Bruă Lêwi 17:5 - Klei Aê Diê Blŭ 2015

⁵ Klei anăn čiăng kơ phung ƀuôn sang Israel srăng djă ba mnơ̆ng diñu khăng ngă yang leh hlăm hma, brei diñu djă ba digơ̆ kơ Yêhôwa, kơ khua ngă yang ti ƀăng bhă sang čhiăm klei bi kƀĭn, leh anăn koh digơ̆ jing mnơ̆ng ngă yang myơr kơ klei êđăp ênang kơ Yêhôwa.

Bruă Lêwi 17:5 Iomraidhean Croise

Klei Mphŭn Dơ̆ng 21:33

Y-Abraham pla sa ƀĕ ana kyâo tamarik ti Bêr-Sêba, leh anăn tinăn ñu iêô wah lač kơ anăn Yêhôwa, Aê Diê Pô Dôk Hdĭp Hlŏng Lar.

Klei Mphŭn Dơ̆ng 22:13

Y-Abraham kngưr dlăng, leh anăn nĕ anei, ti tluôn ñu mâo sa drei biăp knô đuôm hĕ ki hlăm pum kyâo. Y-Abraham nao mă biăp knô anăn leh anăn myơr gơ̆ jing mnơ̆ng myơr čuh hrô anak ñu.

Klei Mphŭn Dơ̆ng 22:2

Aê Diê lač, “Mă bĕ anak ih, anak ih mâo knŏng sa čô, Y-Isăk, pô ih khăp anăn; nao bĕ kơ čar Môria. Tinăn brei ih myơr ñu jing mnơ̆ng myơr čuh ti dlông sa boh čư̆ Kâo srăng ktrâo kơ ih.”

Klei Mphŭn Dơ̆ng 31:54

Y-Yakôp myơr mnơ̆ng ngă yang ti čư̆ leh anăn ñu iêô phung ayŏng adei ñu huă ƀơ̆ng; leh anăn diñu đăm jih mlam hlăm čư̆.

I Bruă Mtao 14:23

Kyuadah diñu msĕ mơh mdơ̆ng leh kơ diñu pô anôk dlông, kmeh, leh anăn phung rup yang Asêra ti dlông grăp kbuôn dlông leh anăn ti gŭ grăp ana kyâo mtah.

I Bruă Mtao 3:2

Ƀiădah phung ƀuôn sang dôk ngă yang ti anôk dlông, kyuadah ka arăng mdơ̆ng sang ôh kơ anăn Yêhôwa.

I Bruă Mtao 3:3

Y-Salômôn khăp kơ Yêhôwa, êbat hlăm klei bhiăn Y-Đawit ama ñu; ƀiădah ñu ngă yang leh anăn čuh mnơ̆ng ƀâo mngưi ti anôk dlông.

II Bruă Mtao 16:4

Ñu ngă yang leh anăn čuh mnơ̆ng ƀâo mngưi ti anôk dlông, ti kbuôn, leh anăn ti gŭ grăp ana kyâo mtah.

II Bruă Mtao 17:10

Diñu mdơ̆ng kơ diñu pô gơ̆ng kŭt leh anăn phung rup yang Asêra ti grăp kbuôn dlông leh anăn ti gŭ grăp ana kyâo mtah.

II Klei Yăl Dliê 28:4

Ñu ngă yang leh anăn čuh mnơ̆ng ƀâo mngưi ti anôk dlông, leh anăn ti dlông kbuôn, leh anăn ti gŭ grăp ƀĕ ana kyâo mtah.

Klei Kbiă 24:5

Ñu tiŏ nao phung êkei hlăk ai Israel myơr kơ Yêhôwa mnơ̆ng myơr čuh leh anăn ngă yang hŏng êmô jing mnơ̆ng myơr kơ klei êđăp ênang.

Y-Êsêkiêl 20:28

Kyuadah tơdah Kâo atăt leh diñu kơ lăn čar Kâo kat asei leh čiăng brei kơ diñu, tơdah diñu ƀuh kbuôn dlông amâodah ana kyâo mâo lu hla, tinăn diñu myơr mnơ̆ng ngă yang leh anăn mnơ̆ng myơr bi mčhur Kâo ngêñ; tinăn diñu čuh mnơ̆ng ƀâo mngưi, leh anăn tinăn yơh diñu tuh mnơ̆ng myơr mnăm.

Y-Êsêkiêl 22:9

Mâo phung mnuih hlăm ih mčeh luar čiăng tuh êrah, leh anăn mâo phung hlăm ih ƀơ̆ng huă ti dlông čư̆; phung êkei ngă klei knhông ti krah ih.

Y-Êsêkiêl 43:27

Tơdah diñu bi ruê̆ jih hruê anei, snăn mơ̆ng hruê tal sa păn kơ anăp phung khua ngă yang srăng myơr ti dlông knưl mnơ̆ng diih myơr čuh leh anăn mnơ̆ng diih myơr kơ klei êđăp ênang; leh anăn Kâo srăng tŭ diih,’ Yêhôwa Aê Diê lač.”

Y-Êsêkiêl 44:15

Ƀiădah phung khua ngă yang jing phung Lêwi, phung anak êkei Y-Sadôk, phung kiă kriê bruă adŭ doh jăk Kâo tơdah phung ƀuôn sang Israel klah đuĕ mơ̆ng Kâo, srăng hriê giăm kơ Kâo čiăng mă bruă kơ Kâo; leh anăn diñu srăng đru Kâo êjai myơr kơ Kâo prăi leh anăn êrah, Yêhôwa Aê Diê lač.

Bruă Lêwi 17:4

leh anăn amâo djă ba ôh gơ̆ ti ƀăng bhă sang čhiăm klei bi kƀĭn, čiăng myơr gơ̆ jing mnơ̆ng myơr kơ Yêhôwa ti anăp sang čhiăm Yêhôwa, arăng srăng yap klei soh tuh êrah ti êkei anăn; ñu tuh êrah leh; brei arăng khăt hĕ ñu mơ̆ng phung ƀuôn sang ñu.

Bruă Lêwi 17:6

Khua ngă yang srăng hƀrah êrah ti dlông knưl Yêhôwa ti ƀăng bhă sang čhiăm klei bi kƀĭn, leh anăn čuh prăi jing mnâo ƀâo mngưi kơ Yêhôwa.

Klei Mtô Mñă Klei Bhiăn 12:2

Brei diih bi rai jih jang anôk phung găp djuê diih srăng suôt, anôk diñu mă bruă leh kơ phung yang diñu, ti čư̆ dlông ti dlông kbuôn leh anăn ti gŭ grăp ana kyâo mtah.