Bruă Lêwi 18:24 - Klei Aê Diê Blŭ 2015

²⁴ Đăm bi čhŏ diih pô hŏng sa klei anăn ôh, kyuadah hŏng jih jang klei anăn phung găp djuê Kâo suôt ti anăp diih bi čhŏ leh diñu pô;

Bruă Lêwi 18:24 Iomraidhean Croise

Klei Mphŭn Dơ̆ng 15:16

Ti ênuk tal pă phung anak čô ih srăng lŏ wĭt tinei, kyuadah klei wê phung Amôrit ka ênŭm ôh.”

I Bruă Mtao 9:7

hlăk anăn Kâo srăng bi rai phung Israel mơ̆ng čar Kâo brei leh kơ digơ̆; leh anăn Kâo srăng hwiê hĕ mơ̆ng ală Kâo sang Kâo pioh brei leh kơ Anăn Kâo; leh anăn phung Israel srăng jing sa klei bi hriêng leh anăn sa klei djă djik djak ti krah jih jang phung ƀuôn sang.

II Klei Yăl Dliê 33:2

Ñu ngă klei jhat ti anăp ală Yêhôwa tui si klei jhat Yêhôwa bi êmut phung găp djuê mkăn ngă, phung anăn Yêhôwa suôt leh mơ̆ng anăp phung ƀuôn sang Israel.

Y-Êsra 9:1

Tơdah klei anăn leh leh, phung khua hriê kơ kâo leh anăn lač, “Phung ƀuôn sang Israel leh anăn phung khua ngă yang leh anăn phung Lêwi amâo bi ktlah ôh diñu pô mơ̆ng phung ƀuôn sang hlăm čar mbĭt hŏng klei digơ̆ kkuh mpŭ Yêhôwa bi êmut snăk, si tô hmô phung Kanaan, phung Hitit, phung Pêrisit, phung Jêbusit, phung Amôn, phung Môap, phung Êjip, leh anăn phung Amôrit.

Klei Mmuñ Hđăp 106:39

Snăn diñu jing čhŏ leh hŏng bruă diñu ngă; leh anăn ngă klei knhông.

Y-Yêrêmi 44:4

Kâo ăt tiŏ nao leh kơ diih nanao jih jang phung dĭng buăl Kâo phung khua pô hưn êlâo lač, ‘Đăm ngă ôh klei jhat Kâo bi êmut anei!’

Y-Êsêkiêl 36:17

“Ơ anak mnuih, tơdah phung Israel dôk leh hlăm čar diñu pô, diñu bi čhŏ gơ̆ hŏng klei diñu dôk dơ̆ng ƀơ̆ng huă leh anăn hŏng klei diñu ngă; klei diñu dôk dơ̆ng ƀơ̆ng huă ti anăp Kâo jing msĕ si klei čhŏ mrŏ sa čô mniê jhat mơiêng.

Bruă Lêwi 18:3

Đăm diih ngă ôh msĕ si diñu ngă hlăm čar Êjip, čar diih dôk leh, leh anăn đăm diih ngă msĕ si diñu ngă hlăm čar Kanaan, kơ čar anăn Kâo atăt diih. Đăm diih êbat tui hlue klei bhiăn diñu ôh.

Bruă Lêwi 18:30

Snăn djă pioh bĕ klei Kâo mtă amâo ngă ôh sa hlăm klei bhiăn Kâo bi êmut kheh anăn arăng ngă leh êlâo kơ diih, leh anăn amâo bi čhŏ diih pô hŏng klei anăn ôh. Kâo jing Yêhôwa Aê Diê diih.”

Klei Yap 35:34

Đăm bi čhŏ lăn diih dôk ôh, hlăm lăn anăn Kâo pô dôk; kyuadah Kâo, Yêhôwa dôk ti krah phung ƀuôn sang Israel.”

I Kôrantô 3:17

Tơdah hlei pô bi rai sang kkuh mpŭ kơ Aê Diê, Aê Diê srăng bi rai ñu. Kyuadah sang kkuh mpŭ kơ Aê Diê jing doh jăk, leh anăn diih jing sang kkuh mpŭ anăn.

Klei Mtô Mñă Klei Bhiăn 12:31

Đăm ngă ôh msĕ snăn kơ Yêhôwa Aê Diê ih; kyuadah jih jang mnơ̆ng Yêhôwa bi êmut kheh diñu ngă leh kơ yang diñu; kyuadah diñu čuh wăt phung anak êkei leh anăn phung anak mniê diñu hlăm pui kơ phung yang diñu.

Klei Mtô Mñă Klei Bhiăn 18:12

Kyuadah hlei pô ngă bruă anei jing pô Yêhôwa bi êmut kheh; leh anăn kyua jih jang bruă Ñu bi êmut kheh anăn Yêhôwa Aê Diê diih suôt jih jang phung găp djuê anăn mơ̆ng anăp diih.

Klei Mtô Mñă Klei Bhiăn 9:4

Đăm lač ôh hlăm ai tiê diih tơdah leh Yêhôwa Aê Diê diih suôt digơ̆ mơ̆ng anăp diih, ‘Kyua klei kpă ênô drei yơh Yêhôwa atăt drei mŭt leh mă ala čar anei’, ƀiădah kyua klei soh ƀai phung găp djuê anei yơh Yêhôwa suôt digơ̆ mơ̆ng anăp diih.

Klei Mtô Mñă Klei Bhiăn 9:5

Amâo djŏ ôh kyua klei kpă ênô diih amâodah klei ênuah ênô ai tiê ih, diih srăng mŭt mă bha ala čar diñu; ƀiădah kyua klei ƀai phung găp djuê anei Yêhôwa Aê Diê diih suôt diñu mơ̆ng anăp ih, leh anăn čiăng kơ Ñu dưi bi sĭt klei Yêhôwa kat asei leh kơ phung aê ih đưm, kơ Y-Abraham, kơ Y-Isăk, leh anăn kơ Y-Yakôp.

Phung Khua Phat Kđi 20:10

Drei srăng mă pluh čô êkei hlăm sa êtuh mơ̆ng jih jang găp djuê phung Israel, sa êtuh čô hlăm sa êbâo, leh anăn sa êbâo čô hlăm pluh êbâo, čiăng ba mnơ̆ng ƀơ̆ng huă kơ phung nao bi blah, čiăng kơ tơdah diñu truh diñu dưi bi wĭt klei năng kơ phung Gibêa hlăm čar Benjamin, tui si klei knhông phung anăn ngă leh hlăm čar Israel.”

Phung Khua Phat Kđi 20:5

Phung êkei ƀuôn Gibêa kgŭ ngă kơ kâo, leh anăn wang jŭm dar sang kâo đăm êjai mlam. Diñu mĭn čiăng bi mdjiê kâo, leh anăn diñu gô̆ mô̆ hjŭng kâo tơl gơ̆ djiê.

Phung Khua Phat Kđi 20:6

Leh anăn kâo mă mô̆ hjŭng kâo, khăt asei mlei gơ̆ lu kdrêč, leh anăn mơĭt kdrêč anăn tar ƀar čar jing ngăn dưn Israel; kyuadah diñu ngă leh klei arăng bi êmut snăk leh anăn klei knhông čhŏ mrŏ hlăm phung Israel.