Bruă Lêwi 17:4 - Klei Aê Diê Blŭ 2015

⁴ leh anăn amâo djă ba ôh gơ̆ ti ƀăng bhă sang čhiăm klei bi kƀĭn, čiăng myơr gơ̆ jing mnơ̆ng myơr kơ Yêhôwa ti anăp sang čhiăm Yêhôwa, arăng srăng yap klei soh tuh êrah ti êkei anăn; ñu tuh êrah leh; brei arăng khăt hĕ ñu mơ̆ng phung ƀuôn sang ñu.

Bruă Lêwi 17:4 Iomraidhean Croise

Klei Mphŭn Dơ̆ng 17:14

Grăp čô êkei amâo mâo klei khăt klĭt hlăm asei mlei ñu ôh arăng srăng bi luč hĕ ñu mơ̆ng phung ƀuôn sang ñu; ñu gao leh klei Kâo bi mguôp.”

Klei Mmuñ Hđăp 32:2

Jăk mơak yơh mnuih Yêhôwa amâo yap ôh klei wê ñu, leh anăn pô amâo ngă klei mplư ôh.

Klei Kbiă 12:15

Êjai kjuh hruê brei diih ƀơ̆ng kpŭng amâo mâo kpei. Ti hruê tal sa brei diih mă mđuĕ hĕ kpei mơ̆ng sang diih, kyuadah hlei pô ƀơ̆ng kpŭng buk mơ̆ng hruê tal sa truh kơ hruê tal kjuh, brei arăng bi mdjiê hĕ pô anăn mơ̆ng phung Israel.

Klei Kbiă 12:19

Êjai kjuh hruê đăm brei mâo kpei ôh hlăm sang diih; kyuadah hlei pô ƀơ̆ng kpŭng buk, pô anăn brei arăng bi mdjiê hĕ mơ̆ng phung Israel bi kƀĭn, thâodah mnuih anăn dôk jưh bhiâo amâodah mnuih arăng kkiêng hlăm čar.

Klei Kbiă 30:33

Hlei pô ngă msĕ, amâodah hlei pô dưm gơ̆ ti sa čô mnuih mkăn, brei arăng ktlah hĕ ñu mơ̆ng găp djuê Israel.’ ”

Klei Kbiă 30:38

Hlei pô srăng ngă msĕ snăn čiăng yua kơ ñu pô, brei arăng bi ktlah hĕ ñu mơ̆ng găp djuê Israel.”

Y-Êsai 66:3

Hlei pô bi mdjiê sa drei êmô jing msĕ si pô bi mdjiê sa čô mnuih; hlei pô ngă yang hŏng êđai biăp, jing msĕ si pô bi joh kkuê asâo; hlei pô myơr mnơ̆ng kpŭng ƀhĭ jing msĕ si pô myơr êrah ŭn; hlei pô čuh mnơ̆ng ƀâo mngưi jing msĕ si pô kkuh mpŭ kơ rup yang. Phung anăn ruah leh êlan diñu pô, leh anăn mngăt diñu mơak hlăm klei diñu ngă klei Kâo bi êmut kheh.

Y-Êsêkiêl 20:40

Kyuadah ti dlông čư̆ doh jăk Kâo, čŏng čư̆ dlông Israel,’ Yêhôwa Aê Diê lač, ‘tinăn jih jang sang Israel srăng mă bruă kơ Kâo hlăm čar; tinăn Kâo srăng tŭ diñu, leh anăn tinăn Kâo srăng mtă brei diih myơr mnơ̆ng, boh hlâo hlang đơ mnơ̆ng diih myơr, mbĭt hŏng jih jang mnơ̆ng ngă yang doh jăk diih.

Bruă Lêwi 1:3

Tơdah mnơ̆ng ñu myơr jing sa mnơ̆ng myơr čuh hŏng êmô, brei ñu myơr sa drei knô amâo mâo anôk jhat ôh. Brei ñu myơr gơ̆ ti ƀăng bhă sang čhiăm klei bi kƀĭn, čiăng ñu dưi mâo klei tŭ ti anăp Yêhôwa.

Bruă Lêwi 17:10

‘Tơdah sa čô êkei mơ̆ng sang Israel amâodah mơ̆ng phung tue dôk jưh bhiâo ti krah diñu ƀơ̆ng êrah, Kâo pô yơh srăng bi kdơ̆ng hŏng pô ƀơ̆ng êrah anăn, leh anăn Kâo srăng khăt hĕ ñu mơ̆ng krah phung ƀuôn sang ñu.

Bruă Lêwi 17:14

Kyuadah klei hdĭp jih jang mnơ̆ng jing êrah gơ̆ pô; kyuanăn Kâo lač leh kơ phung ƀuôn sang Iasrael, Đăm diih ƀơ̆ng êrah sa mta mnơ̆ng ôh, kyuadah klei hdĭp jih jang mnơ̆ng jing êrah gơ̆ pô. Hlei pô ƀơ̆ng êrah anăn brei arăng khăt hĕ ñu.

