Bruă Lêwi 13:57 - Klei Aê Diê Blŭ 2015

⁵⁷ Tơdah ñu lŏ bi êdah ti čhiăm, ti mrai ênơ̆ng amâodah ti mrai hdră, amâodah ti mnơ̆ng ngă hŏng klĭt, klei ruă anăn jing lar yơh; brei ih čuh hlăm pui dŏ djŏ klei ruă.

Bruă Lêwi 13:57 Iomraidhean Croise

Y-Êsai 33:14

Phung ngă soh hlăm ƀuôn Siôn huĭ, phung amâo mpŭ ôh kơ Aê Diê ktư̆ yơ̆ng. “Hlei hlăm phung drei dưi dôk hlăm pui trơ̆ng? Hlei hlăm phung drei dưi dôk hlăm êlah pui ƀơ̆ng hlŏng lar?”

Bruă Lêwi 13:48

ti mrai ênơ̆ng amâodah ti mrai hdră, kbuă amâodah mlâo biăp, amâodah hlăm sa pŏk klĭt amâodah mnơ̆ng ngă hŏng klĭt,

Bruă Lêwi 13:56

Ƀiădah tơdah khua ngă yang ksiêm leh, leh anăn klei ruă jing msĕ si êlâo leh arăng boh rao gơ̆, brei ñu hiêk anôk ƀlak mơ̆ng čhiăm, mơ̆ng klĭt, mơ̆ng mrai ênơ̆ng amâodah mơ̆ng mrai hdră.

Bruă Lêwi 13:58

Ƀiădah čhiăm, mrai ênơ̆ng amâodah mrai hdră, amâodah mnơ̆ng ngă hŏng klĭt mơ̆ng dŏ anăn klei ruă kbiă đuĕ tơdah ih boh rao dŏ anăn leh, brei arăng lŏ boh rao tal dua leh anăn dŏ anăn srăng jing doh.”

Y-Mathiơ 22:7

Mtao ngêñ, ñu tiŏ nao phung kahan ñu bi rai phung bi mdjiê anăn leh anăn čuh ƀuôn diñu.

Y-Mathiơ 25:41

Hlăk anăn Ñu srăng lač kơ phung dôk tĭng điâo Ñu, ‘Ơ phung Aê Diê tăm pah leh, đuĕ bĕ mơ̆ng Kâo, nao mŭt hlăm pui ƀơ̆ng hlŏng lar mkra leh kơ yang jhat leh anăn kơ phung dĭng buăl ñu.

Y-Mathiơ 3:12

Ñu djă knguôr, čiăng mđung bi doh anôk Ñu juă mdiê. Ñu srăng bi kƀĭn mdiê Ñu hlăm hjiê, ƀiădah Ñu srăng čuh hĕ kam hlăm pui amâo thâo ram ôh.”

Klei Mtô Mñă Klei Bhiăn 24:8

Răng bĕ hlăm klei djŏ phŭng, brei răng snăk ngă tui hlue jih jang klei phung khua ngă yang Lêwi srăng mtă gai diih; tui si kâo mtă leh kơ diñu, snăn diih srăng răng ngă.

Klei Bi Êdah 21:27

Ƀiădah amâo mâo mnơ̆ng čhŏ amâodah pô ngă klei Aê Diê bi êmut kheh amâodah klei luar srăng mŭt tinăn ôh, ƀiădah knŏng phung mâo anăn arăng čih leh hlăm hdruôm hră klei hdĭp Êđai Biăp.

Klei Bi Êdah 21:8

Ƀiădah bi kơ phung blao, phung amâo đăo ôh, phung čhŏ mrŏ, phung bi mdjiê mnuih, phung knhông, phung mjâo, phung kkuh mpŭ kơ rup yang, leh anăn jih jang phung luar, anôk pioh kơ diñu srăng jing ênao pui hlơr leh anăn boh tâo pui. Anôk anăn jing klei djiê tal dua.”