Bruă Lêwi 10:19 - Klei Aê Diê Blŭ 2015

¹⁹ Y-Arôn lač kơ Y-Môis, “Nĕ anei, diñu myơr leh hruê anei mnơ̆ng diñu myơr kyua klei soh leh anăn mnơ̆ng diñu myơr čuh ti anăp Yêhôwa; ƀiădah klei msĕ snei truh leh kơ kâo! Tơdah kâo ƀơ̆ng hĕ leh hruê anei mnơ̆ng myơr kyua klei soh, Yêhôwa srăng tŭ klei anăn mơ̆?”

Bruă Lêwi 10:19 Iomraidhean Croise

Y-Êsai 1:11

Yêhôwa lač, “Ya yuôm kơ Kâo lu mnơ̆ng diih ngă yang? Kâo hrăp leh hŏng mnơ̆ng myơr čuh hŏng biăp knô leh anăn prăi hlô mnơ̆ng rông. Kâo amâo mơak ôh hŏng êrah êmô knô, êrah êđai biăp, amâodah êrah bê knô.

Y-Êsai 1:15

Tơdah diih yơr kngan diih, Kâo srăng mdăp ală Kâo kơ diih. Wăt tơdah diih wah lač lu, Kâo amâo srăng hmư̆ ôh, kyuadah kngan diih bŏ hŏng êrah.

Y-Yêrêmi 14:12

Wăt tơdah diñu kăm ƀơ̆ng huă dưn, Kâo amâo srăng hmư̆ klei diñu ur kwưh ôh; leh anăn wăt tơdah diñu myơr mnơ̆ng myơr čuh leh anăn mnơ̆ng myơr kpŭng ƀhĭ dưn, Kâo amâo srăng tŭ diñu ôh; ƀiădah Kâo srăng bi rai diñu hŏng đao gưm, hŏng klei ư̆ êpa, leh anăn hŏng klei ruă tưp.”

Y-Yêrêmi 6:20

Ya tŭ dưn kơ Kâo klei diñu čuh êa ƀâo mngưi mơ̆ng čar Sêba, amâodah mnơ̆ng ƀâo mngưi mơ̆ng čar kbưi? Dŏ diih myơr mnơ̆ng čuh Kâo amâo tŭ ôh, mnơ̆ng diih ngă yang kăn bi mơak kơ Kâo rei.”

Y-Ôsê 9:4

Diñu amâo srăng tuh ôh mnơ̆ng myơr kpiê kơ Yêhôwa, leh anăn kăn diñu bi mơak kơ Yêhôwa rei hŏng mnơ̆ng diñu ngă yang. Klei diñu ngă yang snăn srăng jing msĕ si kpŭng phung kơŭ kyăm; jih jang phung ƀơ̆ng kpŭng anăn srăng jing čhŏ mrŏ; kyuadah kpŭng diñu srăng pioh knŏng kơ diñu pô, kpŭng anăn amâo srăng truh kơ sang yang Yêhôwa ôh.

Bruă Lêwi 10:20

Tơdah leh Y-Môis hmư̆ klei anăn, ñu tŭ.

Bruă Lêwi 9:12

Leh anăn ñu koh mnơ̆ng myơr čuh; phung anak êkei Y-Arôn brei êrah kơ ñu, leh anăn ñu tuh êrah ti knưl jŭm dar.

Bruă Lêwi 9:8

Snăn Y-Arôn nao giăm knưl, leh anăn koh êđai êmô mnơ̆ng myơr kyua klei soh kơ ñu pô.

Y-Malaki 1:10

“Ơ, čiăng snăk mâo sa čô hlăm phung diih kđăl hĕ ƀăng bhă sang yang, čiăng đăm diih čuh pui hơăi mang ôh ti dlông knưl Kâo! Kâo amâo mâo klei mơak ôh hŏng diih,” Yêhôwa kơ phung kahan lač, “Leh anăn Kâo amâo srăng tŭ ôh sa mnơ̆ng myơr mơ̆ng kngan diih.

Y-Malaki 1:13

Diih lač, “Êmăn snăk yơh klei anei,” leh anăn diih čôñ kơ mnơ̆ng anăn, Yêhôwa kơ phung kahan lač. “Diih ba mnơ̆ng diih tlĕ mă mgô̆ amâodah jing êwiên amâodah djiu ruă, leh anăn mnơ̆ng anăn diih ba jing mnơ̆ng diih myơr! Kâo srăng tŭ mơ̆ mnơ̆ng anăn mơ̆ng kngan diih,” Yêhôwa lač?

Y-Malaki 2:13

Nĕ anei, klei mkăn diih ngă: diih guôm knưl Yêhôwa hŏng êa ală, hŏng klei hia leh anăn hŏng klei krao kyuadah ñu amâo lŏ uêñ kơ mnơ̆ng myơr amâodah tŭ mnơ̆ng anăn hŏng klei pap mơ̆ng kngan diih ôh.

Klei Mtô Mñă Klei Bhiăn 12:7

Tinăn yơh diih srăng ƀơ̆ng huă ti anăp Yêhôwa Aê Diê diih, leh anăn diih srăng hơ̆k mơak, diih leh anăn phung mnuih hlăm sang diih, hlăm jih jang klei diih ngă, Yêhôwa Aê Diê ih brei leh klei jăk jĭn kơ ih.

Klei Mtô Mñă Klei Bhiăn 26:14

Kâo amâo tuôm ƀơ̆ng ôh mnơ̆ng sa kdrêč hlăm pluh êjai kâo dôk kơŭ kyăm, amâodah mă dŏ anăn mơ̆ng sang kâo êjai kâo jing čhŏ, amâodah myơr gơ̆ kơ mnuih djiê; kâo gưt leh asăp Yêhôwa Aê Diê kâo, kâo ngă leh tui hlue jih klei Ih mtă leh kơ kâo.

Philip 4:4

Mơak bĕ nanao hlăm Khua Yang. Kâo lŏ mñă mơh, mơak bĕ.

Hêbrơ 7:27

Amâo yuôm ôh Ñu myơr mnơ̆ng ngă yang grăp hruê msĕ si phung khua ngă yang prŏng mkăn, tal êlâo hĭn kyua klei soh ñu pô, leh anăn kyua klei soh phung ƀuôn sang. Ñu ngă klei anăn knŏng sa blư̆ man djăp kơ jih jang ênuk tơdah Ñu myơr Ñu pô.

Hêbrơ 9:8

Hŏng klei anei Yang Mngăt Jăk bi êdah êlan mŭt kơ adŭ doh jăk hĭn ka pŏk ôh êjai sang čhiăm tal êlâo ăt dôk.