Bruă Lêwi 16:6 - Klei Aê Diê Blŭ 2015

⁶ Y-Arôn srăng myơr êmô knô jing mnơ̆ng myơr kyua klei soh ñu pô, leh anăn srăng ngă klei bi doh klei soh kơ ñu pô, leh anăn kơ sang ñu.

Bruă Lêwi 16:6 Iomraidhean Croise

Y-Yôp 1:5

Tơdah hruê huă mnăm ruê̆ leh, Y-Yôp bhiăn iêô leh anăn bi doh hĕ phung diñu, leh anăn gơ̆ bhiăn kgŭ ưm aguah leh anăn myơr mnơ̆ng myơr čuh tui si grăp čô diñu; kyuadah Y-Yôp lač, “Năng ai phung anak êkei kâo ngă soh leh, leh anăn tăm pah kơ Aê Diê hlăm ai tiê diñu.” Msĕ snăn Y-Yôp khăng ngă nanao.

Y-Êsêkiêl 43:19

ih srăng brei sa drei êmô knô pioh kơ mnơ̆ng myơr kyua klei soh kơ phung khua ngă yang Lêwi hlăm găp djuê Y-Sadôk, phung hriê giăm čiăng mă bruă kơ Kâo,’ Yêhôwa Aê Diê lač.

Y-Êsêkiêl 43:27

Tơdah diñu bi ruê̆ jih hruê anei, snăn mơ̆ng hruê tal sa păn kơ anăp phung khua ngă yang srăng myơr ti dlông knưl mnơ̆ng diih myơr čuh leh anăn mnơ̆ng diih myơr kơ klei êđăp ênang; leh anăn Kâo srăng tŭ diih,’ Yêhôwa Aê Diê lač.”

Bruă Lêwi 16:3

Ƀiădah snei Y-Arôn srăng mŭt hlăm anôk doh jăk: đoh ba sa drei êđai êmô knô jing mnơ̆ng myơr kyua klei soh leh anăn sa drei biăp knô jing mnơ̆ng myơr čuh.

Bruă Lêwi 16:7

Leh anăn ñu srăng mă dua drei bê knô, leh anăn dưm digơ̆ ti anăp Yêhôwa ti ƀăng bhă sang čhiăm klei bi kƀĭn.

Bruă Lêwi 9:7

Leh anăn Y-Môis lač kơ Y-Arôn, “Hriê giăm bĕ kơ knưl, myơr bĕ mnơ̆ng ih myơr kyua klei soh leh anăn mnơ̆ng ih myơr čuh, ngă klei bi doh klei soh kơ ih pô leh anăn kơ phung ƀuôn sang; leh anăn ba mnơ̆ng myơr kyua phung ƀuôn sang, leh anăn ngă klei bi doh klei soh kơ diñu, tui si Yêhôwa mtă leh.”

Hêbrơ 7:27

Amâo yuôm ôh Ñu myơr mnơ̆ng ngă yang grăp hruê msĕ si phung khua ngă yang prŏng mkăn, tal êlâo hĭn kyua klei soh ñu pô, leh anăn kyua klei soh phung ƀuôn sang. Ñu ngă klei anăn knŏng sa blư̆ man djăp kơ jih jang ênuk tơdah Ñu myơr Ñu pô.

Hêbrơ 9:12

Ñu mŭt leh sa blư̆ dŭm anăn hlăm Adŭ Doh Jăk Hĭn, amâo djă ba êrah bê leh anăn êrah êđai êmô ôh, ƀiădah êrah Ñu pô, Ñu mă tŭ kơ drei klei bi tui hlŏng lar.

Hêbrơ 9:7

ƀiădah hlăm adŭ tal dua knŏng khua ngă yang prŏng dưi mŭt, leh anăn knŏng sa blư̆ sa thŭn, leh anăn amâo dưi ôh tơdah ñu amâo djă ba êrah, čiăng myơr kyua ñu pô leh anăn kyua klei soh phung ƀuôn sang ngă hŏng klei amâo thâo săng.