Bruă Lêwi 10:6 - Klei Aê Diê Blŭ 2015

⁶ Y-Môis lač kơ Y-Arôn leh anăn kơ phung anak êkei Y-Arôn, Y-Êlêasar leh anăn Y-Ithamar, “Đăm brei diih mdei gĭ ƀŭk diih, leh anăn đăm hiêk ôh čhiăm ao diih, huĭdah diih srăng djiê, leh anăn huĭdah klei ngêñ truh kơ jih jang phung bi kƀĭn. Ƀiădah phung ayŏng adei diih, jih sang Israel, dưi čŏk hia kyua pui Yêhôwa čuh leh.

Bruă Lêwi 10:6 Iomraidhean Croise

II Y-Samuel 24:1

Lŏ sa blư̆ Yêhôwa čuh ai ăl hŏng phung Israel, leh anăn Ñu mčhur Y-Đawit ngă kơ diñu, lač, “Nao yap bĕ phung Israel leh anăn phung Yuđa.”

Y-Êsra 7:5

Y-Abisua, Y-Phinêas, Y-Êlêasar, aê tal êlâo jing Y-Arôn khua ngă yang prŏng.

Klei Kbiă 33:5

Kyuadah Yêhôwa lač leh kơ Y-Môis, “Lač bĕ kơ phung ƀuôn sang Israel, ‘Diih jing phung ƀuôn sang khăng kŏ. Tơdah Kâo nao ti krah ih knŏng bhiâo, Kâo srăng bi rai ih. Snăn toh hĕ ară anei kdrăp ih, čiăng Kâo dưi thâo ya Kâo srăng ngă kơ ih.’ ”

Klei Kbiă 6:23

Y-Arôn dôk mô̆ H'Êlisêba, anak mniê Y-Aminadap, amai Y-Nahsôn, leh anăn gơ̆ kkiêng kơ ñu Y-Nadap, Y-Abihu, Y-Êlêasar, leh anăn Y-Ithamar.

Y-Yêrêmi 7:29

Kuêh hĕ ƀŭk diih leh anăn hwiê hĕ gơ̆; ur čŏk hia bĕ ti dlông čŏng phung čư̆ kla, kyuadah Yêhôwa hngah leh anăn lui leh phung ênuk Ñu ngêñ anei.’ ”

Bruă Lêwi 13:45

Mnuih djŏ phŭng mâo klei ruă anăn srăng hơô čhiăm ao tĭ leh anăn amâo gĭ ƀŭk ôh, leh anăn ñu srăng guôm kƀuê ñu ti dlông leh anăn ur, ‘Čhŏ, čhŏ.’

Y-Mika 1:16

Bi kla bĕ boh kŏ ih pô, khăt hĕ ƀŭk ih kyua phung anak ih khăp; bi kla bĕ boh kŏ ih msĕ si tlang, kyuadah diñu srăng đuĕ mơ̆ng diih nao jing mnă.

Klei Yap 1:53

Ƀiădah phung Lêwi srăng dôk jŭm sang čhiăm klei bi mguôp, čiăng kơ amâo mâo klei ngêñ ôh truh kơ phung ƀuôn sang Israel bi kƀĭn; leh anăn phung Lêwi srăng djă bruă kiă kriê sang čhiăm klei bi mguôp.”

Klei Yap 14:6

Leh anăn đơ phung nao ksiêm dlăng leh ala čar, Y-Yôsuê anak êkei Y-Nun leh anăn Y-Kalep anak êkei Y-Jêphunê, hiêk čhiăm ao diñu pô,

Klei Yap 16:22

Digơ̆ kŭp ƀô̆ ti lăn leh anăn lač, “Ơ Aê Diê, Aê Diê kơ mngăt jih jang kđeh, sa čô mnuih ngă soh leh anăn Ih srăng ngêñ wăt kơ jih jang phung bi kƀĭn mơ̆?”

Klei Yap 18:5

Diih srăng mă bruă kơ adŭ doh jăk leh anăn bruă kơ knưl, čiăng amâo lŏ mâo klei ngêñ truh kơ phung ƀuôn sang Israel ôh.

Klei Yap 20:25

Mă Y-Arôn leh anăn Y-Êlêasar anak êkei ñu, leh anăn atăt diñu đĭ čư̆ Hor.

Klei Yap 5:18

Khua ngă yang srăng brei mniê dôk dơ̆ng ti anăp Yêhôwa, ruh hĕ ƀŭk ti boh kŏ mniê, leh anăn dưm ti kngan mniê mnơ̆ng myơr kpŭng ƀhĭ kơ klei bi hdơr, anăn jing mnơ̆ng myơr kpŭng ƀhĭ kơ klei trih. Khua ngă yang srăng djă hlăm kngan ñu êa klei phĭ bi truh klei tăm pah.

Klei Mtô Mñă Klei Bhiăn 33:9

pô lač kơ ama leh anăn amĭ ñu, ‘Kâo amâo uêñ kơ digơ̆ ôh;’ ñu amâo thâo kral phung ayŏng adei ñu ôh, leh anăn amâo uêñ ôh kơ phung anak ñu. Ƀiădah ñu mgang klei Ih blŭ leh anăn djă pioh klei Ih bi mguôp.

Y-Yôsuê 22:18

snăn si diih lui wir Yêhôwa hruê anei lĕ? Leh anăn tơdah diih bi kdơ̆ng hŏng Yêhôwa hruê anei, Ñu srăng ăl kơ jih phung ƀuôn sang Israel mgi.

Y-Yôsuê 22:20

Amâo djŏ hĕ Y-Akan anak êkei Y-Sêra amâo dôk sĭt suôr ôh kyua mnơ̆ng pioh leh kơ Yêhôwa, leh anăn klei Yêhôwa ngêñ truh kơ jih phung ƀuôn sang Israel? Leh anăn ñu amâo rai tuč hjăn ñu ôh kyua klei wê ñu.’ ”

Y-Yôsuê 7:1

Ƀiădah phung ƀuôn sang Israel amâo ngă tui si klei mtă djŏ kơ mnơ̆ng pioh brei leh kơ Yêhôwa; kyuadah Y-Akan anak êkei Y-Karmi, čô Y-Sapdi, čĕ Y-Sêra, mơ̆ng găp djuê Yuđa mă đa đa mnơ̆ng anăn. Snăn Yêhôwa čuh ai ngêñ kơ phung ƀuôn sang Israel.

Y-Yôsuê 7:11

Israel ngă soh leh; diñu gao leh klei bi mguôp Kâo mtă leh kơ diñu; diñu mă leh đa đa mnơ̆ng arăng pioh brei kơ Kâo; diñu tlĕ leh anăn luar, leh anăn pioh mnơ̆ng anăn mbĭt hŏng dŏ diñu pô.