Bruă Lêwi 10:3 - Klei Aê Diê Blŭ 2015

³ Leh anăn Y-Môis lač kơ Y-Arôn, “Klei anei Yêhôwa lač leh, ‘Kâo srăng bi êdah Kâo pô doh jăk ti krah phung hriê giăm Kâo, leh anăn Kâo srăng mâo klei mpŭ ti anăp jih jang phung ƀuôn sang.’ ” Y-Arôn dôk ñăt.

Bruă Lêwi 10:3 Iomraidhean Croise

Klei Mphŭn Dơ̆ng 18:25

Ih amâo ngă snăn ôh, bi mdjiê phung kpă ênô mbĭt hŏng phung ƀai. Tơdah snăn klei truh kơ phung kpă ênô jing msĕ si klei truh kơ phung ƀai. Ih amâo ngă snăn ôh, hơăi. Amâo djŏ hĕ Khua Phat Kđi jih lăn ala srăng ngă klei djŏ?”

Y-Yôp 2:10

Ƀiădah ñu lač kơ mô̆ ñu, “Ih blŭ msĕ si sa čô mniê mluk. Si ngă, drei knŏng mă tŭ klei jăk mơ̆ng kngan Aê Diê mơ̆, leh anăn amâo mă tŭ ôh klei jhat?” Hlăm jih klei anăn Y-Yôp amâo tuôm ngă soh ôh hŏng ƀăng êgei ñu.

Klei Mmuñ Hđăp 119:120

Kđeh kâo ktư̆ yơ̆ng kyua huĭ kơ Ih; leh anăn kâo huĭ kơ klei Ih phat kđi.

Klei Mmuñ Hđăp 148:14

Ñu brei klei dưi kơ phung ƀuôn sang Ñu, klei bi mni kơ jih jang phung doh jăk Ñu, kơ phung ƀuôn sang Israel, phung dôk giăm Ñu. Bi mni bĕ kơ Yêhôwa!

Klei Mmuñ Hđăp 39:10

Đăm lŏ čăm kâo ôh; kâo giăm djiê leh kyua klei Ih čăm.

Klei Mmuñ Hđăp 39:9

Kâo kmlô, amâo ha ƀăng êgei kâo ôh; kyuadah Ih yơh jing pô ngă klei anei.

Klei Mmuñ Hđăp 46:10

“Dôk ñăt bĕ, leh anăn brei ih thâo kơ Kâo jing Aê Diê. Kâo srăng mâo klei mpŭ mơ̆ng phung găp djuê, Kâo srăng mâo klei mpŭ hlăm lăn ala.”

Klei Mmuñ Hđăp 89:7

Aê Diê jing Pô arăng huĭ hlăm klei bi kƀĭn phung doh jăk. Leh anăn Ñu jing prŏng leh anăn năng huĭ hĭn kơ jih jang phung dôk jŭm Ñu.

Klei Mmuñ Hđăp 93:5

Ơ Yêhôwa, nanao hlŏng lar klei Ih mtă jing kjăp sĭt; klei doh jăk jing djŏ kơ sang Ih.

Klei Kbiă 14:17

Kâo srăng bi khăng ai tiê phung Êjip, snăn diñu srăng tiŏ digơ̆ hlăm êa ksĭ, leh anăn Kâo srăng mâo klei guh kơang kyua Pharaôn leh anăn jih jang phung kahan ñu, êdeh aseh ñu, leh anăn phung mgăt aseh ñu.

Klei Kbiă 14:4

Kâo srăng bi khăng ai tiê Pharaôn, leh anăn ñu srăng tiŏ digơ̆, leh anăn Kâo srăng mâo klei guh kơang kyua Pharaôn leh anăn jih jang phung kahan ñu; leh anăn phung Êjip srăng thâo kơ Kâo jing Yêhôwa.” Phung ƀuôn sang Israel ngă snăn.

Klei Kbiă 19:22

Brei wăt phung khua ngă yang mơh, phung hriê giăm Yêhôwa, bi doh diñu pô, huĭdah Yêhôwa ngă kơ diñu.”

Klei Kbiă 19:24

Yêhôwa lač kơ ñu, “Nao trŭn bĕ leh anăn lŏ đĭ mbĭt hŏng Y-Arôn; ƀiădah đăm brei phung khua ngă yang leh anăn phung ƀuôn sang hung êgao anôk bi kčah đĭ phă Yêhôwa ôh, huĭdah Yêhôwa ngă kơ diñu.”

Klei Kbiă 30:30

Brei ih trôč êa ƀâo mngưi ti Y-Arôn leh anăn ti phung anak êkei ñu, leh anăn pioh brei diñu, čiăng kơ diñu dưi mă bruă kơ Kâo hlăm bruă phung khua ngă yang.

