Bruă Lêwi 10:14 - Klei Aê Diê Blŭ 2015

¹⁴ Ƀiădah kdrêč đah da hdai leh, leh anăn mra myơr leh, diih srăng ƀơ̆ng hlăm sa bĭt anôk doh, ih, phung anak êkei ih, leh anăn phung anak mniê ih mbĭt hŏng ih; kyuadah arăng brei leh jing kdrêč pioh kơ ih leh anăn kơ phung anak êkei ih mơ̆ng mnơ̆ng ngă yang mnơ̆ng myơr kơ klei êđăp ênang mơ̆ng phung ƀuôn sang Israel.

Bruă Lêwi 10:14 Iomraidhean Croise

Klei Kbiă 29:33

Diñu srăng ƀơ̆ng mnơ̆ng anăn yua leh kơ klei bi doh klei soh, čiăng pioh brei leh anăn bi doh jăk diñu, ƀiădah amâo mâo sa čô mnuih mkăn srăng ƀơ̆ng dŏ anăn ôh, kyuadah dŏ anăn jing doh jăk.

Y-Êsêkiêl 42:13

Leh anăn ñu lač kơ kâo, “Adŭ tĭng dưr leh anăn adŭ tĭng dhŭng phă hŏng wăl jing adŭ doh jăk, tinăn phung khua ngă yang nao giăm Yêhôwa srăng ƀơ̆ng mnơ̆ng myơr doh jăk hĭn; tinăn diñu srăng dưm mnơ̆ng myơr doh jăk hĭn — mnơ̆ng myơr kpŭng ƀhĭ, mnơ̆ng myơr kyua klei soh, leh anăn mnơ̆ng myơr kyua klei gao klei bhiăn, kyuadah anôk anăn jing doh jăk.

Bruă Lêwi 10:13

Brei diih ƀơ̆ng gơ̆ hlăm sa bĭt anôk doh jăk, kyuadah gơ̆ jing kdrêč pioh kơ ih leh anăn phung anak êkei ih mơ̆ng mnơ̆ng myơr brei pui ƀơ̆ng kơ Yêhôwa. Kyuadah snăn yơh Yêhôwa mtă leh kơ kâo.

Bruă Lêwi 22:13

Ƀiădah tơdah sa čô anak mniê khua ngă yang jing mniê djiê ung amâodah mniê ung lui leh, amâo mâo anak ôh, leh anăn lŏ wĭt kơ sang ama ñu msĕ si êjai ñu dôk hlăk ai, ñu dưi ƀơ̆ng mnơ̆ng ƀơ̆ng huă ama ñu; ƀiădah amâo mâo sa čô tue dưi ƀơ̆ng dŏ anăn ôh.

Bruă Lêwi 9:21

ƀiădah Y-Arôn hdai kdrêč đah da leh anăn mra hnuă jing mnơ̆ng myơr hdai ti anăp Yêhôwa tui si Y-Môis mtă leh.

Klei Yap 18:11

Anei msĕ mơh jing dŏ ih, mnơ̆ng myơr mơ̆ng dŏ diñu brei, jih jang mnơ̆ng myơr hdai mơ̆ng phung ƀuôn sang Israel; Kâo brei dŏ anăn kơ ih, kơ phung anak êkei leh anăn phung anak mniê ih mbĭt hŏng ih, jing klei djŏ dôk nanao; grăp čô hlei pô jing doh hlăm sang ih dưi ƀơ̆ng dŏ anăn.

Klei Yap 5:9

Jih jang mnơ̆ng myơr, jih jang mnơ̆ng doh jăk mơ̆ng phung ƀuôn sang Israel, mnơ̆ng diñu ba kơ khua ngă yang srăng jing dŏ gơ̆;

Y-Yôhan 4:34

Yêsu lač kơ digơ̆, “Mnơ̆ng Kâo ƀơ̆ng huă jing klei ngă tui si Pô tiŏ hriê Kâo čiăng, leh anăn bi leh bruă Ñu.