Bruă Lêwi 10:13 - Klei Aê Diê Blŭ 2015

¹³ Brei diih ƀơ̆ng gơ̆ hlăm sa bĭt anôk doh jăk, kyuadah gơ̆ jing kdrêč pioh kơ ih leh anăn phung anak êkei ih mơ̆ng mnơ̆ng myơr brei pui ƀơ̆ng kơ Yêhôwa. Kyuadah snăn yơh Yêhôwa mtă leh kơ kâo.

Bruă Lêwi 10:13 Iomraidhean Croise

Y-Êsêkiêl 42:13

Leh anăn ñu lač kơ kâo, “Adŭ tĭng dưr leh anăn adŭ tĭng dhŭng phă hŏng wăl jing adŭ doh jăk, tinăn phung khua ngă yang nao giăm Yêhôwa srăng ƀơ̆ng mnơ̆ng myơr doh jăk hĭn; tinăn diñu srăng dưm mnơ̆ng myơr doh jăk hĭn — mnơ̆ng myơr kpŭng ƀhĭ, mnơ̆ng myơr kyua klei soh, leh anăn mnơ̆ng myơr kyua klei gao klei bhiăn, kyuadah anôk anăn jing doh jăk.

Bruă Lêwi 10:12

Y-Môis lač kơ Y-Arôn leh anăn phung anak êkei ñu adôk, Y-Êlêasar leh anăn Y-Ithamar, “Mă bĕ mnơ̆ng myơr kpŭng ƀhĭ adôk mơ̆ng mnơ̆ng myơr brei pui ƀơ̆ng kơ Yêhôwa, leh anăn ƀơ̆ng gơ̆ amâo mâo kpei ti djiêô knưl, kyuadah gơ̆ jing doh jăk hĭn.

Bruă Lêwi 10:14

Ƀiădah kdrêč đah da hdai leh, leh anăn mra myơr leh, diih srăng ƀơ̆ng hlăm sa bĭt anôk doh, ih, phung anak êkei ih, leh anăn phung anak mniê ih mbĭt hŏng ih; kyuadah arăng brei leh jing kdrêč pioh kơ ih leh anăn kơ phung anak êkei ih mơ̆ng mnơ̆ng ngă yang mnơ̆ng myơr kơ klei êđăp ênang mơ̆ng phung ƀuôn sang Israel.

Bruă Lêwi 2:3

Ya mnơ̆ng adôk mơ̆ng mnơ̆ng myơr kpŭng ƀhĭ srăng pioh kơ Y-Arôn leh anăn phung anak êkei ñu; gơ̆ jing kdrêč doh jăk snăk mơ̆ng mnơ̆ng myơr brei pui ƀơ̆ng kơ Yêhôwa.

Bruă Lêwi 6:16

Y-Arôn leh anăn phung anak êkei ñu srăng ƀơ̆ng ya mnơ̆ng adôk; diñu srăng ƀơ̆ng gơ̆ amâo mâo kpei hlăm sa bĭt anôk doh jăk; hlăm wăl sang čhiăm klei bi kƀĭn diñu srăng ƀơ̆ng gơ̆.

Klei Yap 18:10

Ih srăng ƀơ̆ng mnơ̆ng anăn hlăm sa anôk doh jăk hĭn; grăp čô êkei dưi ƀơ̆ng dŏ anăn; dŏ anăn jing doh jăk kơ ih.

Klei Yap 5:10

leh anăn mnơ̆ng doh jăk grăp čô myơr srăng jing dŏ ñu pô; ya mnơ̆ng grăp čô brei leh kơ khua ngă yang srăng jing dŏ gơ̆.’ ”