gah ih amâodah tlĕ dŏ ñu ôh. Đăm djă pioh ênoh mưn kơ dĭng buăl mă bruă kơ ih tơl aguah ôh.

Bruă Lêwi 19:13 Iomraidhean Croise

Y-Yôp 17:5

Hlei pô kčŭt kơ mah jiăng ñu čiăng plah mă đa kdrêč ngăn dŏ digơ̆, ală phung anak ñu srăng jing mmăt.

Y-Yôp 31:39

tơdah kâo ƀơ̆ng leh boh ñu amâo mâo tla ênoh ôh, leh anăn brei klei djiê truh kơ pô gơ̆;

Y-Yôp 7:2

Msĕ si sa čô hlŭn čiăng snăk kơ êyui, leh anăn msĕ si sa čô mă bruă mưn čang hmăng kơ prăk mlan,

Klei Kbiă 20:15

Đăm tlĕ dŏ dô arăng ôh.

Klei Kbiă 22:13

Tơdah mâo mnơ̆ng hiêk dŏ ñu kiă, brei ñu ba dŏ anăn jing klei hưn; ñu amâo srăng bi hnô ôh dŏ mnơ̆ng hiêk leh.

Klei Kbiă 22:15

Tơdah pô gơ̆ ti anăp, amâo srăng mâo klei bi hnô ôh. Tơdah ñu mưn mnơ̆ng anăn, ênoh mưn anăn srăng djăp yơh.

Klei Kbiă 22:21

Đăm ngă ƀai kơ sa čô tue, kăn ktư̆ juă gơ̆ rei, kyuadah diih jing tue leh hlăm čar Êjip.

Klei Kbiă 22:7

Tơdah sa čô mnuih brei sa čô mkăn kiă kriê prăk amâodah dŏ, ƀiădah arăng tlĕ hĕ mơ̆ng sang pô kiă kriê, pô tlĕ srăng bi hnô dua tal tơdah arăng mâo mă ñu.

Klei Bi Hriêng 20:10

Klei mkă boh ktrŏ soh leh anăn boh dlông soh, jih dua anăn Yêhôwa bi êmut kheh.

Klei Bi Hriêng 22:22

Đăm tlĕ ôh dŏ dô pô ƀun ƀin kyuadah gơ̆ jing pô ƀun ƀin, leh anăn đăm ktư̆ juă ôh pô knap mñai ti ƀăng jang.

Klei Bi Hriêng 3:28

Đăm lač ôh kơ pô riêng gah ih, “Nao leh anăn lŏ hriê bĕ, kâo srăng brei kơ ih mgi” — tơdah ih mâo leh mnơ̆ng brei anăn.

Y-Yêrêmi 22:13

Knap mñai yơh kơ pô mdơ̆ng sang ñu hŏng klei wê, leh anăn adŭ tal dlông ñu hŏng klei amâo kpă; pô brei phung riêng gah ñu mă bruă kơ ñu amâo mâo mưn ôh, amâo ƀơk digơ̆ ôh;

Y-Yêrêmi 22:3

Snei Yêhôwa lač: Ngă bĕ klei kpă ênô leh anăn klei djŏ, leh anăn bi mtlaih bĕ mơ̆ng kngan pô ktư̆ juă pô arăng tlĕ leh mnơ̆ng ñu. Leh anăn đăm ngă klei soh amâodah klei ƀai ôh kơ phung tue, kơ phung anak êrĭt ama, leh anăn kơ phung mniê djiê ung, kăn tuh hlăm anôk anei rei êrah pô amâo mâo soh.

Y-Êsêkiêl 18:7

amâo ktư̆ juă arăng ôh, ƀiădah lŏ bi wĭt kơ pô čan dŏ gơ̆ mgơ̆ng, amâo tlĕ ôh, brei kpŭng ñu kơ phung êpa leh anăn bi hơô phung lưng mlŭn hŏng čhiăm ao,

Y-Êsêkiêl 22:12

Hlăm ih phung êkei mă ngăn sun čiăng tuh êrah; ih ƀơ̆ng mnga leh anăn ƀơ̆ng đĭ mơ̆ng phung riêng gah ih hŏng klei arưp aram; leh anăn ih wơr bĭt leh Kâo,’ Yêhôwa Aê Diê lač.

Y-Êsêkiêl 22:29

Phung ƀuôn sang hlăm čar ngă leh klei arưp aram leh anăn klei tlĕ dŏ arăng; diñu ktư̆ juă phung ƀun ƀin leh anăn phung kƀah mnơ̆ng, leh anăn arưp aram kơ pô jưh bhiâo amâo brei klei kđi djŏ ôh.

Bruă Lêwi 25:14

Tơdah ih čhĭ kơ pô riêng gah ih, amâodah tơdah ih blei mơ̆ng pô riêng gah ih, đăm brei diih bi msoh hdơ̆ng diih ôh.

Bruă Lêwi 25:17

Đăm bi msoh hdơ̆ng diih pô ôh, ƀiădah brei ih huĭ mpŭ kơ Aê Diê ih; kyuadah Kâo jing Yêhôwa Aê Diê diih.

Bruă Lêwi 6:3

amâodah duñ ya mnơ̆ng luč leh ƀiădah hngah leh anăn kat asei hŏng klei luar — ngă sa mta hlăm jih jang klei mnuih khăng ngă jing soh leh —

Y-Malaki 3:5

“Hlăk anăn Kâo srăng hriê giăm diih kơ klei phat kđi; Kâo srăng jing sa čô pô ruăt hưn bi kdơ̆ng hŏng phung mjâo, hŏng phung tlĕ piu, hŏng phung kat asei luar, hŏng phung mkhư̆ klei mưn kơ phung mă bruă, phung ktư̆ juă mniê djiê ung leh anăn anak êrĭt, hŏng phung bi wơr dliê phung tue, ƀiădah amâo huĭ mpŭ kơ Kâo ôh,” Yêhôwa lač.

Y-Mathiơ 20:8

Tơdah adiê tlam leh, pô đang boh kriăk ƀâo lač kơ pô kiă bruă ñu, ‘Iêô bĕ phung mă bruă leh anăn ƀơk diñu dơ̆ng mơ̆ng phung êdei truh kơ phung êlâo.’

Y-Markôs 10:19

Ih thâo leh klei bhiăn: ‘Đăm bi mdjiê mnuih ôh; đăm tlĕ piu ôh; đăm tlĕ dŏ dô arăng ôh; đăm mčeh luar ôh; đăm mplư arăng ôh; mpŭ kơ amĭ ama ih.’ ”

Y-Luk 3:13

Ñu lač kơ digơ̆, “Đăm rĭng ôh êbeh hĭn kơ ênoh arăng bi kčah leh kơ diih.”

I Têsalônik 4:6

Đăm brei mâo ôh mnuih gao klei bhiăn leh anăn bi msoh kơ ayŏng adei ñu hlăm klei anăn, kyuadah Khua Yang jing Pô rŭ ênua kơ jih klei anăn, msĕ si hmei hưn leh brei diih răng.

I Y-Timôthê 5:18

Kyuadah Klei Aê Diê Blŭ lač, “Đăm diih guôm hĕ ôh amung êmô êjai ñu dôk juă mdiê,” leh anăn “Pô mă bruă năng mâo klei mưn kơ ñu.”

Y-Yakơ 5:4

Nĕ anei, ênoh mưn phung wiă mdiê hlăm hma diih, ênoh anăn diih tlĕ pioh kơ diih pô, ur bi êdah; leh anăn asăp phung wiă ur krao đĭ truh leh kơ knga Khua Yang Pô myang hĭn.