Bruă Lêwi 17:3

‘Tơdah sa čô êkei mơ̆ng sang Israel koh sa drei êmô, sa drei êđai biăp, amâodah sa drei bê hlăm wăl amâodah ti êngao wăl,

Bruă Lêwi 17:5

Klei anăn čiăng kơ phung ƀuôn sang Israel srăng djă ba mnơ̆ng diñu khăng ngă yang leh hlăm hma, brei diñu djă ba digơ̆ kơ Yêhôwa, kơ khua ngă yang ti ƀăng bhă sang čhiăm klei bi kƀĭn, leh anăn koh digơ̆ jing mnơ̆ng ngă yang myơr kơ klei êđăp ênang kơ Yêhôwa.

Bruă Lêwi 17:9

leh anăn amâo djă ba gơ̆ ôh ti ƀăng bhă sang čhiăm klei bi kƀĭn čiăng ngă yang kơ Yêhôwa, êkei anăn brei arăng khăt hĕ mơ̆ng ƀuôn sang ñu.’

Bruă Lêwi 18:29

Kyuadah hlei phung srăng ngă sa mta hlăm klei Kâo bi êmut kheh anăn, arăng srăng khăt hĕ diñu mơ̆ng phung ƀuôn sang diñu.

Bruă Lêwi 20:16

Tơdah sa čô mniê nao giăm kơ sa drei hlô leh anăn đih hŏng gơ̆, brei ih bi mdjiê mniê anăn leh anăn hlô; arăng srăng bi mdjiê diñu, êrah diñu srăng lĕ kơ diñu pô.

Bruă Lêwi 20:18

Tơdah sa čô êkei đih hŏng sa čô mniê mâo klei jhat mơiêng, leh anăn lưk dlăng klei lưng mlŭn gơ̆, ñu lưk leh klei êrah gơ̆ ƀlĕ, leh anăn gơ̆ bi êdah klei êrah gơ̆ ƀlĕ, arăng srăng khăt hĕ jih dua diñu mơ̆ng krah phung ƀuôn sang diñu.

Bruă Lêwi 20:3

Kâo pô yơh srăng bi kdơ̆ng hŏng pô anăn, leh anăn Kâo srăng khăt hĕ ñu mơ̆ng krah phung ƀuôn sang ñu, kyuadah ñu jao leh sa čô hlăm phung anak ñu kơ yang Môlok, bi čhŏ leh adŭ doh jăk Kâo leh anăn bi msoh anăn doh jăk Kâo.

Bruă Lêwi 3:2

Brei ñu bă kngan ñu ti dlông boh kŏ mnơ̆ng ñu myơr leh anăn koh gơ̆ ti ƀăng bhă sang čhiăm klei bi kƀĭn; leh anăn phung anak êkei Y-Arôn phung khua ngă yang srăng hƀrah êrah jŭm dar ti dlông knưl.

Bruă Lêwi 7:18

Tơdah arăng ƀơ̆ng kđeh mnơ̆ng ngă yang myơr kơ klei êđăp ênang ti hruê tal tlâo, Yêhôwa amâo srăng tŭ ôh pô myơr gơ̆, mnơ̆ng anăn kăn Yêhôwa srăng yap yuôm rei kơ ñu; gơ̆ srăng jing mnơ̆ng Yêhôwa bi êmut, leh anăn pô ƀơ̆ng mnơ̆ng anăn srăng klam klei wê ñu.

Y-Yôhan 10:7

Yêsu lŏ lač kơ diñu, “Kâo lač kơ diih klei sĭt nik, Kâo jing ƀăng bhă kơ phung biăp.

Y-Yôhan 10:9

Kâo jing ƀăng bhă. Tơdah hlei pô mŭt ti Kâo, ñu srăng tlaih, srăng mŭt leh anăn kbiă, leh anăn ƀuh rơ̆k ƀơ̆ng.

Y-Yôhan 14:6

Yêsu lač kơ gơ̆, “Kâo jing êlan, klei sĭt nik, leh anăn klei hdĭp; amâo mâo pô dưi nao kơ Ama, knŏng hŏng Kâo.

Hră Y-Pôl Mơĭt kơ Phung Rôm 4:6

Msĕ snăn mơh Y-Đawit blŭ klei hơêč hmưi klei jăk jĭn kơ mnuih Aê Diê yap kpă amâo djŏ hŏng bruă ôh:

Hră Y-Pôl Mơĭt kơ Phung Rôm 5:13

Sĭt nik mâo leh klei soh hlăm lăn ala êlâo Aê Diê brei klei bhiăn, ƀiădah arăng amâo yap klei soh ôh tơdah amâo mâo klei bhiăn.

Hră Y-Pôl Mơĭt kơ Phung Rôm 5:20

Aê Diê brei klei bhiăn čiăng kơ mnuih ƀuh klei soh jing lu hĭn; ƀiădah ti anôk klei soh jing lu hĭn, klei pap jing lu kdlưn hĭn mơh;

Klei Mtô Mñă Klei Bhiăn 21:8

Ơ Yêhôwa, pap brei kơ phung ƀuôn sang Israel Ih, phung Ih bi tui leh, leh anăn đăm yap ôh klei jing soh hŏng êrah amâo soh ti krah phung ƀuôn sang Israel Ih; ƀiădah pap brei kơ diñu klei jing soh hŏng êrah.’