Bruă Lêwi 10:11 - Klei Aê Diê Blŭ 2015

¹¹ Leh anăn brei diih mtô kơ phung ƀuôn sang Israel jih jang klei bhiăn Yêhôwa blŭ leh kơ diñu hŏng Y-Môis.”

Bruă Lêwi 10:11 Iomraidhean Croise

II Klei Yăl Dliê 15:3

Kyuadah êjai lu thŭn leh phung Israel amâo đăo kơ Aê Diê sĭt ôh, amâo mâo sa čô khua ngă yang mjuăt mtô kơ diñu, leh anăn amâo mâo klei bhiăn ôh;

II Klei Yăl Dliê 17:9

Diñu djă ba hdruôm hră klei bhiăn Yêhôwa leh anăn mtô hlăm čar Yuđa. Diñu hiu hlăm jih jang ƀuôn čar Yuđa leh anăn mtô kơ phung ƀuôn sang.

II Klei Yăl Dliê 30:22

Y-Hêsêkia blŭ klei bi mđĭ ai kơ jih jang phung Lêwi bi êdah klei knhâo hlăm bruă kơ Yêhôwa. Snăn phung ƀuôn sang ƀơ̆ng huă kơ klei bi hdơr anăn êjai kjuh hruê, myơr mnơ̆ng kơ klei êđăp ênang leh anăn myơr mnơ̆ng bi mni kơ Yêhôwa Aê Diê phung aê diñu.

Y-Nêhêmi 8:2

Ti hruê tal sa mlan tal kjuh, khua ngă yang Y-Êsra djă ba klei bhiăn ti anăp phung bi kƀĭn, êkei wăt mniê, leh anăn jih jang phung dưi hmư̆ hŏng klei thâo săng.

Y-Nêhêmi 8:8

Diñu dlăng hdruôm hră klei bhiăn Aê Diê hŏng klei mngač, leh anăn mblang, snăn phung ƀuôn sang thâo săng klei diñu dlăng.

Y-Yêrêmi 18:18

Snăn diñu lač, “Hriê bĕ drei, trông čhai hdră srăng ngă kơ Y-Yêrêmi, kyuadah klei bhiăn amâo srăng rai tuč ôh mơ̆ng khua ngă yang, kăn klei kčĕ rai tuč rei mơ̆ng phung thâo mĭn, kăn klei blŭ rai tuč rei mơ̆ng phung khua pô hưn êlâo. Hriê bĕ brei drei čăm ñu hŏng klei blŭ, leh anăn đăm brei drei mđing hmư̆ kơ klei ñu blŭ ôh.”

Y-Yêrêmi 2:8

Phung khua ngă yang amâo lač ôh, ‘Ti anôk Yêhôwa dôk?’ Phung mtô klei bhiăn amâo thâo kral Kâo ôh; phung khua kiă kriê ngă soh hŏng Kâo; phung khua pô hưn êlâo hưn klei yang Baal, leh anăn tui hlue mnơ̆ng amâo tŭ dưn ôh.”

Y-Malaki 2:7

Kyuadah jing djŏ kơ kƀuê sa čô khua ngă yang srăng pioh klei thâo mĭn, leh anăn arăng srăng duah klei bi hriăm mơ̆ng ƀăng êgei ñu, kyuadah ñu yơh jing pô Yêhôwa kơ phung kahan tiŏ hriê hưn.

Y-Mathiơ 28:20

bi hriăm diñu brei gưt jih jang klei Kâo mtă leh kơ diih. Leh anăn nĕ anei, Kâo dôk mbĭt hŏng diih nanao tơl knhal tuč lăn ala.”

Bruă Phung Khua Ƀĭng Kna 20:27

Kyuadah kâo amâo hngah ôh hưn kơ diih jih klei Aê Diê čuăn.

Klei Mtô Mñă Klei Bhiăn 17:10

Brei diih ngă tui si klei diñu srăng hưn kơ diih hlăm anôk Yêhôwa srăng ruah; leh anăn brei diih răng ngă tui hlue jih jang klei diñu srăng mtă kơ diih.

Klei Mtô Mñă Klei Bhiăn 17:11

Brei diih ngă tui hlue klei diñu mtô kơ diih, leh anăn tui hlue klei kđi diñu blŭ kơ diih; ih amâo dưi weh ôh mơ̆ng klei kđi diñu hưn kơ diih, thâodah tĭng hnuă amâodah tĭng điâo.

Klei Mtô Mñă Klei Bhiăn 24:8

Răng bĕ hlăm klei djŏ phŭng, brei răng snăk ngă tui hlue jih jang klei phung khua ngă yang Lêwi srăng mtă gai diih; tui si kâo mtă leh kơ diñu, snăn diih srăng răng ngă.

Klei Mtô Mñă Klei Bhiăn 33:10

Ñu mtô klei Ih mtă kơ Yakôp, leh anăn klei bhiăn Ih kơ Israel, ñu myơr mnơ̆ng ƀâo mngưi ti anăp Ih, leh anăn mnơ̆ng myơr čuh ênŭm ti dlông knưl Ih.

I Têsalônik 4:2

Kyuadah diih thâo leh ya klei bi hriăm hmei brei leh kơ diih hlăm Khua Yang Yêsu.