Bruă Lêwi 16:16 - Klei Aê Diê Blŭ 2015

¹⁶ Snăn ñu srăng ngă klei bi doh klei soh kơ adŭ doh jăk hĭn, kyuadah klei čhŏ phung ƀuôn sang Israel, leh anăn kyua klei diñu gao klei bhiăn, jih jang klei soh diñu; leh anăn ñu srăng ngă snăn mơh kơ sang čhiăm klei bi kƀĭn dôk mbĭt hŏng diñu ti krah klei čhŏ diñu.

Bruă Lêwi 16:16 Iomraidhean Croise

Klei Kbiă 30:10

Sa blư̆ grăp thŭn Y-Arôn srăng ngă klei bi doh klei soh ti pă ki ñu hŏng êrah mnơ̆ng ngă yang bi doh klei soh. Gơ̆ srăng ngă klei bi doh klei soh tinăn sa blư̆ grăp thŭn hlăm jih jang ênuk diih. Ñu jing mnơ̆ng doh jăk hĭn kơ Yêhôwa.”

Bruă Lêwi 16:17

Đăm brei mâo sa čô ôh hlăm sang čhiăm klei bi kƀĭn tơdah ñu mŭt čiăng ngă klei bi doh klei soh hlăm adŭ doh jăk hĭn, tơl ñu kbiă leh ñu ngă klei bi doh klei soh kơ ñu pô leh anăn kơ sang ñu, leh anăn kơ jih jang phung Israel bi kƀĭn.

Bruă Lêwi 16:18

Leh anăn ñu srăng nao kơ knưl ti anăp Yêhôwa leh anăn ngă klei bi doh klei soh kơ knưl, leh anăn ñu srăng mă đa đa êrah êmô knô leh anăn êrah bê knô, leh anăn dưm êrah anăn ti ki knưl jŭm dar.

Bruă Lêwi 23:27

“Ti hruê tal pluh mlan tal kjuh anei jing hruê knăm bi doh klei soh; gơ̆ srăng jing kơ diih hruê bi kƀĭn doh jăk, leh anăn brei diih kăm ƀơ̆ng huă leh anăn ba mnơ̆ng myơr brei pui ƀơ̆ng kơ Yêhôwa.

Bruă Lêwi 8:15

Y-Môis koh gơ̆, mă êrah, leh anăn hŏng kđiêng ñu mia ti ki knưl jŭm dar leh anăn bi doh knưl, leh anăn tuh êrah ti jơ̆ng knưl leh anăn pioh brei gơ̆, čiăng ngă klei bi doh kơ knưl.

Klei Yap 17:11

Snăn Y-Môis ngă djŏ tui si Yêhôwa mtă leh kơ ñu.

Klei Yap 28:15

Brei ih myơr msĕ mơh kơ Yêhôwa sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao mbĭt hŏng mnơ̆ng myơr mnăm.”

Y-Yôhan 14:3

Leh anăn tơdah Kâo nao mkra sa anôk kơ diih, Kâo srăng lŏ hriê leh anăn mă diih kơ Kâo pô, čiăng kơ ti anôk Kâo dôk diih dưi dôk msĕ mơh.

Hêbrơ 2:17

Kyuanăn yuôm Ñu mâo klei jing msĕ si phung ayŏng adei Ñu hlăm jih jang klei, čiăng kơ Ñu dưi jing sa čô khua ngă yang prŏng thâo pap leh anăn sĭt suôr hlăm bruă Ñu mă kơ Aê Diê, čiăng ngă klei bi doh klei soh phung ƀuôn sang.