Bruă Lêwi 12:6 - Klei Aê Diê Blŭ 2015

⁶ Tơdah tloh leh hruê kơ klei bi doh ñu pô, thâodah kơ sa čô anak êkei amâodah kơ sa čô anak mniê, brei ñu đoh ba kơ khua ngă yang ti ƀăng bhă sang čhiăm klei bi kƀĭn sa drei êđai biăp mâo sa thŭn jing mnơ̆ng myơr čuh, leh anăn sa drei êđai ktrâo amâodah sa drei mgăm jing mnơ̆ng myơr kyua klei soh.

Bruă Lêwi 12:6 Iomraidhean Croise

Klei Mphŭn Dơ̆ng 15:9

Ñu lač kơ Y-Abram, “Mă brei kơ Kâo sa drei êmô ana mâo tlâo thŭn, sa drei bê ana mâo tlâo thŭn, sa drei biăp knô mâo tlâo thŭn, sa drei mgăm, leh anăn sa drei êđai ktrâo.”

Bruă Lêwi 12:2

“Lač bĕ kơ phung ƀuôn sang Israel, ‘Tơdah sa čô mniê ba tian leh anăn kkiêng kơ sa čô anak êkei, ñu srăng jing čhŏ êjai kjuh hruê; ñu srăng jing čhŏ msĕ si êjai ñu jhat mơiêng.

Bruă Lêwi 12:5

Ƀiădah tơdah ñu kkiêng kơ sa čô anak mniê, ñu srăng jing čhŏ êjai dua hruê kăm, msĕ si êjai ñu jhat mơiêng; leh anăn ñu srăng dôk năm pluh năm hruê kơ klei bi doh ñu pô kơ êrah.

Bruă Lêwi 12:7

Khua ngă yang srăng myơr dŏ anăn ti anăp Yêhôwa leh anăn ngă klei bi doh klei soh kơ ñu. Hlăk anăn ñu srăng jing doh kơ klei êrah ñu ƀlĕ. Anăn jing klei bhiăn kơ mniê kkiêng kơ sa čô anak êkei amâodah sa čô anak mniê.

Bruă Lêwi 14:22

msĕ mơh dua drei mgăm amâodah dua drei êđai ktrâo, tui si ñu dưi mâo; sa drei pioh kơ mnơ̆ng myơr kyua klei soh, sa drei mkăn pioh kơ mnơ̆ng myơr čuh.

Bruă Lêwi 15:14

Ti hruê tal sa păn ñu srăng mă dua drei mgăm amâodah dua drei êđai ktrâo, leh anăn nao ti anăp Yêhôwa ti ƀăng bhă sang čhiăm klei bi kƀĭn, leh anăn brei digơ̆ kơ khua ngă yang.

Bruă Lêwi 15:29

Ti hruê tal sa păn ñu srăng mă dua drei mgăm amâodah dua drei êđai ktrâo, leh anăn djă ba digơ̆ kơ khua ngă yang ti ƀăng bhă sang čhiăm klei bi kƀĭn.

Klei Yap 6:10

Ti hruê tal sa păn ñu srăng djă ba kơ khua ngă yang dua drei mgăm amâodah dua drei êđai ktrâo ti ƀăng bhă sang čhiăm klei bi kƀĭn.

Y-Luk 2:22

Tơdah leh jih hruê diñu ngă klei bi doh tui si klei bhiăn Y-Môis, diñu ba gơ̆ kơ ƀuôn Yêrusalem čiăng myơr gơ̆ kơ Khua Yang,

Y-Yôhan 1:29

Hruê mgi Y-Yôhan lŏ ƀuh Yêsu hriê kơ ñu leh anăn ñu lač, “Nĕ anei, Êđai Biăp Aê Diê, Pô lăm hĕ klei soh lăn ala!

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Hêbrơ 7:26

Kyuadah jing djŏ leh kơ drei mâo sa čô khua ngă yang prŏng msĕ snăn, doh jăk, amâo mâo klei dưi ƀuah ôh, amâo mâo klei čhŏ ôh, bi ktlah leh mơ̆ng phung soh, Aê Diê pŭ ba leh ti dlông hĭn kơ phung adiê.