Bruă Lêwi 10:2 - Klei Aê Diê Blŭ 2015

² Pui kbiă hriê mơ̆ng anăp Yêhôwa leh anăn čuh dua čô anăn, leh anăn diñu djiê ti anăp Yêhôwa.

Bruă Lêwi 10:2 Iomraidhean Croise

II Y-Samuel 6:7

Yêhôwa čuh ai ngêñ kơ Y-Usa, leh anăn Aê Diê bi mdjiê ñu tinăn kyuadah ñu yơr kngan bă ti hip. Leh anăn ñu djiê tinăn ti djiêô hip Aê Diê.

I Bruă Mtao 13:28

Ñu nao leh anăn ƀuh asei mlei djiê gơ̆ dôk đih ti êlan, aseh dliê leh anăn êmông gu dôk ti djiêô asei mlei djiê. Êmông gu amâo ƀơ̆ng asei mlei djiê amâodah hiêk aseh dliê ôh.

I Bruă Mtao 18:38

Hlăk anăn pui Yêhôwa trŭn leh anăn ƀơ̆ng mnơ̆ng myơr čuh, djuh, boh tâo, ƀruih lăn, leh anăn hrip hĕ êa hlăm mnuôr.

II Bruă Mtao 1:10

Ƀiădah Y-Êli lŏ wĭt lač kơ khua kơ êma pluh čô anăn, “Tơdah kâo jing sa čô mnuih Aê Diê, brei pui trŭn mơ̆ng adiê leh anăn čuh ih leh anăn phung êma pluh čô kahan ih.” Snăn pui trŭn mơ̆ng adiê leh anăn čuh ñu leh anăn phung êma pluh čô kahan ñu.

II Bruă Mtao 1:12

Ƀiădah Y-Êli lŏ wĭt lač kơ digơ̆, “Tơdah kâo jing sa čô mnuih Aê Diê, brei pui mơ̆ng adiê trŭn leh anăn čuh ih leh anăn phung êma pluh čô kahan ih.” Snăn pui Aê Diê trŭn mơ̆ng adiê leh anăn čuh gơ̆ leh anăn phung êma pluh čô kahan gơ̆.

I Klei Yăl Dliê 13:10

Snăn Yêhôwa čuh ai ngêñ kơ Y-Usa, leh anăn čăm gơ̆ kyuadah gơ̆ yơr kngan djă hip, leh anăn gơ̆ djiê tinăn ti anăp Aê Diê.

I Klei Yăl Dliê 15:13

Kyuadah diih amâo tuôm kkung gơ̆ tal êlâo ôh, Yêhôwa Aê Diê drei ngă kơ drei, kyuadah drei amâo kiă kriê gơ̆ tui si ñu mtă leh.

I Klei Yăl Dliê 24:2

Ƀiădah Y-Nadap leh anăn Y-Abihu djiê êlâo kơ ama diñu, leh anăn diñu amâo mâo anak ôh, snăn Y-Êlêasar leh anăn Y-Ithamar jing phung khua ngă yang.

Y-Yôp 1:16

Êjai ñu ăt dôk blŭ, mâo sa čô mkăn truh leh anăn lač, “Pui Aê Diê mơ̆ng adiê čuh biăp leh anăn phung dĭng buăl leh anăn ƀơ̆ng jih digơ̆, leh anăn knŏng hjăn kâo yơh tlaih čiăng hriê hưn kơ ih.”

Klei Mmuñ Hđăp 50:3

Aê Diê drei hriê, Ñu amâo dôk ñăt ôh, ti anăp Aê Diê mâo pui trơ̆ng, jŭm Ñu mâo angĭn êbŭ ktang.

Klei Kbiă 24:1

Yêhôwa lač kơ Y-Môis, “Đĭ bĕ kơ Yêhôwa, ih leh anăn Y-Arôn, Y-Nadap, Y-Abihu, leh anăn kjuh pluh čô khua mduôn phung Israel, leh anăn brei diih kkuh mpŭ mơ̆ng kbưi.

Y-Êsai 30:33

Kyuadah mơ̆ng sui leh arăng mkra anôk čuh. Sĭt nik Yêhôwa mkra ñu kơ mtao Asyri, anôk čuh anăn êlam leh anăn ƀai, mâo pui leh anăn djuh lu, êwa Yêhôwa msĕ si hnoh boh tâo pui srăng kuč brei pui trơ̆ng.

Bruă Lêwi 10:5

Snăn diñu hriê giăm leh anăn mă mđuĕ digơ̆ đŭng hŏng ao digơ̆ kơ êngao wăl, tui si Y-Môis mtă leh.

Bruă Lêwi 16:1

Yêhôwa blŭ kơ Y-Môis leh djiê dua čô anak êkei Y-Arôn, tơdah digơ̆ nao giăm ti anăp Yêhôwa leh anăn djiê.

Bruă Lêwi 9:24

Pui kbiă mơ̆ng anăp Yêhôwa leh anăn ƀơ̆ng mnơ̆ng myơr čuh leh anăn prăi ti dlông knưl. Tơdah jih jang phung ƀuôn sang ƀuh klei anăn, diñu ur hơ̆k leh anăn buôn kŭp ƀô̆ ti lăn.

Klei Yap 14:37

phung mnuih yăl dliê klei jhat kơ čar anăn djiê hŏng klei truh jhat ti anăp Yêhôwa.

Klei Yap 16:35

Leh anăn pui kbiă mơ̆ng Yêhôwa čuh phung dua êtuh êma pluh čô êkei myơr mnơ̆ng ƀâo mngưi.

Klei Yap 16:49

Phung djiê leh kyua klei truh jhat mâo pluh pă êbâo kjuh êtuh čô, êngao kơ phung djiê leh kyua klei Y-Kôrê.

Klei Yap 26:61

Ƀiădah Y-Nadap leh anăn Y-Abihu djiê tơdah diñu myơr pui mơ̆ng anôk mkăn ti anăp Yêhôwa.

Bruă Phung Khua Ƀĭng Kna 5:10

Bhiâo riâo rit ñu lĕ buh mtam ti jơ̆ng Y-Pêtrôs leh anăn djiê. Phung êkei hlăk ai mŭt leh anăn ƀuh ñu djiê leh, digơ̆ kkung ba asei mlei ñu leh anăn dơr giăm ung ñu.

Bruă Phung Khua Ƀĭng Kna 5:5

Y-Ananias hmư̆ klei blŭ anăn, ñu lĕ buh leh anăn djiê. Jih jang phung hmư̆ klei anăn huĭ snăk.

I Kôrantô 10:11

Klei anăn truh leh kơ diñu čiăng bi hmô kơ drei, leh anăn arăng čih leh klei anăn čiăng bi hriăm drei, phung dôk hlăm ênuk knhal tuč.

I Y-Samuel 6:19

Yêhôwa bi mdjiê đa đa phung êkei ƀuôn Bet-Sêmes kyuadah diñu iêp dlăng hlăm lam hip Yêhôwa. Ñu bi mdjiê kjuh pluh čô digơ̆. Leh anăn phung ƀuôn sang čŏk hia, kyuadah Yêhôwa bi mdjiê lu čô ti krah phung mnuih ƀuôn sang.