Bruă Lêwi 14:7 - Klei Aê Diê Blŭ 2015

⁷ Khua ngă yang srăng hƀrah êrah kjuh blư̆ ti dlông pô čiăng mâo klei bi doh mơ̆ng klei djŏ phŭng; leh anăn ñu srăng hưn kơ pô anăn jing doh, leh anăn srăng phưi čĭm adôk hdĭp đuĕ hlăm dliê.

Bruă Lêwi 14:7 Iomraidhean Croise

II Bruă Mtao 5:10

Y-Êlisê tiŏ nao mnuih lač kơ gơ̆, “Nao mnei bĕ hlăm êa krông Yurdan kjuh blư̆, leh anăn kđeh ih srăng hlao, leh anăn ih srăng jing doh.”

II Bruă Mtao 5:14

Snăn ñu trŭn nao leh anăn ñŭ kjuh blư̆ hlăm êa krông Yurdan tui si klei mnuih Aê Diê blŭ. Leh anăn kđeh ñu lŏ mbliư̆ jing msĕ si kđeh sa čô hđeh điêt, leh anăn ñu jing doh.

Klei Mmuñ Hđăp 51:2

Rao kâo bi doh mơ̆ng jih klei wê kâo, leh anăn bi doh kâo mơ̆ng klei soh kâo.

Klei Mmuñ Hđăp 51:7

Bi doh kâo hŏng rơ̆k hisôp leh anăn kâo srăng jing doh; rao kâo, leh anăn kâo srăng jing kô̆ hĭn kơ pliêr.

Y-Êsai 52:15

msĕ snăn yơh Ñu srăng bi kngăr lu phung găp djuê mnuih; kyua Ñu phung mtao srăng kđhĭp ƀăng êgei digơ̆. Kyuadah digơ̆ srăng ƀuh klei arăng amâo tuôm yăl dliê kơ digơ̆ ôh, leh anăn digơ̆ srăng thâo săng klei digơ̆ amâo tuôm hmư̆ ôh.

Y-Êsêkiêl 36:25

Kâo srăng krih êa êngeh kơ diih, leh anăn diih srăng jing doh kơ jih jang klei čhŏ mrŏ diih, leh anăn mơ̆ng jih jang rup yang diih.

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Bruă Lêwi 13:13

khua ngă yang srăng ksiêm, leh anăn tơdah phŭng guôm leh jih asei mlei ñu, khua ngă yang srăng hưn kơ ñu jing doh kơ klei ruă anăn; klĭt ñu jing kô̆ leh tar ƀar asei mlei, leh anăn ñu jing doh.

Bruă Lêwi 13:17

leh anăn khua ngă yang srăng ksiêm ñu. Leh anăn tơdah klei ruă bliư̆ jing kô̆, khua ngă yang srăng hưn pô mâo klei ruă anăn jing doh; ñu jing doh.

Bruă Lêwi 14:51

leh anăn srăng mă kyâo sêdar, hla hisôp, leh anăn čhiăm hrah huč, mbĭt hŏng čĭm hdĭp, đrŭt mnơ̆ng anăn hlăm êrah čĭm arăng bi mdjiê leh anăn hlăm êa đoh, leh anăn hƀrah kơ sang anăn kjuh blư̆.

Bruă Lêwi 16:14

Ñu srăng mă đa đa êrah êmô knô, leh anăn hƀrah gơ̆ hŏng kđiêng ñu ti dlông kđhăp klei pap brei phă anăp, leh anăn ti anăp kđhăp klei pap brei ñu srăng hƀrah êrah anăn hŏng kđiêng ñu kjuh blư̆.

Bruă Lêwi 16:19

Ñu srăng hƀrah đa đa êrah ti dlông knưl hŏng kđiêng ñu kjuh blư̆, bi doh leh anăn pioh brei gơ̆ mơ̆ng klei čhŏ phung ƀuôn sang Israel.

Bruă Lêwi 16:22

Bê knô anăn srăng klam ba jih jang klei wê diñu ti anôk amâo mâo mnuih dôk ôh, leh anăn ñu srăng phưi gơ̆ hlăm kdrăn tač.

