Bruă Lêwi 18:25 - Klei Aê Diê Blŭ 2015

²⁵ leh anăn čar jing čhŏ leh, kyua anăn Kâo bi kmhal leh klei wê diñu, leh anăn čar ô̆ leh phung ƀuôn sang ñu.

Bruă Lêwi 18:25 Iomraidhean Croise

I Bruă Mtao 21:26

Ñu ngă klei Yêhôwa bi êmut snăk hlăm klei ñu kkuh rup yang, msĕ si phung Amôrit ngă leh, phung anăn Yêhôwa suôt leh mơ̆ng anăp phung ƀuôn sang Israel.

Y-Êsra 9:11

klei Ih mtă leh hŏng phung dĭng buăl Ih phung khua pô hưn êlâo êjai lač, ‘Čar diih dơ̆ng mŭt čiăng mă bha jing sa boh čar čhŏ hŏng klei čhŏ mrŏ phung ƀuôn sang hlăm čar ngă, hŏng klei diñu kkuh mpŭ Kâo bi êmut, bi bŏ leh čar mơ̆ng knhal anei truh kơ knhal mkăn hŏng klei čhŏ mrŏ diñu.

Klei Mmuñ Hđăp 106:38

Diñu tuh êrah amâo mâo soh ôh, êrah anak êkei leh anăn anak mniê diñu, jing mnơ̆ng ngă yang kơ rup yang čar Kanaan; leh anăn čar jing čhŏ hŏng klei tuh êrah anăn.

Klei Mmuñ Hđăp 89:32

snăn Kâo srăng bi kmhal hŏng giê klei diñu gao klei bhiăn, leh anăn čăm diñu kyua klei wê diñu.

Y-Êsai 24:5

Lăn ala jing čhŏ kyua phung ƀuôn sang gơ̆ pô, kyuadah diñu gao leh klei bhiăn, amâo gưt ôh klei mtă, diñu gao leh klei bi mguôp hlŏng lar.

Y-Êsai 26:21

Kyuadah nĕ anei, Yêhôwa srăng kbiă mơ̆ng anôk Ñu čiăng bi kmhal phung dôk hlăm lăn ala kyua klei soh digơ̆, lăn ala srăng bi êdah êrah tuh leh hlăm Ñu, leh anăn amâo srăng lŏ guôm ôh phung arăng bi mdjiê leh.

Y-Yêrêmi 14:10

Snei Yêhôwa lač djŏ kơ phung ƀuôn sang anei: “Diñu khăp klah đuĕ msĕ snăn, diñu amâo tuôm kơ̆ng jơ̆ng diñu ôh; kyuanăn Yêhôwa amâo tŭ diñu ôh, ară anei Gơ̆ hdơr kơ klei wê diñu, leh anăn bi kmhal hĕ klei soh diñu.”

Y-Yêrêmi 16:18

Leh anăn Kâo srăng bi wĭt dua blư̆ lu hĭn kơ klei wê leh anăn klei soh diñu, kyuadah diñu bi mčhŏ leh čar Kâo hŏng atâo rup yang diñu, mnơ̆ng anăn Kâo bi êmut kheh, leh anăn bi bŏ ngăn dưn Kâo hŏng klei jhat diñu ngă.”

Y-Yêrêmi 2:7

Leh anăn Kâo atăt diih leh kơ čar mâo mnơ̆ng ƀơ̆ng huă êbeh dlai, čiăng brei diih mơak hŏng boh leh anăn mnơ̆ng jăk gơ̆. Ƀiădah tơdah diih truh leh diih bi mčhŏ leh čar Kâo, leh anăn mjing ngăn dưn Kâo jing hĕ sa mnơ̆ng bi êmut kheh.

Y-Yêrêmi 23:2

Kyuanăn Yêhôwa Aê Diê phung Israel lač snei klei djŏ kơ phung mgăt biăp kiă kriê phung ƀuôn sang Kâo: “Diih prah prŭng leh biăp Kâo, leh anăn suôt leh digơ̆, leh anăn diih amâo răng kriê digơ̆ ôh. Nĕ anei, Kâo srăng bi kmhal diih kyua klei jhat diih ngă leh,” Yêhôwa lač.

