Bruă Lêwi 12:7 - Klei Aê Diê Blŭ 2015

⁷ Khua ngă yang srăng myơr dŏ anăn ti anăp Yêhôwa leh anăn ngă klei bi doh klei soh kơ ñu. Hlăk anăn ñu srăng jing doh kơ klei êrah ñu ƀlĕ. Anăn jing klei bhiăn kơ mniê kkiêng kơ sa čô anak êkei amâodah sa čô anak mniê.

Bruă Lêwi 12:7 Iomraidhean Croise

Y-Yôp 1:5

Tơdah hruê huă mnăm ruê̆ leh, Y-Yôp bhiăn iêô leh anăn bi doh hĕ phung diñu, leh anăn gơ̆ bhiăn kgŭ ưm aguah leh anăn myơr mnơ̆ng myơr čuh tui si grăp čô diñu; kyuadah Y-Yôp lač, “Năng ai phung anak êkei kâo ngă soh leh, leh anăn tăm pah kơ Aê Diê hlăm ai tiê diñu.” Msĕ snăn Y-Yôp khăng ngă nanao.

Y-Yôp 14:4

Hlei pô dưi bi kbiă mnơ̆ng doh mơ̆ng mnơ̆ng čhŏ? Amâo mâo sa čô dưi ôh.

Bruă Lêwi 1:4

Ñu srăng bă kngan ñu ti dlông boh kŏ mnơ̆ng myơr čuh, mnơ̆ng anăn srăng mâo klei tŭ kyua ñu čiăng ngă klei bi doh klei soh kơ ñu.

Bruă Lêwi 12:6

Tơdah tloh leh hruê kơ klei bi doh ñu pô, thâodah kơ sa čô anak êkei amâodah kơ sa čô anak mniê, brei ñu đoh ba kơ khua ngă yang ti ƀăng bhă sang čhiăm klei bi kƀĭn sa drei êđai biăp mâo sa thŭn jing mnơ̆ng myơr čuh, leh anăn sa drei êđai ktrâo amâodah sa drei mgăm jing mnơ̆ng myơr kyua klei soh.

Bruă Lêwi 12:8

Tơdah ñu amâo dưi mâo sa drei êđai biăp ôh, brei ñu mă dua drei mgăm amâodah dua drei êđai ktrâo, sa drei pioh kơ mnơ̆ng myơr čuh, sa drei mkăn pioh kơ mnơ̆ng myơr kyua klei soh, leh anăn khua ngă yang srăng ngă klei bi doh klei soh ñu, leh anăn ñu srăng jing doh.’ ”

Bruă Lêwi 15:15

Khua ngă yang srăng myơr digơ̆, sa drei jing mnơ̆ng myơr kyua klei soh, sa drei mkăn jing mnơ̆ng myơr čuh; leh anăn khua ngă yang srăng ngă klei bi doh klei soh pô anăn ti anăp Yêhôwa kyua klei bi ƀlĕ.

Bruă Lêwi 4:20

Snei ñu srăng ngă hŏng êmô knô: msĕ si ñu ngă leh hŏng êmô knô mnơ̆ng myơr kyua klei soh, msĕ snăn mơh ñu srăng ngă hŏng dŏ anei. Leh anăn khua ngă yang srăng ngă klei bi doh klei soh digơ̆, leh anăn digơ̆ srăng mâo klei pap brei.

Bruă Lêwi 4:26

Jih prăi gơ̆ ñu srăng čuh ti dlông knưl, msĕ si prăi klei ngă yang mnơ̆ng myơr kơ klei êđăp ênang. Snăn khua ngă yang srăng ngă klei bi doh klei soh gơ̆, leh anăn gơ̆ srăng mâo klei pap brei.

Bruă Lêwi 4:31

Êdei tinăn ñu srăng mă hĕ jih jang prăi gơ̆, msĕ si arăng mă prăi mơ̆ng mnơ̆ng myơr kơ klei êđăp ênang, leh anăn khua ngă yang srăng čuh gơ̆ ti dlông knưl jing mnâo ƀâo mngưi kơ Yêhôwa. Snăn khua ngă yang srăng ngă klei bi doh klei soh kơ gơ̆, leh anăn gơ̆ srăng mâo klei pap brei.

Bruă Lêwi 4:35

Ñu srăng mă hĕ jih jang prăi msĕ si ñu mă prăi êđai biăp arăng ngă yang myơr kơ klei êđăp ênang; leh anăn khua ngă yang srăng čuh gơ̆ ti dlông knưl, ti dlông mnơ̆ng myơr brei pui ƀơ̆ng kơ Yêhôwa. Snăn khua ngă yang srăng ngă klei bi doh klei soh gơ̆ ngă leh, leh anăn gơ̆ srăng mâo klei pap brei.”

Hră Y-Pôl Mơĭt kơ Phung Rôm 3:23

Kyuadah jih jang mnuih soh leh sơăi leh anăn amâo tơl mâo klei guh kơang Aê Diê ôh,

Hră Y-Pôl Mơĭt kơ Phung Rôm 3:26

Klei Ñu gĭr anăn čiăng bi êdah ênuk anei klei Ñu pô jing kpă leh anăn klei Ñu yap kpă hlei pô đăo kơ Yêsu.

I Kôrantô 7:14

Kyuadah ung amâo đăo anăn jing doh jăk kyua mô̆ ñu, leh anăn mô̆ amâo đăo jing doh jăk kyua ung ñu. Tơdah amâo djŏ snăn ôh, phung anak diih srăng čhŏ, ƀiădah diñu jing doh jăk leh.

Galati 3:28

Amâo lŏ yap mdê ôh phung Yuđa hŏng phung Grĕk, phung hlŭn hŏng phung êngiê, phung êkei hŏng phung mniê; kyuadah jih jang diih jing leh sa hlăm Krist Yêsu.