Y-Êsai 39:8

Mtao Y-Hêsêkia lač kơ Y-Êsai, “Klei Yêhôwa blŭ ih hưn leh jing jăk.” Kyuadah ñu mĭn, “Srăng mâo klei êđăp ênang leh anăn klei hơĭt êjai ênuk kâo dôk hdĭp.”

Y-Êsai 49:3

Ñu lač kơ kâo, “Ơ Israel, Ih jing dĭng buăl Kâo, hlăm ih Kâo srăng bi êdah klei guh kơang Kâo.”

Y-Êsai 52:11

Đuĕ bĕ, đuĕ bĕ, kbiă bĕ mơ̆ng anôk anăn! Đăm ruêh sa mta mnơ̆ng amâo doh ôh! Kbiă bĕ mơ̆ng krah ñu, bi doh bĕ diih pô, Ơ phung djă čhiên mngan Yêhôwa!

Y-Êsêkiêl 20:41

Kâo srăng tŭ diih msĕ si mnơ̆ng ƀâo mngưi, tơdah Kâo atăt diih kbiă mơ̆ng phung găp djuê mkăn, leh anăn bi kƀĭn diih mơ̆ng čar diih bra đuĕ leh; leh anăn Kâo srăng bi êdah klei doh jăk Kâo ti krah diih ti anăp ală phung găp djuê mnuih.

Y-Êsêkiêl 28:22

leh anăn lač: ‘Snei klei Yêhôwa Aê Diê lač: Nĕ anei, Kâo bi kdơ̆ng hŏng ih, Ơ ƀuôn Sidôn, leh anăn Kâo srăng bi êdah klei guh kơang Kâo ti krah ih.’ Leh anăn diñu srăng thâo kơ Kâo jing Yêhôwa tơdah Kâo bi truh klei phat kđi kơ ñu, leh anăn bi êdah klei doh jăk Kâo hlăm ñu.

Y-Êsêkiêl 38:16

diih srăng hriê bi kdơ̆ng hŏng phung ƀuôn sang Kâo Israel msĕ si knam guôm čar. Hlăm ênuk knhal tuč, Ơ Y-Gôk Kâo srăng atăt diih ngă kơ čar Kâo, čiăng kơ phung găp djuê mnuih dưi thâo kral Kâo, tơdah, hŏng ih Kâo bi êdah klei doh jăk Kâo ti anăp ală diñu.’

Y-Êsêkiêl 40:46

Adŭ mâo ƀô̆ phă dưr pioh kơ phung khua ngă yang kiă knưl; phung anei jing phung anak čô Y-Sadôk, hjăn phung diñu yơh ti krah phung anak êkei Y-Lêwi dưi hriê giăm Yêhôwa čiăng mă bruă kơ Ñu.”

Y-Êsêkiêl 42:13

Leh anăn ñu lač kơ kâo, “Adŭ tĭng dưr leh anăn adŭ tĭng dhŭng phă hŏng wăl jing adŭ doh jăk, tinăn phung khua ngă yang nao giăm Yêhôwa srăng ƀơ̆ng mnơ̆ng myơr doh jăk hĭn; tinăn diñu srăng dưm mnơ̆ng myơr doh jăk hĭn — mnơ̆ng myơr kpŭng ƀhĭ, mnơ̆ng myơr kyua klei soh, leh anăn mnơ̆ng myơr kyua klei gao klei bhiăn, kyuadah anôk anăn jing doh jăk.

Bruă Lêwi 21:15

čiăng kơ ñu amâo srăng bi msoh ôh phung anak ñu ti krah phung ƀuôn sang ñu; kyuadah Kâo jing Yêhôwa Pô bi doh jăk ñu.’ ”

Bruă Lêwi 21:17

“Lač bĕ kơ Y-Arôn, ‘Amâo mâo sa čô ôh hlăm phung anak čô ih hlăm jih jang ênuk digơ̆ mâo anôk djiu ruă dưi nao giăm čiăng myơr mnơ̆ng ƀơ̆ng huă kơ Aê Diê ñu.

Bruă Lêwi 21:21

Amâo mâo sa čô hlăm phung anak čô khua ngă yang Y-Arôn pô mâo anôk djiu ruă dưi nao giăm ôh čiăng myơr mnơ̆ng myơr brei pui ƀơ̆ng kơ Yêhôwa; kyuadah ñu mâo anôk djiu ruă, ñu amâo dưi nao giăm ôh čiăng myơr mnơ̆ng ƀơ̆ng huă kơ Aê Diê ñu.

Bruă Lêwi 21:6

Diñu srăng jing doh jăk kơ Aê Diê diñu, leh anăn amâo bi msoh ôh anăn Aê Diê diñu; kyuadah diñu myơr mnơ̆ng myơr brei pui ƀơ̆ng kơ Yêhôwa, jing mnơ̆ng ƀơ̆ng huă kơ Aê Diê diñu; kyuanăn diñu srăng jing doh jăk.