Bruă Lêwi 4:17

leh anăn khua ngă yang srăng đrŭt kđiêng ñu hlăm êrah leh anăn hƀrah gơ̆ kjuh blư̆ ti anăp Yêhôwa ti anăp čhiăm păng.

Bruă Lêwi 4:6

Khua ngă yang srăng đrŭt kđiêng ñu hlăm êrah leh anăn hƀrah êrah kjuh blư̆ ti anăp Yêhôwa ti anăp čhiăm păng ti adŭ doh jăk.

Bruă Lêwi 8:11

Ñu hƀrah êa ƀâo mngưi anăn kjuh blư̆ ti dlông knưl, leh anăn trôč knưl leh anăn jih jang mnơ̆ng yua kơ gơ̆, leh anăn thŭng êa wăt jơ̆ng gơ̆, čiăng pioh brei digơ̆.

Y-Mika 7:19

Ñu srăng lŏ pap kơ hmei, Ñu srăng juă klei wê hmei ti gŭ jơ̆ng Ñu, leh anăn dlăm hĕ jih jang klei soh hmei hlăm anôk êlam êa ksĭ.

Klei Yap 19:12

Ñu srăng bi doh ñu pô hŏng êa anăn ti hruê tal tlâo leh anăn ti hruê tal kjuh, snăn ñu srăng jing doh; ƀiădah tơdah ñu amâo bi doh ñu pô ôh ti hruê tal tlâo leh anăn ti hruê tal kjuh, ñu amâo srăng jing doh ôh.

Y-Yôhan 19:34

Ƀiădah sa čô hlăm phung kahan tlŏ ti djiêô Yêsu hŏng kju, leh anăn êrah hŏng êa kbiă mtam.

Hêbrơ 10:22

brei drei nao giăm Aê Diê hŏng ai tiê sĭt suôr, hŏng klei thâo sĭt mơ̆ng klei đăo, ai tiê drei bi doh leh mơ̆ng ai tiê kpă jing jhat leh, leh anăn asei mlei drei rao leh hŏng êa doh.

Hêbrơ 12:24

Diih nao leh kơ Yêsu jing Pô Ti Krah klei bi mguôp mrâo, leh anăn kơ êrah hƀrah leh blŭ jăk hĭn kơ êrah Y-Aƀel.

Hêbrơ 9:13

Kyuadah tơdah klei arăng hƀrah êrah bê leh anăn êmô knô leh anăn hbâo đai êmô ana ti mnuih čhŏ leh dưi pioh brei kơ klei bi doh kđeh,

Hêbrơ 9:19

Kyuadah leh Y-Môis hưn jih jang klei mtă hlăm klei bhiăn kơ jih jang phung ƀuôn sang, ñu mă êrah êđai êmô bê knô mbĭt hŏng êa, mlâo biăp hrah, leh anăn hla hisôp, leh anăn ñu hƀrah ti hdruôm hră wăt ti jih jang phung ƀuôn sang êjai lač,

Hêbrơ 9:21

Msĕ snăn mơh ñu hƀrah êrah ti sang čhiăm wăt ti jih jang čhiên mngan arăng yua kơ bruă kkuh mpŭ.

Hêbrơ 9:26

Tơdah snăn Ñu srăng tŭ klei knap nanao mơ̆ng mphŭn hrih lăn ala. Ƀiădah ară anei ti knhal tuč ênuk Ñu bi êdah leh sa blư̆ dŭm anăn, čiăng lăm hĕ klei soh hŏng klei ngă yang hŏng asei mlei Ñu pô.

I Y-Pêtrôs 1:2

phung Aê Diê Ama ruah leh anăn čuăn leh, phung Yang Mngăt Jăk pioh brei leh kơ klei gưt asăp Yêsu Krist leh anăn kơ klei hƀrah hŏng êrah Ñu: Akâo kơ Aê Diê brei klei pap leh anăn klei êđăp ênang êbeh dlai kơ diih.

I Y-Yôhan 5:6

Yêsu Krist anei jing Pô hriê leh hŏng êa leh anăn hŏng êrah; Ñu hriê amâo djŏ knŏng hŏng êa ôh, ƀiădah hŏng êa wăt êrah.