Bruă Lêwi 17:10 - Klei Aê Diê Blŭ 2015

¹⁰ ‘Tơdah sa čô êkei mơ̆ng sang Israel amâodah mơ̆ng phung tue dôk jưh bhiâo ti krah diñu ƀơ̆ng êrah, Kâo pô yơh srăng bi kdơ̆ng hŏng pô ƀơ̆ng êrah anăn, leh anăn Kâo srăng khăt hĕ ñu mơ̆ng krah phung ƀuôn sang ñu.

Bruă Lêwi 17:10 Iomraidhean Croise

Klei Mphŭn Dơ̆ng 9:4

Knŏng đăm diih ƀơ̆ng ôh kđeh adôk klei hdĭp, čiăng lač êrah ñu.

II Y-Samuel 23:17

leh anăn lač, “Ơ Yêhôwa, hơăi, kâo amâo tuôm ngă snei ôh. Kâo srăng mnăm mơ̆ êrah phung mnuih nao săn asei mlei diñu?” Kyuanăn ñu amâo mnăm ôh. Klei anăn tlâo čô kahan jhŏng ktang anăn ngă.

Klei Mmuñ Hđăp 34:16

Ƀô̆ mta Yêhôwa bi kdơ̆ng hŏng phung ƀai, čiăng đăm brei arăng lŏ hdơr kơ diñu ti lăn ala ôh.

Klei Kbiă 30:33

Hlei pô ngă msĕ, amâodah hlei pô dưm gơ̆ ti sa čô mnuih mkăn, brei arăng ktlah hĕ ñu mơ̆ng găp djuê Israel.’ ”

Y-Yêrêmi 21:10

‘Kyuadah Kâo čuăn leh čiăng ngă jhat kơ ƀuôn anei amâo djŏ čiăng ngă jăk ôh,’ Yêhôwa lač. ‘Kâo srăng jao ƀuôn anei hlăm kngan mtao Ƀaƀilôn, leh anăn gơ̆ srăng čuh ƀuôn anei hŏng pui.’ ”

Y-Yêrêmi 44:11

Kyuanăn snei Yêhôwa kơ phung kahan Aê Diê Israel lač: ‘Nĕ anei, Kâo srăng bi kdơ̆ng ngă klei jhat kơ diih, čiăng bi luč hĕ jih phung Yuđa.

Y-Êsêkiêl 14:8

Leh anăn Kâo srăng bi kdơ̆ng hŏng pô anăn, Kâo srăng brei ñu jing sa mnơ̆ng bi knăl leh anăn sa mnơ̆ng arăng djă djik djak leh anăn bi luč hĕ ñu mơ̆ng ti krah phung ƀuôn sang Kâo; leh anăn diih srăng thâo kơ Kâo jing Yêhôwa.

Y-Êsêkiêl 15:7

Kâo srăng bi kdơ̆ng hŏng diñu; wăt tơdah diñu tlaih mơ̆ng pui dưn, ăt pui srăng ƀơ̆ng diñu mơh; leh anăn diih srăng thâo kơ Kâo jing Yêhôwa, tơdah Kâo bi kdơ̆ng hŏng diñu.

Y-Êsêkiêl 33:25

Kyuanăn lač bĕ kơ diñu, ‘Snei klei Yêhôwa Aê Diê lač: “Diih ƀơ̆ng kđeh čĭm mbĭt hŏng êrah, leh anăn diih kngưr ală diih kơ rup yang diih, leh anăn tuh êrah; snăn diih srăng mă bha mơ̆ čar anei?

Y-Êsêkiêl 44:7

êjai diih jum phung tue, phung amâo mâo khăt klĭt hlăm ai tiê leh anăn hlăm asei mlei brei mŭt hlăm adŭ doh jăk Kâo, bi čhŏ sang yang Kâo tơdah diih myơr kơ Kâo mnơ̆ng ƀơ̆ng huă, prăi leh anăn êrah. Diih gao leh klei Kâo bi mguôp êjai diih ngă jih jang klei jhat Kâo bi êmut kheh.

