Bruă Lêwi 19:11 - Klei Aê Diê Blŭ 2015

¹¹ Đăm tlĕ, đăm mplư, kăn luar pô mkăn rei.

Bruă Lêwi 19:11 Iomraidhean Croise

II Y-Samuel 17:20

Tơdah phung dĭng buăl Y-Apsalôm truh kơ mniê ti sang, diñu lač, “Ti Y-Ahimas leh anăn Y-Jônathan?” Mniê anăn lač kơ diñu, “Digơ̆ găn êa hnoh leh.” Tơdah diñu duah leh anăn amâo dưi ƀuh digơ̆ ôh, diñu lŏ wĭt kơ ƀuôn Yêrusalem.

I Bruă Mtao 13:18

Leh anăn sa čô pô mkăn lač kơ gơ̆, “Kâo msĕ mơh jing sa čô khua pô hưn êlâo msĕ si ih, leh anăn sa čô dĭng buăl jăk blŭ leh kơ kâo hŏng klei Yêhôwa blŭ, lač, ‘Atăt bĕ ñu wĭt mbĭt hŏng ih mŭt hlăm sang ih, čiăng kơ ñu dưi ƀơ̆ng kpŭng leh anăn mnăm êa.’ ” Ƀiădah ñu luar kơ gơ̆.

Klei Mmuñ Hđăp 101:7

Hlei pô ngă klei mplư amâo srăng dôk hlăm sang kâo ôh; hlei pô blŭ klei luar amâo srăng dôk mbĭt hŏng kâo ôh.

Klei Mmuñ Hđăp 116:11

Kâo lač hlăm klei kâo rŭng răng, “Jih jang mnuih jing phung luar.”

Klei Kbiă 20:15

Đăm tlĕ dŏ dô arăng ôh.

Klei Kbiă 20:16

Đăm mčeh luar kơ pô riêng gah ih ôh.

Klei Kbiă 20:17

Đăm tluh kơ sang pô riêng gah ih ôh; đăm tluh kơ mô̆ pô riêng gah ih ôh, kăn tluh kơ dĭng buăl êkei mniê ñu rei, êmô ñu, aseh dliê ñu, amâodah mnơ̆ng mkăn jing dŏ pô riêng gah ih.”

Klei Kbiă 22:1

Tơdah sa čô mnuih tlĕ sa drei êmô amâodah sa drei biăp, leh anăn ñu bi mdjiê amâodah čhĭ gơ̆, ñu srăng bi hnô êma drei êmô kơ sa drei êmô, leh anăn pă drei biăp kơ sa drei biăp. Ñu srăng bi wĭt mnơ̆ng ñu tlĕ, tơdah ñu amâo mâo mnơ̆ng ôh, arăng srăng čhĭ ñu kyua mnơ̆ng ñu tlĕ.

Klei Kbiă 22:7

Tơdah sa čô mnuih brei sa čô mkăn kiă kriê prăk amâodah dŏ, ƀiădah arăng tlĕ hĕ mơ̆ng sang pô kiă kriê, pô tlĕ srăng bi hnô dua tal tơdah arăng mâo mă ñu.

Klei Kbiă 23:1

“Đăm yăl dliê ôh klei hưn soh. Đăm bi mguôp ôh hŏng mnuih ƀai čiăng hưn klei amâo sĭt.

Klei Bi Hriêng 24:28

Đăm jing pô kčŭt kơ pô riêng gah ih amâo mâo klei ôh, đăm blŭ klei mplư ôh.

Y-Yêrêmi 6:13

“Kyuadah mơ̆ng phung điêt truh kơ phung prŏng hĭn hlăm phung diñu, grăp čô diñu tluh snăk ƀơ̆ng mnga hŏng klei wê, leh anăn phung khua pô hưn êlâo wăt phung khua ngă yang ngă hŏng klei mplư.

Bruă Lêwi 19:10

Leh anăn đăm lŏ pĕ ôh boh kriăk ƀâo tal dua, kăn duñ rei boh kriăk ƀâo luh leh. Brei diih lui dŏ anăn kơ phung ƀun ƀin leh anăn kơ phung dôk jưh bhiâo. Kâo jing Yêhôwa Aê Diê diih.

Hră Y-Pôl Mơĭt kơ Phung Rôm 3:4

Hơăi, amâo dưi ôh! Aê Diê jing Pô sĭt, wăt tơdah jih jang mnuih jing phung luar, tui si Klei Aê Diê Blŭ čih leh: “Čiăng kơ Ih jing kpă hlăm klei Ih blŭ, leh anăn găl klei Ih hlăm klei phat kđi.”

Êphêsô 4:25

Kyuanăn brei grăp čô diih lui klei luar, blŭ klei sĭt hŏng phung riêng gah ñu, kyuadah drei jing jơ̆ng kngan hdơ̆ng drei.

Êphêsô 4:28

Phung khăng tlĕ, đăm lŏ tlĕ ôh; ƀiădah brei ñu mă bruă kpă ênô hŏng kngan ñu pô, čiăng kơ ñu dưi brei mnơ̆ng kơ pô kƀah.

Klei Mtô Mñă Klei Bhiăn 5:19

Đăm ih tlĕ ôh.

Kôlôs 3:9

Đăm blŭ luar hdơ̆ng diih ôh, kyuadah diih toh hĕ leh mnuih hđăp wăt bruă ñu ngă,

I Y-Timôthê 1:10

kơ phung knhông, kơ phung ngă soh msĕ si phung ƀuôn Sôdôm, kơ phung tlĕ mă mnuih, kơ phung luar, kơ phung mčeh, leh anăn jih jang klei mdê hŏng mta klei đăo djŏ

Klei Bi Êdah 21:8

Ƀiădah bi kơ phung blao, phung amâo đăo ôh, phung čhŏ mrŏ, phung bi mdjiê mnuih, phung knhông, phung mjâo, phung kkuh mpŭ kơ rup yang, leh anăn jih jang phung luar, anôk pioh kơ diñu srăng jing ênao pui hlơr leh anăn boh tâo pui. Anôk anăn jing klei djiê tal dua.”