Bruă Lêwi 17:11 - Klei Aê Diê Blŭ 2015

¹¹ Kyuadah klei hdĭp kđeh dôk hlăm êrah; leh anăn Kâo brei leh dŏ anăn kơ diih ti dlông knưl čiăng ngă klei bi doh klei soh kơ mngăt diih; kyuadah êrah jing mnơ̆ng bi doh klei soh, kyua êrah jing klei hdĭp.

Bruă Lêwi 17:11 Iomraidhean Croise

Klei Mphŭn Dơ̆ng 9:4

Knŏng đăm diih ƀơ̆ng ôh kđeh adôk klei hdĭp, čiăng lač êrah ñu.

Bruă Lêwi 1:5

Ñu srăng koh êmô knô ti anăp Yêhôwa, leh anăn phung khua ngă yang phung anak êkei Y-Arôn srăng myơr êrah, leh anăn srăng tuh êrah anăn jŭm dar ti knưl ti ƀăng bhă sang čhiăm klei bi kƀĭn.

Bruă Lêwi 16:11

Y-Arôn srăng myơr êmô knô jing mnơ̆ng myơr kyua klei soh ñu pô, leh anăn ñu srăng ngă klei bi doh klei soh kơ ñu pô leh anăn kơ sang ñu. Ñu srăng koh êmô knô jing mnơ̆ng myơr kyua klei soh ñu pô.

Bruă Lêwi 17:12

Kyua anăn Kâo lač leh kơ phung ƀuôn sang Israel, amâo mâo sa čô hlăm phung diih dưi ƀơ̆ng êrah ôh, kăn rei sa čô tue dôk jưh bhiâo ti krah diih dưi ƀơ̆ng êrah.

Bruă Lêwi 17:14

Kyuadah klei hdĭp jih jang mnơ̆ng jing êrah gơ̆ pô; kyuanăn Kâo lač leh kơ phung ƀuôn sang Iasrael, Đăm diih ƀơ̆ng êrah sa mta mnơ̆ng ôh, kyuadah klei hdĭp jih jang mnơ̆ng jing êrah gơ̆ pô. Hlei pô ƀơ̆ng êrah anăn brei arăng khăt hĕ ñu.

Bruă Lêwi 4:25

Leh anăn khua ngă yang srăng mă đa đa êrah mnơ̆ng myơr kyua klei soh hŏng kđiêng ñu leh anăn mia ti ki knưl mnơ̆ng myơr čuh, leh anăn tuh êrah adôk ti jơ̆ng knưl mnơ̆ng myơr čuh.

Bruă Lêwi 4:26

Jih prăi gơ̆ ñu srăng čuh ti dlông knưl, msĕ si prăi klei ngă yang mnơ̆ng myơr kơ klei êđăp ênang. Snăn khua ngă yang srăng ngă klei bi doh klei soh gơ̆, leh anăn gơ̆ srăng mâo klei pap brei.

Bruă Lêwi 8:15

Y-Môis koh gơ̆, mă êrah, leh anăn hŏng kđiêng ñu mia ti ki knưl jŭm dar leh anăn bi doh knưl, leh anăn tuh êrah ti jơ̆ng knưl leh anăn pioh brei gơ̆, čiăng ngă klei bi doh kơ knưl.

Y-Mathiơ 20:28

msĕ si Anak Mnuih hriê leh amâo djŏ čiăng kơ arăng mă bruă kơ Ñu ôh, ƀiădah čiăng mă bruă kơ arăng, leh anăn jao klei hdĭp Ñu pô jing ênoh bi tui kơ lu mnuih.”

Y-Mathiơ 26:28

kyuadah anei jing êrah Kâo, êrah kơ klei bi mguôp tuh kyua lu mnuih čiăng pap brei klei soh diñu.

Y-Markôs 14:24

Yêsu lač kơ digơ̆, “Anei jing êrah Kâo, êrah kơ klei bi mguôp tuh brei kơ lu mnuih.

Hră Y-Pôl Mơĭt kơ Phung Rôm 3:25

Aê Diê čuăn leh Yêsu Krist brei Ñu jing mnơ̆ng bi tui klei soh hŏng êrah Ñu, čiăng kơ arăng mă tŭ hŏng klei đăo. Klei anăn čiăng bi êdah klei kpă ênô Aê Diê, kyuadah hŏng klei gĭr Ñu lui amâo bi kmhal ôh klei soh arăng ngă êlâo tinăn.

Hră Y-Pôl Mơĭt kơ Phung Rôm 5:9

Kdlưn hĭn kơ anăn, drei mâo klei yap kpă leh hŏng êrah Gơ̆ leh anăn kyua Gơ̆ mơh drei srăng tlaih mơ̆ng klei Aê Diê ngêñ.

Êphêsô 1:7

Hlăm Pô anăn drei mâo klei bi tui hŏng êrah Gơ̆, klei pap brei kơ klei soh drei, tui si klei mdrŏng klei Ñu pap,

Klei Mtô Mñă Klei Bhiăn 12:23

Knŏng răng bĕ, đăm ƀơ̆ng êrah ôh, kyuadah êrah jing klei hdĭp, leh anăn ih amâo dưi ƀơ̆ng ôh klei hdĭp mbĭt hŏng kđeh.

Kôlôs 1:14

Hlăm Anak Ñu anăn drei mâo leh klei bi tui, klei pap brei kơ klei soh.

Kôlôs 1:20

Leh anăn hŏng Anak êkei Ñu, Aê Diê bi grăng leh kơ Ñu pô jih jang mnơ̆ng, thâodah ti lăn ala amâodah hlăm adiê, brei klei êđăp ênang truh kyua êrah Anak êkei Ñu tuh leh ti kyâo bi kal.

Hêbrơ 13:12

Msĕ snăn mơh Yêsu tŭ leh klei knap ti êngao ƀăng jang, čiăng bi doh jăk phung ƀuôn sang hŏng êrah Ñu pô.

Hêbrơ 9:22

Sĭt nik tui si klei bhiăn păt čiăng jih jang mnơ̆ng arăng bi doh hŏng êrah, leh anăn tơdah amâo mâo ôh êrah tuh, amâo mâo klei pap brei kơ klei soh ôh.

I Y-Pêtrôs 1:2

phung Aê Diê Ama ruah leh anăn čuăn leh, phung Yang Mngăt Jăk pioh brei leh kơ klei gưt asăp Yêsu Krist leh anăn kơ klei hƀrah hŏng êrah Ñu: Akâo kơ Aê Diê brei klei pap leh anăn klei êđăp ênang êbeh dlai kơ diih.

I Y-Yôhan 1:7

Ƀiădah tơdah drei êbat hlăm klei mngač msĕ si Ñu dôk hlăm klei mngač, drei mâo klei bi mguôp hdơ̆ng drei, leh anăn êrah Yêsu Anak Ñu bi doh hĕ drei mơ̆ng jih jang klei soh.

I Y-Yôhan 2:2

Ñu jing Pô bi tui klei soh drei, leh anăn amâo djŏ knŏng kơ klei soh drei ôh, ƀiădah wăt kơ klei soh jih lăn ala.

Klei Bi Êdah 1:5

leh anăn mơ̆ng Yêsu Krist, Pô hưn sĭt suôr, Pô kbiă lŏ hdĭp tal êlâo mơ̆ng phung djiê, leh anăn Khua kơ phung mtao ti lăn ala. Kơ Pô khăp kơ drei leh anăn bi êngiê leh drei mơ̆ng klei soh drei hŏng êrah Ñu pô,