Bruă Lêwi 17:12 - Klei Aê Diê Blŭ 2015

¹² Kyua anăn Kâo lač leh kơ phung ƀuôn sang Israel, amâo mâo sa čô hlăm phung diih dưi ƀơ̆ng êrah ôh, kăn rei sa čô tue dôk jưh bhiâo ti krah diih dưi ƀơ̆ng êrah.

Bruă Lêwi 17:12 Iomraidhean Croise

Klei Kbiă 12:49

Srăng yua sa klei bhiăn anei yơh kơ hlei pô kkiêng hlăm čar leh anăn kơ mnuih tue dôk mbĭt hŏng diih.”

Y-Êsêkiêl 33:25

Kyuanăn lač bĕ kơ diñu, ‘Snei klei Yêhôwa Aê Diê lač: “Diih ƀơ̆ng kđeh čĭm mbĭt hŏng êrah, leh anăn diih kngưr ală diih kơ rup yang diih, leh anăn tuh êrah; snăn diih srăng mă bha mơ̆ čar anei?

Bruă Lêwi 17:11

Kyuadah klei hdĭp kđeh dôk hlăm êrah; leh anăn Kâo brei leh dŏ anăn kơ diih ti dlông knưl čiăng ngă klei bi doh klei soh kơ mngăt diih; kyuadah êrah jing mnơ̆ng bi doh klei soh, kyua êrah jing klei hdĭp.

Bruă Lêwi 17:13

Msĕ mơh tơdah sa čô hlăm phung ƀuôn sang Israel amâodah sa čô tue dôk jưh bhiâo ti krah diñu mă hŏng klei hiu mnah sa drei hlô amâodah sa drei čĭm arăng dưi ƀơ̆ng, brei ñu tuh hĕ êrah gơ̆ leh anăn guôm hĕ êrah anăn hŏng ƀruih lăn.

Bruă Lêwi 3:17

Anei srăng jing sa klei bhiăn nanao hlăm jih jang ênuk diih, hlăm jih jang anôk diih dôk; đăm diih ƀơ̆ng prăi amâodah êrah ôh.”