Bruă Lêwi 21:8

Brei ih pioh brei ñu, kyuadah ñu myơr mnơ̆ng ƀơ̆ng huă Aê Diê ih; ñu srăng jing doh jăk kơ ih; kyuadah Kâo Yêhôwa, Pô bi doh jăk diih, jing doh jăk.

Bruă Lêwi 22:9

Kyuanăn diñu srăng djă pioh klei Kâo mtă, huĭdah diñu klam klei soh kyua klei anăn leh anăn diñu djiê hlăm anôk doh jăk, kyuadah diñu bi čhŏ leh klei Kâo mtă. Kâo jing Yêhôwa, Pô bi doh jăk diñu.

Bruă Lêwi 8:35

Brei diih dôk ti ƀăng bhă sang čhiăm klei bi kƀĭn hruê leh anăn mlam êjai kjuh hruê, ngă tui si Yêhôwa mtă leh, huĭdah diih djiê, kyua klei anăn arăng mtă leh kơ kâo.”

Klei Yap 16:5

leh anăn ñu lač kơ Y-Kôrê leh anăn kơ jih jang phung gơ̆, “Aguah mgi Yêhôwa srăng bi êdah hlei pô jing dŏ ñu, leh anăn hlei pô jing doh jăk, leh anăn srăng brei pô anăn nao giăm ñu; pô ñu srăng ruah ñu srăng brei nao giăm ñu.

Klei Yap 20:12

Yêhôwa lač kơ Y-Môis leh anăn kơ Y-Arôn, “Kyuadah diih amâo đăo kơ Kâo ôh čiăng mpŭ kơ klei doh jăk Kâo ti anăp ală phung ƀuôn sang Israel, kyua anăn diih amâo srăng atăt phung bi kƀĭn anei mŭt hlăm čar Kâo brei leh kơ diñu.”

Y-Mathiơ 10:37

Hlei pô khăp kơ amĭ ama ñu lu hĭn kơ Kâo amâo năng kơ Kâo ôh; hlei pô khăp kơ anak êkei amâodah kơ anak mniê ñu lu hĭn kơ Kâo amâo năng kơ Kâo ôh;

Y-Yôhan 12:28

Ơ Ama, brei klei guh kơang kơ anăn Ih.” Leh anăn mâo asăp blŭ mơ̆ng adiê, “Kâo brei leh klei guh kơang kơ anăn Kâo, leh anăn Kâo srăng lŏ bi guh kơang anăn Kâo mơh.”

Y-Yôhan 14:13

Ya klei diih akâo hlăm anăn Kâo, Kâo srăng ngă klei anăn, čiăng kơ Ama dưi mâo klei guh kơang hlăm Anak.

Klei Mtô Mñă Klei Bhiăn 32:51

kyuadah ih ngă soh leh hŏng Kâo ti krah phung ƀuôn sang Israel ti êa Mêriba giăm Kadês hlăm kdrăn tač Sin; kyuadah ih amâo mâo mpŭ kơ Kâo jing doh jăk ôh ti krah phung ƀuôn sang Israel.

II Têsalônik 1:10

hlăk Ñu srăng lŏ hriê hlăm hruê anăn, čiăng mâo klei guh kơang mơ̆ng phung doh jăk Ñu, leh anăn klei mpŭ mơ̆ng jih jang phung đăo leh, kyuadah diih đăo leh kơ klei hmei hưn kơ diih.

I Y-Pêtrôs 4:17

Kyuadah truh leh ênuk klei phat kđi srăng dơ̆ng hŏng găp djuê Aê Diê; leh anăn tơdah klei phat kđi dơ̆ng hŏng drei, ya srăng truh knhal tuč kơ phung amâo gưt ôh kơ klei mrâo mrang jăk Aê Diê?

I Y-Samuel 2:30

Kyua anăn Yêhôwa, Aê Diê Israel hưn, ‘Kâo ƀuăn leh kơ sang ih leh anăn kơ sang aê ih srăng mă bruă kơ Kâo nanao hlŏng lar.’ Ƀiădah ară anei Yêhôwa hưn, ‘Hơăi, Kâo amâo lŏ ngă snăn ôh. Kyuadah Kâo srăng mpŭ kơ hlei phung mpŭ kơ Kâo, leh anăn phung bi êmut kơ Kâo, Kâo amâo srăng mpŭ ôh kơ phung diñu.

I Y-Samuel 3:18

Snăn Y-Samuel hưn jih leh anăn amâo mdăp kơ ñu ôh sa mta klei. Leh anăn Y-Hêli lač, “Ñu yơh jing Yêhôwa; brei Ñu ngă tui si klei Ñu mĭn jăk.”

I Y-Samuel 6:20

Snăn phung êkei ƀuôn Bet-Sêmes lač, “Hlei pô dưi dôk dơ̆ng ti anăp Yêhôwa, Aê Diê doh jăk anei? Leh anăn kơ hlei pô hip Ñu srăng nao leh gơ̆ kbiă đuĕ mơ̆ng drei?”