Bruă Lêwi 13:2 - Klei Aê Diê Blŭ 2015

² “Tơdah sa čô mnuih mâo ti klĭt asei mlei ñu sa anôk bŏk, sa anôk bi ƀlĕ, amâodah sa anôk ƀlak, leh anăn hlŏng jing hĕ phŭng ti klĭt asei mlei ñu, brei arăng atăt ba ñu kơ khua ngă yang Y-Arôn amâodah kơ sa čô hlăm phung anak êkei ñu, phung khua ngă yang.

Bruă Lêwi 13:2 Iomraidhean Croise

II Y-Samuel 3:29

Brei êrah anăn lĕ ti boh kŏ Y-Jôap, leh anăn ti dlông jih sang ama ñu. Leh anăn brei sang Y-Jôap amâo kƀah ôh sa čô mâo klei ruă bi ƀlĕ, amâodah djŏ phŭng, amâodah djă giê dra, amâodah arăng bi mdjiê hŏng đao gưm, amâodah kƀah mnơ̆ng ƀơ̆ng huă!”

II Bruă Mtao 5:1

Y-Naaman, khua kơ phung kahan mtao Siri, jing sa čô mnuih hing ang mbĭt hŏng khua ñu, leh anăn khua ñu khăp snăk, kyuadah hŏng ñu yơh Yêhôwa brei klei dưi kơ phung Siri. Ñu jing sa čô êkei jhŏng ktang, ƀiădah ñu djŏ phŭng.

II Bruă Mtao 5:27

Kyuanăn phŭng Y-Naaman srăng djŏ kơ ih leh anăn kơ phung anak čô ih hlŏng lar.” Snăn Y-Gêhasi kbiă mơ̆ng anăp ñu djŏ phŭng, kô̆ msĕ si pliêr.

Y-Êsai 1:6

Mơ̆ng plă jơ̆ng truh ti boh kŏ, amâo mâo sa anôk mang ôh, mâo knŏng anôk prăm jŭ, gru arăng čăm, leh anăn êka ƀlĕ êrah, arăng amâo tuôm djiêt ênah ôh, kăn tuôm păn rei, kăn tuôm mia hŏng êa prăi rei.

Y-Êsai 3:17

Kyuanăn Khua Yang srăng bi kla čŏng kŏ phung mniê ƀuôn Siôn, Yêhôwa srăng brei ruih keh kơ boh kŏ diñu.”

Bruă Lêwi 13:1

Yêhôwa lač kơ Y-Môis leh anăn Y-Arôn,

Bruă Lêwi 13:3

Khua ngă yang srăng ksiêm anôk ruă ti klĭt asei mlei ñu; leh anăn tơdah mlâo anôk ruă anăn bliư̆ jing hĕ kô̆ leh anăn klei ruă jing êlam hĭn kơ klĭt asei mlei, anăn jing phŭng. Tơdah khua ngă yang ksiêm leh, gơ̆ srăng hưn ñu jing čhŏ.

Bruă Lêwi 13:8

leh anăn khua ngă yang srăng ksiêm ñu. Tơdah anôk bi ƀlĕ jing lar hlăm klĭt, khua ngă yang srăng hưn kơ ñu jing čhŏ; anăn jing phŭng.

Bruă Lêwi 14:3

Khua ngă yang srăng kbiă nao ti êngao wăl leh anăn srăng ksiêm. Tơdah klei ruă djŏ phŭng hlao leh hlăm pô djŏ phŭng,

Bruă Lêwi 14:35

pô sang anăn srăng nao hưn kơ khua ngă yang, ‘Tui si kâo mĭn mâo sa mta klei ruă hlăm sang kâo.’

Bruă Lêwi 14:56

kơ anôk bŏk amâodah anôk ƀlĕ, amâodah anôk ƀlak,

Y-Malaki 2:7

Kyuadah jing djŏ kơ kƀuê sa čô khua ngă yang srăng pioh klei thâo mĭn, leh anăn arăng srăng duah klei bi hriăm mơ̆ng ƀăng êgei ñu, kyuadah ñu yơh jing pô Yêhôwa kơ phung kahan tiŏ hriê hưn.

Klei Yap 12:10

Tơdah knam đĭ đuĕ mơ̆ng sang čhiăm, nĕ anei H'Miriam djŏ phŭng, jing kô̆ msĕ si pliêr. Y-Arôn wir dlăng phă H'Miriam leh anăn nĕ anei, gơ̆ djŏ phŭng leh.

Klei Yap 12:12

Đăm brei gơ̆ jing msĕ si sa čô hđeh ĭ djiê ksŏk, mkrah wah kđeh gơ̆ rai leh, tơdah gơ̆ kbiă mơ̆ng tian amĭ gơ̆.”

Y-Mathiơ 8:4

Leh anăn Yêsu lač kơ ñu, “Răng bĕ, đăm yăl dliê klei anei kơ arăng ôh, ƀiădah nao bi êdah bĕ ih pô kơ khua ngă yang leh anăn myơr mnơ̆ng tui si Y-Môis mtă leh, čiăng bi sĭt klei anei ti anăp phung ƀuôn sang.”

Y-Markôs 1:44

“Răng bĕ, đăm hưn klei anei kơ arăng ôh, ƀiădah nao bi êdah ih pô kơ khua ngă yang, leh anăn myơr mnơ̆ng kyua klei bi doh ih tui si Y-Môis mtă leh, jing klei hưn bi sĭt kơ phung ƀuôn sang.”

Y-Luk 17:14

Tơdah Yêsu ƀuh digơ̆, Ñu lač, “Nao bi êdah bĕ diih pô kơ phung khua ngă yang.” Leh anăn êjai digơ̆ nao, digơ̆ mâo klei bi doh.

Y-Luk 5:14

Leh anăn Yêsu mtă kơ gơ̆ đăm yăl dliê kơ arăng ôh, ƀiădah “Nao bi êdah ih pô kơ khua ngă yang leh anăn myơr mnơ̆ng kơ klei bi doh ih tui si Y-Môis mtă leh, jing klei bi sĭt kơ phung ƀuôn sang.”

Klei Mtô Mñă Klei Bhiăn 24:8

Răng bĕ hlăm klei djŏ phŭng, brei răng snăk ngă tui hlue jih jang klei phung khua ngă yang Lêwi srăng mtă gai diih; tui si kâo mtă leh kơ diñu, snăn diih srăng răng ngă.

Klei Mtô Mñă Klei Bhiăn 28:27

Yêhôwa srăng čăm diih hŏng tiêng čar Êjip, ruih kplač, lak, leh anăn klei ruă ktăl, amâo thâo hlao ôh.