Bruă Lêwi 19:10 - Klei Aê Diê Blŭ 2015

¹⁰ Leh anăn đăm lŏ pĕ ôh boh kriăk ƀâo tal dua, kăn duñ rei boh kriăk ƀâo luh leh. Brei diih lui dŏ anăn kơ phung ƀun ƀin leh anăn kơ phung dôk jưh bhiâo. Kâo jing Yêhôwa Aê Diê diih.

Bruă Lêwi 19:10 Iomraidhean Croise

Y-Êsai 17:6

Ăt srăng mâo ƀiă mdiê adôk hlăm anăn, msĕ si arăng êyuh ana boh ôliwơ, lui dua tlâo asăr ti ƀrŏng dlông hĭn, pă êma asăr ti adhan tai ana mboh,” Yêhôwa, Aê Diê phung Israel lač.

Y-Êsai 24:13

Kyuadah lăn srăng jing msĕ snăn, ti krah phung găp djuê mnuih, msĕ si tơdah arăng êyuh ana boh ôliwơ, msĕ si arăng duñ boh kriăk ƀâo adôk tơdah leh yan pĕ boh.

Y-Yêrêmi 49:9

Tơdah phung pĕ boh kriăk ƀâo truh kơ ih, amâo djŏ hĕ diñu srăng lui đa đa boh mơ̆? Tơdah phung knĕ truh êjai mlam, amâo djŏ hĕ diñu srăng tlĕ dŭm diñu čiăng?

Bruă Lêwi 11:44

Kyuadah Kâo jing Yêhôwa Aê Diê diih; snăn pioh brei diih pô, leh anăn jing doh jăk, kyuadah Kâo pô jing doh jăk. Đăm diih bi čhŏ diih pô kyua sa mnơ̆ng bi phung êrui ti rŏng lăn ala.

Bruă Lêwi 19:11

Đăm tlĕ, đăm mplư, kăn luar pô mkăn rei.

Bruă Lêwi 19:25

Ƀiădah ti thŭn tal êma diih dưi ƀơ̆ng boh ana anăn, čiăng kơ digơ̆ mboh lu hĭn kơ diih. Kâo jing Yêhôwa Aê Diê diih.

Bruă Lêwi 19:9

Tơdah diih puôt wiă mnơ̆ng hlăm hma diih, đăm puôt wiă tơl truh ti roh ôh, kăn duñ rei mnơ̆ng adôk leh puôt wiă.

Bruă Lêwi 23:22

Tơdah diih srăng puôt wiă hlăm čar diih, đăm puôt wiă hma ih tơl truh ti roh ôh, kăn duñ rei mnơ̆ng adôk leh ih puôt wiă. Brei ih lui mnơ̆ng anăn kơ phung ƀun ƀin leh anăn kơ phung tue. Kâo jing Yêhôwa Aê Diê diih.’ ”

Bruă Lêwi 25:6

Thŭn sabat kơ lăn srăng brei mnơ̆ng ƀơ̆ng huă kơ diih, kơ ih pô, kơ phung hlŭn ih êkei leh anăn mniê, kơ dĭng buăl ih mưn leh anăn kơ pô jưh bhiâo dôk mbĭt hŏng ih;

Y-Apđia 1:5

Tơdah phung knĕ hriê kơ ih, tơdah phung tlĕ plah mă hriê mlam — Hƀơih, ih srăng rai êdi yơh! — amâo djŏ hĕ diñu srăng tlĕ knŏng djăp kơ diñu pô? Tơdah phung pĕ boh kriăk ƀâo hriê kơ ih, amâo djŏ hĕ diñu ăt lui mnơ̆ng kơ arăng duñ?

Y-Mika 7:1

Knap mñai yơh kâo! Kyuadah kâo jing msĕ si yan arăng pĕ leh boh yan bhang, msĕ si yan pĕ boh kriăk ƀâo ruê̆ leh; amâo mâo kmrŭ pioh ƀơ̆ng ôh, amâo mâo ôh boh hra ksă êlâo hĭn mngăt kâo čiăng ƀơ̆ng.

Klei Mtô Mñă Klei Bhiăn 24:19

Tơdah diih puôt wiă mdiê hlăm hma diih, leh anăn wơr bĭt sa čăp mdiê hlăm hma, đăm lŏ wĭt mă gơ̆ ôh; čăp mdiê anăn srăng pioh kơ pô dôk jưh bhiâo, kơ anak êrĭt, leh anăn kơ mniê djiê ung; čiăng kơ Yêhôwa Aê Diê diih dưi hơêč hmưi kơ diih hlăm jih jang bruă kngan diih ngă.

Klei Mtô Mñă Klei Bhiăn 24:20

Tơdah ih prah boh ôliwơ, đăm lŏ prah tal dua ôh; boh anăn srăng pioh kơ pô dôk jưh bhiâo, kơ anak êrĭt, leh anăn kơ mniê djiê ung.

Klei Mtô Mñă Klei Bhiăn 24:21

Tơdah diih pĕ boh mơ̆ng đang boh kriăk ƀâo diih, đăm lŏ pĕ tal dua ôh; anăn srăng pioh kơ pô dôk jưh bhiâo, kơ anak êrĭt, leh anăn kơ mniê djiê ung.

Phung Khua Phat Kđi 8:2

Y-Gidêôn lač kơ diñu, “Ya kâo ngă leh tơdah mkă hŏng klei diih ngă? Amâo djŏ hĕ klei phung Êphraim duñ boh kriăk ƀâo djah jing jăk hĭn kơ klei phung Abiêser pĕ boh?

H'Rut 2:2

H'Rut mniê Môap lač kơ H'Naômi, “Brei kâo nao kơ hma duñ ti krah čăp mdiê ti tluôn pô mâo klei pap kơ kâo.” Ñu lač kơ gơ̆, “Nao bĕ, Ơ H'Bŭ.”