Bruă Lêwi 14:4 - Klei Aê Diê Blŭ 2015

⁴ khua ngă yang srăng mtă kơ diñu mă ba dua drei čĭm hdĭp doh, leh anăn kyâo sêdar, čhiăm hrah huč, leh anăn hla hisôp kyua pô čiăng mâo klei bi doh.

Bruă Lêwi 14:4 Iomraidhean Croise

Klei Mmuñ Hđăp 51:7

Bi doh kâo hŏng rơ̆k hisôp leh anăn kâo srăng jing doh; rao kâo, leh anăn kâo srăng jing kô̆ hĭn kơ pliêr.

Klei Kbiă 12:22

Mă sa čăp hisôp, tram gơ̆ hlăm êrah arăng dưm hlăm hmăm, leh anăn prah êrah ti mtuêh leh anăn ti dua nah msơ̆ng ƀăng bhă hŏng êrah hlăm hmăm. Đăm brei arăng kbiă mơ̆ng sang ñu ôh tơl truh aguah mngač.

Bruă Lêwi 1:14

Tơdah mnơ̆ng ñu myơr kơ Yêhôwa jing sa mnơ̆ng myơr čuh čĭm čap, brei ñu ba mnơ̆ng ñu myơr mgăm amâodah êđai ktrâo.

Bruă Lêwi 12:8

Tơdah ñu amâo dưi mâo sa drei êđai biăp ôh, brei ñu mă dua drei mgăm amâodah dua drei êđai ktrâo, sa drei pioh kơ mnơ̆ng myơr čuh, sa drei mkăn pioh kơ mnơ̆ng myơr kyua klei soh, leh anăn khua ngă yang srăng ngă klei bi doh klei soh ñu, leh anăn ñu srăng jing doh.’ ”

Bruă Lêwi 14:5

Khua ngă yang srăng mtă kơ diñu bi mdjiê sa hlăm dua drei čĭm anăn hlăm gŏ lăn ti dlông êa đoh.

Bruă Lêwi 14:6

Ñu srăng mă čĭm ăt dôk hdĭp mbĭt hŏng kyâo sêdar, čhiăm hrah huč, leh anăn hla hisôp, đrŭt digơ̆ wăt čĭm hdĭp hlăm êrah čĭm arăng bi mdjiê leh ti dlông êa đoh.

Bruă Lêwi 5:7

Tơdah ñu amâo dưi mâo sa drei êđai biăp, snăn brei ñu djă ba dua drei mgăm amâodah dua drei êđai ktrâo jing mnơ̆ng myơr kơ klei gao klei bhiăn kơ Yêhôwa kyua klei soh ñu ngă leh, sa drei pioh kơ mnơ̆ng myơr kyua klei soh, leh anăn sa drei mkăn pioh kơ mnơ̆ng myơr čuh.

Klei Yap 19:18

leh anăn sa čô mnuih doh srăng mă hla hisôp leh anăn đrŭt gơ̆ hlăm êa anăn, leh anăn hƀrah gơ̆ ti dlông sang čhiăm, ti dlông jih jang mnơ̆ng yua, ti dlông mnuih dôk tinăn, ti dlông pô ruêh leh klang amâodah mnuih arăng koh leh, amâodah atâo, amâodah msat.

Klei Yap 19:6

Khua ngă yang srăng mă kyâo sêdar, hla hisôp, leh anăn mrai hrah huč, leh anăn dlăm jih dŏ anăn ti krah êmô pui dôk ƀơ̆ng.

Hêbrơ 9:19

Kyuadah leh Y-Môis hưn jih jang klei mtă hlăm klei bhiăn kơ jih jang phung ƀuôn sang, ñu mă êrah êđai êmô bê knô mbĭt hŏng êa, mlâo biăp hrah, leh anăn hla hisôp, leh anăn ñu hƀrah ti hdruôm hră wăt ti jih jang phung ƀuôn sang êjai lač,