Bruă Lêwi 11:44 - Klei Aê Diê Blŭ 2015

⁴⁴ Kyuadah Kâo jing Yêhôwa Aê Diê diih; snăn pioh brei diih pô, leh anăn jing doh jăk, kyuadah Kâo pô jing doh jăk. Đăm diih bi čhŏ diih pô kyua sa mnơ̆ng bi phung êrui ti rŏng lăn ala.

Bruă Lêwi 11:44 Iomraidhean Croise

Klei Mmuñ Hđăp 99:5

Mpŭ mni bĕ kơ Yêhôwa Aê Diê drei, buôn kkuh bĕ ti anăp mdhô̆ Ñu trông jơ̆ng; Ñu yơh jing doh jăk.

Klei Mmuñ Hđăp 99:9

Mpŭ mni bĕ kơ Yêhôwa Aê Diê drei, leh anăn kkuh mpŭ bĕ ti čư̆ doh jăk Ñu; kyuadah Yêhôwa Aê Diê drei jing doh jăk.

Klei Kbiă 16:12

“Kâo hmư̆ leh klei phung ƀuôn sang Israel blŭ dŭñ dŭñ. Brei ih lač kơ diñu, ‘Ti mmăt wai băk diih srăng ƀơ̆ng čĭm, leh anăn ti aguah diih srăng trei hŏng kpŭng; leh anăn diih srăng thâo kơ Kâo jing Yêhôwa, Aê Diê diih.’ ”

Klei Kbiă 19:10

Yêhôwa lač kơ Y-Môis, “Nao bĕ kơ phung ƀuôn sang, pioh brei diñu hruê anei leh anăn mgi, brei diñu boh čhum ao diñu.

Klei Kbiă 19:6

bi diih srăng jing kơ Kâo sa boh ƀuôn ala mtao phung khua ngă yang leh anăn sa phung găp djuê doh jăk. Snăn jing klei brei ih blŭ kơ phung anak Israel.’ ”

Klei Kbiă 20:2

“Kâo jing Yêhôwa Aê Diê ih, Pô atăt ih kbiă leh mơ̆ng čar Êjip, mơ̆ng sang klei jing hlŭn.

Klei Kbiă 22:30

Brei ih ngă msĕ mơh hŏng êmô leh anăn biăp ih. Gơ̆ srăng dôk kjuh hruê hŏng ana gơ̆, hruê sa păn ih srăng brei gơ̆ kơ Kâo.

Klei Kbiă 22:31

Brei diih jing mnuih doh jăk pioh brei kơ Kâo; kyuanăn đăm ƀơ̆ng ôh kđeh mnơ̆ng mkăn kĕ hiêk hlăm hma; brei diih hwiê dŏ anăn kơ asâo.

Klei Kbiă 23:25

Brei diih mă bruă kơ Yêhôwa Aê Diê diih, leh anăn Kâo srăng hơêč hmưi kơ mnơ̆ng ƀơ̆ng huă leh anăn êa mnăm ih; leh anăn Kâo srăng mă hĕ klei ruă duam mơ̆ng krah ih.

Klei Kbiă 6:7

Kâo srăng mă diih jing phung ƀuôn sang Kâo, Kâo srăng jing Aê Diê diih; leh anăn diih srăng thâo Kâo yơh jing Yêhôwa, Aê Diê diih, Pô bi êngiê diih mơ̆ng bruă ktrŏ phung Êjip.

Y-Êsai 43:3

Kyuadah Kâo jing Yêhôwa, Aê Diê diih, Pô Doh Jăk phung Israel, Pô Bi Mtlaih diih. Kâo brei leh čar Êjip jing mnơ̆ng bi tui diih, čar Êthiôpi leh anăn čar Sêba jing ênoh bi tui diih.

Y-Êsai 51:15

Kyuadah Kâo jing Yêhôwa Aê Diê diih, Pô brei êa ksĭ poh yă leh anăn brei êlah êa ñu bi ênai. Anăn Ñu jing Yêhôwa kơ phung kahan.

Bruă Lêwi 10:3

Leh anăn Y-Môis lač kơ Y-Arôn, “Klei anei Yêhôwa lač leh, ‘Kâo srăng bi êdah Kâo pô doh jăk ti krah phung hriê giăm Kâo, leh anăn Kâo srăng mâo klei mpŭ ti anăp jih jang phung ƀuôn sang.’ ” Y-Arôn dôk ñăt.