Bruă Lêwi 17:11

Kyuadah klei hdĭp kđeh dôk hlăm êrah; leh anăn Kâo brei leh dŏ anăn kơ diih ti dlông knưl čiăng ngă klei bi doh klei soh kơ mngăt diih; kyuadah êrah jing mnơ̆ng bi doh klei soh, kyua êrah jing klei hdĭp.

Bruă Lêwi 19:26

Đăm ƀơ̆ng kđeh mbĭt hŏng êrah ôh. Đăm ksiêm mnơ̆ng čiăng hưn êlâo amâodah ngă klei mdian ôh.

Bruă Lêwi 26:17

Kâo srăng wir ƀô̆ mta Kâo bi kdơ̆ng hŏng diih, leh anăn diih srăng êbuh ti anăp phung roh diih; phung bi êmut kơ diih srăng jing khua kơ diih, leh anăn diih srăng đuĕ wăt tơdah amâo mâo pô tiŏ diih ôh.

Bruă Lêwi 3:17

Anei srăng jing sa klei bhiăn nanao hlăm jih jang ênuk diih, hlăm jih jang anôk diih dôk; đăm diih ƀơ̆ng prăi amâodah êrah ôh.”

Y-Amôs 9:4

Wăt tơdah diñu nao jing mnă ti anăp phung roh diñu, tinăn Kâo srăng mtă kơ đao gưm, srăng bi mdjiê diñu; leh anăn Kâo srăng dôk dlăng kơ diñu, čiăng ngă klei jhat amâo djŏ klei jăk ôh.”

Bruă Phung Khua Ƀĭng Kna 15:20

Ƀiădah brei drei čih hră mtă kơ diñu brei kăm klei čhŏ mrŏ kkuh rup yang, klei tlĕ piu, ƀơ̆ng hlô mnơ̆ng djiê kmăp, leh anăn ƀơ̆ng êrah.

Bruă Phung Khua Ƀĭng Kna 15:29

brei diih kăm ƀơ̆ng mnơ̆ng myơr leh kơ rup yang, êrah, hlô mnơ̆ng djiê kmăp, leh anăn klei tlĕ piu. Tơdah kăm jih klei anăn, jing jăk yơh kơ diih. Dôk bĕ bi jăk.”

Klei Mtô Mñă Klei Bhiăn 12:16

Ƀiădah diih amâo dưi ƀơ̆ng êrah ôh; brei diih tuh hĕ gơ̆ ti lăn msĕ si êa.

Klei Mtô Mñă Klei Bhiăn 12:23

Knŏng răng bĕ, đăm ƀơ̆ng êrah ôh, kyuadah êrah jing klei hdĭp, leh anăn ih amâo dưi ƀơ̆ng ôh klei hdĭp mbĭt hŏng kđeh.

Klei Mtô Mñă Klei Bhiăn 15:23

Ƀiădah đăm ƀơ̆ng êrah gơ̆ ôh; brei diih tuh hĕ êrah gơ̆ ti lăn msĕ si êa.”

Hêbrơ 10:29

Ya klei phat kđi ktang hĭn diih mĭn srăng năng truh kơ pô juă leh Anak Aê Diê, bi čhŏ êrah klei bi mguôp bi doh ñu leh, leh anăn dlao wač kơ Yang Mngăt Jăk klei pap?

I Y-Samuel 14:32

Phung ƀuôn sang lơ lăm mă mnơ̆ng diñu sua, mă biăp, êmô, leh anăn êđai êmô, koh digơ̆ ti lăn; leh anăn phung ƀuôn sang ƀơ̆ng digơ̆ wăt êrah.

I Y-Samuel 14:33

Mâo mnuih hưn kơ Y-Sôl, “Nĕ anei phung ƀuôn sang ngă soh hŏng Yêhôwa êjai ƀơ̆ng wăt êrah.” Y-Sôl lač, “Diih ngă hŏng klei lhiăr, bi klŭng bĕ sa klŏ boh tâo prŏng kơ kâo tinei.”