Bruă Lêwi 10:7 - Klei Aê Diê Blŭ 2015

⁷ Leh anăn đăm diih kbiă ôh mơ̆ng ƀăng bhă sang čhiăm klei bi kƀĭn, huĭdah diih djiê; kyuadah êa ƀâo mngưi pioh trôč Yêhôwa dôk ti diih.” Diñu ngă tui si klei Y-Môis blŭ.

Bruă Lêwi 10:7 Iomraidhean Croise

Klei Kbiă 28:41

Brei ih bi hơô čhiăm ao anăn kơ ayŏng ih Y-Arôn leh anăn kơ phung anak êkei ñu mbĭt hŏng ñu. Brei ih trôč êa ƀâo mngưi ti diñu pioh brei diñu, leh anăn bi doh jăk diñu, čiăng kơ diñu dưi mă bruă kơ Kâo, jing phung khua ngă yang.

Klei Kbiă 29:7

Brei ih mă êa ƀâo mngưi pioh trôč, hlĭng ti dlông boh kŏ ñu, leh anăn trôč ñu.

Klei Kbiă 30:30

Brei ih trôč êa ƀâo mngưi ti Y-Arôn leh anăn ti phung anak êkei ñu, leh anăn pioh brei diñu, čiăng kơ diñu dưi mă bruă kơ Kâo hlăm bruă phung khua ngă yang.

Bruă Lêwi 10:8

Yêhôwa blŭ kơ Y-Arôn, lač,

Bruă Lêwi 21:12

kăn ñu srăng kbiă mơ̆ng adŭ doh jăk, amâodah bi msoh adŭ doh jăk Aê Diê ñu rei; kyuadah êa ƀâo mngưi Aê Diê arăng trôč leh ti ñu kơ klei pioh brei dôk ti dlông ñu. Kâo jing Yêhôwa.

Bruă Lêwi 8:12

Ñu hlĭng čiăng trôč êa ƀâo mngưi ti boh kŏ Y-Arôn čiăng pioh brei gơ̆.

Bruă Lêwi 8:30

Leh anăn Y-Môis mă đa đa êa ƀâo mngưi pioh trôč leh anăn êrah ti dlông knưl, leh anăn hƀrah gơ̆ ti dlông Y-Arôn leh anăn ti čhiăm ao ñu, msĕ mơh ti dlông phung anak êkei Y-Arôn leh anăn ti čhiăm ao diñu; snăn Y-Môis pioh brei Y-Arôn leh anăn čhiăm ao ñu, leh anăn phung anak êkei Y-Arôn leh anăn čhiăm ao diñu.

Y-Luk 9:60

Yêsu lač kơ gơ̆, “Lui phung djiê dơr mă phung djiê digơ̆ pô; bi ih, nao hưn klei ƀuôn ala mtao Aê Diê.”

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.

II Kôrantô 1:21

Aê Diê yơh jing Pô bi kjăp hmei mbĭt hŏng diih hlăm Krist, leh anăn trôč leh êa ƀâo mngưi kơ hmei.