Bruă Lêwi 11:43

Đăm mjing ôh diih pô mnơ̆ng Yêhôwa bi êmut kyua sa mnơ̆ng bi phung, leh anăn đăm bi čhŏ diih pô hŏng mnơ̆ng anăn ôh, huĭdah diih jing čhŏ.

Bruă Lêwi 18:2

“Lač bĕ kơ phung ƀuôn sang Israel, Kâo jing Yêhôwa Aê Diê diih.

Bruă Lêwi 19:10

Leh anăn đăm lŏ pĕ ôh boh kriăk ƀâo tal dua, kăn duñ rei boh kriăk ƀâo luh leh. Brei diih lui dŏ anăn kơ phung ƀun ƀin leh anăn kơ phung dôk jưh bhiâo. Kâo jing Yêhôwa Aê Diê diih.

Bruă Lêwi 19:2

“Lač bĕ kơ jih phung ƀuôn sang Israel bi kƀĭn, ‘Brei diih jing doh jăk, kyuadah Kâo, Yêhôwa Aê Diê diih jing doh jăk.

Bruă Lêwi 19:3

Brei grăp čô diih mpŭ kơ amĭ ama pô, leh anăn brei diih hdơr pioh hruê sabat Kâo. Kâo jing Yêhôwa Aê Diê diih.

Bruă Lêwi 19:4

Đăm wir phă rup yang amâodah tuh tia kơ diih pô rup yang ôh. Kâo jing Yêhôwa Aê Diê diih.

Bruă Lêwi 20:26

Brei diih jing doh jăk kơ Kâo; kyuadah Kâo Yêhôwa jing doh jăk, leh anăn Kâo bi ktlah leh diih mơ̆ng phung ƀuôn sang mkăn, čiăng kơ diih jing phung Kâo pô.

Bruă Lêwi 20:7

Kyuanăn pioh brei bĕ diih pô leh anăn jing doh jăk, kyuadah Kâo jing Yêhôwa Aê Diê diih.

Bruă Lêwi 21:8

Brei ih pioh brei ñu, kyuadah ñu myơr mnơ̆ng ƀơ̆ng huă Aê Diê ih; ñu srăng jing doh jăk kơ ih; kyuadah Kâo Yêhôwa, Pô bi doh jăk diih, jing doh jăk.

Y-Amôs 3:3

Dưi mơ̆ dua čô êbat mbĭt tơdah diñu ka bi ư ai ôh?

Klei Yap 15:40

Snăn diih srăng hdơr leh anăn ngă jih jang klei Kâo mtă, leh anăn jing doh jăk kơ Aê Diê diih.

Y-Mathiơ 5:48

Snăn yơh brei diih jing jăk klă msĕ si Ama diih hlăm adiê jing jăk klă.”

Klei Mtô Mñă Klei Bhiăn 14:2

Kyuadah diih jing sa phung ƀuôn sang doh jăk kơ Yêhôwa Aê Diê diih, leh anăn Yêhôwa ruah leh ih brei jing sa phung ƀuôn sang jing dŏ Ñu pô kbiă mơ̆ng jih jang phung ƀuôn sang dôk ti dlông rŏng lăn ala.”

I Têsalônik 4:7

Kyuadah Aê Diê amâo iêô ôh drei kơ klei čhŏ mrŏ, ƀiădah kơ klei doh jăk.

Y-Yôsuê 24:19

Ƀiădah Y-Yôsuê lač kơ phung ƀuôn sang, “Diih amâo dưi mă bruă kơ Yêhôwa ôh, kyuadah Ñu jing Aê Diê doh jăk; Ñu jing Aê Diê thâo trih; Ñu amâo srăng pap brei ôh kơ klei diih gao klei bhiăn amâodah kơ klei soh diih.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.

Klei Bi Êdah 22:11

Brei pô ngă klei wê, ăt ngă klei wê; leh anăn pô čhŏ, brei ñu ăt jing čhŏ; pô jing kpă, brei ñu ăt ngă klei kpă; leh anăn pô jing doh jăk, brei ñu ăt jing doh jăk.”

I Y-Samuel 2:2

Amâo mâo pô doh jăk msĕ si Yêhôwa ôh, amâo mâo pô mkăn êngao kơ Ih ôh; amâo mâo ôh Boh Tâo msĕ si Aê Diê drei.

I Y-Samuel 6:20

Snăn phung êkei ƀuôn Bet-Sêmes lač, “Hlei pô dưi dôk dơ̆ng ti anăp Yêhôwa, Aê Diê doh jăk anei? Leh anăn kơ hlei pô hip Ñu srăng nao leh gơ̆ kbiă đuĕ mơ̆ng drei?”