Bruă Lêwi 19:12 - Klei Aê Diê Blŭ 2015

¹² Leh anăn đăm kat asei luar hŏng anăn Kâo ôh, klei anăn bi čhŏ anăn Aê Diê ih. Kâo jing Yêhôwa.

Bruă Lêwi 19:12 Iomraidhean Croise

Klei Mmuñ Hđăp 15:4

ñu bi êmut kơ pô hngah kơ Yêhôwa, ƀiădah ñu mpŭ kơ phung gưt kơ Yêhôwa; wăt tơdah klei ñu kat asei jing klei luč kơ ñu, ñu amâo bi mlih klei anăn ôh.

Klei Kbiă 20:7

Đăm ih yua anăn Yêhôwa Aê Diê ih hơăi mang ôh, kyuadah Yêhôwa amâo srăng yap kpă ôh pô yua anăn Ñu hơăi mang.

Y-Êsai 48:1

“Dôk hmư̆ bĕ klei anei, Ơ sang Yakôp, phung arăng bi anăn Israel, phung kbiă hriê mơ̆ng akŏ êa Yuđa, phung kat asei hŏng anăn Yêhôwa, leh anăn kwưh kơ Aê Diê phung Israel, amâo djŏ hŏng klei sĭt nik kăn hŏng klei kpă ênô rei.

Y-Yêrêmi 34:16

Ƀiădah leh klei anăn diih bi mlih klei mĭn leh anăn bi čhŏ anăn Kâo êjai grăp čô diih lŏ mă hlŭn ñu êkei leh anăn mniê, phung diih bi êngiê leh tui si digơ̆ čiăng, leh anăn diih lŏ mă mjing digơ̆ hlŭn msĕ si êlâo.

Y-Yêrêmi 4:2

leh anăn tơdah ih kat asei, ‘Tui si Yêhôwa dôk hdĭp,’ hŏng klei sĭt nik, hŏng klei kpă, leh anăn hŏng klei djŏ, snăn Yêhôwa srăng hơêč hmưi kơ phung găp djuê mnuih, leh anăn hlăm Gơ̆ diñu srăng mâo klei guh kơang.”

Y-Yêrêmi 5:2

Wăt tơdah diñu lač, ‘Tui si Yêhôwa dôk hdĭp,’ ăt diñu kat asei hŏng klei luar.”

Y-Yêrêmi 7:9

Diih srăng tlĕ mơ̆, bi mdjiê mnuih mơ̆, tlĕ piu mơ̆, kat asei luar mơ̆, čuh mnơ̆ng ƀâo mngưi kơ yang Baal mơ̆, leh anăn tui hlue yang mkăn mơ̆ diih amâo tuôm thâo kral ôh,

Bruă Lêwi 18:21

Đăm brei ôh sa čô hlăm phung anak ih čiăng jao gơ̆ brei pui ƀơ̆ng kơ yang Môlok, kyuanăn ih bi čhŏ anăn Aê Diê ih. Kâo jing Yêhôwa.

Bruă Lêwi 20:3

Kâo pô yơh srăng bi kdơ̆ng hŏng pô anăn, leh anăn Kâo srăng khăt hĕ ñu mơ̆ng krah phung ƀuôn sang ñu, kyuadah ñu jao leh sa čô hlăm phung anak ñu kơ yang Môlok, bi čhŏ leh adŭ doh jăk Kâo leh anăn bi msoh anăn doh jăk Kâo.

Bruă Lêwi 24:11

Anak êkei mniê Israel blŭ mgao tăm pah kơ anăn Yêhôwa. Arăng atăt ba gơ̆ kơ Y-Môis. Anăn amĭ gơ̆ H'Sêlômit, anak mniê Y-Dibri, mơ̆ng găp djuê Dan.

Bruă Lêwi 6:3

amâodah duñ ya mnơ̆ng luč leh ƀiădah hngah leh anăn kat asei hŏng klei luar — ngă sa mta hlăm jih jang klei mnuih khăng ngă jing soh leh —

Y-Sakari 5:3

Leh anăn ñu lač kơ kâo, “Anei jing klei tăm pah nao kluôm čar; kyuadah tui si klei čih ti sa nah, grăp čô hlei pô tlĕ arăng srăng bi rai, leh anăn tui si klei čih ti nah mkăn, grăp čô hlei pô kat asei luar arăng srăng bi rai hĕ.

Y-Sakari 5:4

‘Kâo srăng tiŏ nao ñu,’ Yêhôwa kơ phung kahan lač, ‘leh anăn ñu srăng mŭt hlăm sang pô knĕ, leh anăn hlăm sang pô kat asei luar hŏng anăn Kâo; ñu srăng dôk hlăm sang pô anăn leh anăn bi rai sang, wăt kyâo wăt boh tâo.’ ”

Y-Malaki 3:5

“Hlăk anăn Kâo srăng hriê giăm diih kơ klei phat kđi; Kâo srăng jing sa čô pô ruăt hưn bi kdơ̆ng hŏng phung mjâo, hŏng phung tlĕ piu, hŏng phung kat asei luar, hŏng phung mkhư̆ klei mưn kơ phung mă bruă, phung ktư̆ juă mniê djiê ung leh anăn anak êrĭt, hŏng phung bi wơr dliê phung tue, ƀiădah amâo huĭ mpŭ kơ Kâo ôh,” Yêhôwa lač.

Klei Mtô Mñă Klei Bhiăn 5:11

Đăm ih yua anăn Yêhôwa Aê Diê ih hơăi mang ôh; kyuadah Yêhôwa amâo srăng lui amâo bi kmhal ôh pô yua anăn Ñu hơăi mang.

Y-Yakơ 5:12

Ƀiădah Ơ phung ayŏng amai adei, êgao hĭn kơ jih jang klei, đăm kat asei ôh, thâodah hŏng adiê amâodah hŏng lăn ala, amâodah hŏng klei kat asei mkăn, ƀiădah brei klei diih Ơ jing Ơ, leh anăn klei diih Ơ ơh jing Ơ ơh, čiăng kơ Aê Diê amâo phat kđi kơ diih ôh.