Y-Yêrêmi 5:29

“Kâo amâo srăng bi kmhal mơ̆ diñu kyua klei anei?” Yêhôwa lač, “Leh anăn Kâo amâo srăng rŭ ênua mơ̆ kơ sa găp djuê msĕ snei?

Y-Yêrêmi 5:9

Kâo amâo srăng bi kmhal diñu mơ̆ kyua klei anei?” Yêhôwa lač. “Kâo amâo srăng rŭ ênua mơ̆ kơ sa găp djuê ngă msĕ snăn?”

Y-Yêrêmi 9:9

Kâo amâo srăng bi kmhal mơ̆ diñu kyua klei anei?” Yêhôwa lač. “Leh anăn Kâo amâo srăng rŭ ênua mơ̆ kơ sa găp djuê msĕ snei?”

Y-Ôsê 2:13

Kâo srăng bi kmhal ñu kyua jih hruê ñu čuh mnơ̆ng ƀâo mngưi kơ yang Baal, mă kdrăp, čŭt krah, buh kông, leh anăn tui nao kơ phung piu ñu, leh anăn wơr bĭt hĕ Kâo,” Yêhôwa lač.

Y-Ôsê 8:13

Diñu myơr mnơ̆ng ngă yang kơ Kâo, leh anăn ƀơ̆ng kđeh čĭm, ƀiădah Yêhôwa amâo mâo klei mơak ôh hŏng diñu. Ară anei Yêhôwa srăng hdơr kơ klei wê diñu, leh anăn bi kmhal klei soh diñu; diñu srăng lŏ wĭt kơ čar Êjip.

Y-Ôsê 9:9

Diñu kngăm rai leh hlăm klei soh jhat kjham snăk, msĕ si hlăm hruê klei truh leh ti ƀuôn Gibêa. Yêhôwa srăng hdơr klei wê diñu, leh anăn srăng bi kmhal diñu kyua klei soh diñu.

Bruă Lêwi 18:26

Ƀiădah brei diih djă pioh klei bhiăn Kâo leh anăn klei Kâo mtă leh anăn amâo ngă ôh sa mta klei Kâo bi êmut kheh anăn, thâodah mnuih ƀuôn sang amâodah tue dôk jưh bhiâo ti krah diih

Bruă Lêwi 18:28

huĭdah čar srăng ô̆ diih tơdah diih bi čhŏ ñu, msĕ si ñu ô̆ leh găp djuê dôk leh êlâo kơ diih.

Hră Y-Pôl Mơĭt kơ Phung Rôm 8:22

Truh kơ hruê anei, drei thâo jih jang mnơ̆ng hrih leh ur krao mđrăm mbĭt hlăm klei knap mñai msĕ si mniê đih pui.

Klei Mtô Mñă Klei Bhiăn 18:12

Kyuadah hlei pô ngă bruă anei jing pô Yêhôwa bi êmut kheh; leh anăn kyua jih jang bruă Ñu bi êmut kheh anăn Yêhôwa Aê Diê diih suôt jih jang phung găp djuê anăn mơ̆ng anăp diih.

Klei Mtô Mñă Klei Bhiăn 21:23

đăm lui asei mlei djiê ñu đăm mlam ôh ti kyâo, ƀiădah brei diih dơr ñu hruê anăn mơh, kyuadah pô arăng ruôt jing pô Aê Diê tăm pah leh. Đăm bi čhŏ ôh ala čar diih Yêhôwa Aê Diê diih brei kơ ih jing ngăn dưn.”

Klei Mtô Mñă Klei Bhiăn 9:5

Amâo djŏ ôh kyua klei kpă ênô diih amâodah klei ênuah ênô ai tiê ih, diih srăng mŭt mă bha ala čar diñu; ƀiădah kyua klei ƀai phung găp djuê anei Yêhôwa Aê Diê diih suôt diñu mơ̆ng anăp ih, leh anăn čiăng kơ Ñu dưi bi sĭt klei Yêhôwa kat asei leh kơ phung aê ih đưm, kơ Y-Abraham, kơ Y-Isăk, leh anăn kơ Y-Yakôp.