Bruă Lêwi 1:4 - Klei Aê Diê Blŭ 2015

⁴ Ñu srăng bă kngan ñu ti dlông boh kŏ mnơ̆ng myơr čuh, mnơ̆ng anăn srăng mâo klei tŭ kyua ñu čiăng ngă klei bi doh klei soh kơ ñu.

Bruă Lêwi 1:4 Iomraidhean Croise

Klei Kbiă 28:38

Dŏ anăn srăng dôk ti adhei Y-Arôn, leh anăn Y-Arôn srăng klam klei wê phung ƀuôn sang Israel ngă êjai diñu myơr mnơ̆ng doh jăk. Dŏ anăn srăng dôk nanao ti adhei ñu, čiăng kơ Yêhôwa tŭ diñu.

Klei Kbiă 29:10

Leh anăn brei ih đoh ba êmô knô ti anăp sang čhiăm klei bi kƀĭn. Y-Arôn leh anăn phung anak êkei ñu srăng bă kngan diñu ti dlông boh kŏ êmô knô.

Klei Kbiă 29:15

Leh anăn brei ih mă sa drei biăp knô, leh anăn Y-Arôn wăt phung anak êkei ñu srăng bă kngan diñu ti dlông boh kŏ biăp knô anăn.

Klei Kbiă 29:19

Brei ih mă biăp knô adôk; Y-Arôn leh anăn phung anak êkei ñu srăng bă kngan diñu ti dlông boh kŏ biăp knô.

Klei Kbiă 29:33

Diñu srăng ƀơ̆ng mnơ̆ng anăn yua leh kơ klei bi doh klei soh, čiăng pioh brei leh anăn bi doh jăk diñu, ƀiădah amâo mâo sa čô mnuih mkăn srăng ƀơ̆ng dŏ anăn ôh, kyuadah dŏ anăn jing doh jăk.

Y-Êsai 56:7

diñu yơh Kâo srăng atăt ba kơ čư̆ doh jăk Kâo, leh anăn brei diñu hơ̆k mơak hlăm sang Kâo wah lač. Mnơ̆ng diñu čuh leh anăn mnơ̆ng diñu ngă yang Kâo srăng tŭ ti dlông knưl Kâo; kyuadah sang kâo arăng srăng pia sang wah lač pioh kơ jih jang phung găp djuê mnuih.”

Y-Êsêkiêl 45:15

leh anăn sa drei biăp hlăm dua êtuh drei biăp mơ̆ng kdrăn rơ̆k biăp phung Israel. Anei jing mnơ̆ng myơr kpŭng ƀhĭ, mnơ̆ng myơr čuh, leh anăn mnơ̆ng myơr kơ klei êđăp ênang, čiăng ngă klei bi doh klei soh phung ƀuôn sang, Yêhôwa Aê Diê lač.

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Bruă Lêwi 16:21

Y-Arôn srăng bă jih dua ƀĕ kngan ñu ti dlông boh kŏ bê knô hdĭp, leh anăn hưn ti dlông gơ̆ jih jang klei wê phung ƀuôn sang Israel, leh anăn jih jang klei diñu gao klei bhiăn, jih jang klei soh diñu; snăn ñu srăng dưm jih jang klei soh anăn ti boh kŏ bê knô, leh anăn yua sa čô mnuih jao leh kơ bruă anăn suôt bê knô kơ kdrăn tač.

Bruă Lêwi 16:24

Ñu srăng mnei hlăm sa bĭt anôk doh jăk, leh anăn čŭt hơô čhiăm ao ñu pô, kbiă, leh anăn myơr mnơ̆ng myơr čuh leh anăn mnơ̆ng myơr čuh kyua phung ƀuôn sang, leh anăn ngă klei bi doh klei soh kơ ñu pô leh anăn kơ phung ƀuôn sang.

Bruă Lêwi 22:21

Tơdah sa čô myơr sa mnơ̆ng ngă yang myơr kơ klei êđăp ênang kơ Yêhôwa, čiăng bi sĭt klei ƀuăn amâodah jing mnơ̆ng myơr hŏng klei čŏng čiăng, êmô amâodah biăp bê, čiăng mâo klei Kâo tŭ, brei mnơ̆ng anăn jing klă, amâo mâo sa anôk jhat ôh.

Bruă Lêwi 22:27

“Tơdah sa drei êmô, biăp, amâodah bê mđai leh, êđai gơ̆ srăng dôk mbĭt hŏng ana kjuh hruê. Mơ̆ng hruê sa păn kơ anăp Kâo srăng tŭ gơ̆ jing mnơ̆ng myơr brei pui ƀơ̆ng kơ Yêhôwa.

Bruă Lêwi 3:13

bă kngan ñu ti dlông boh kŏ gơ̆, leh anăn koh gơ̆ ti anăp sang čhiăm klei bi kƀĭn. Leh anăn phung anak êkei Y-Arôn srăng hƀrah êrah gơ̆ ti dlông knưl jŭm dar.

Bruă Lêwi 3:2

Brei ñu bă kngan ñu ti dlông boh kŏ mnơ̆ng ñu myơr leh anăn koh gơ̆ ti ƀăng bhă sang čhiăm klei bi kƀĭn; leh anăn phung anak êkei Y-Arôn phung khua ngă yang srăng hƀrah êrah jŭm dar ti dlông knưl.

Bruă Lêwi 3:8

bă kngan ñu ti dlông boh kŏ mnơ̆ng ñu myơr, leh anăn koh gơ̆ ti anăp sang čhiăm klei bi kƀĭn. Phung anak êkei Y-Arôn srăng hƀrah êrah gơ̆ ti dlông knưl jŭm dar.

Bruă Lêwi 4:15

Phung khua mduôn hlăm phung Israel srăng bă kngan diñu ti dlông boh kŏ êmô knô ti anăp Yêhôwa, leh anăn arăng srăng koh êmô knô ti anăp Yêhôwa.

Bruă Lêwi 4:20

Snei ñu srăng ngă hŏng êmô knô: msĕ si ñu ngă leh hŏng êmô knô mnơ̆ng myơr kyua klei soh, msĕ snăn mơh ñu srăng ngă hŏng dŏ anei. Leh anăn khua ngă yang srăng ngă klei bi doh klei soh digơ̆, leh anăn digơ̆ srăng mâo klei pap brei.

Bruă Lêwi 4:24

leh anăn bă kngan ñu ti dlông boh kŏ bê anăn, leh anăn koh gơ̆ ti anôk diñu koh mnơ̆ng myơr čuh ti anăp Yêhôwa. Gơ̆ jing sa mnơ̆ng myơr kyua klei soh.

Bruă Lêwi 4:26

Jih prăi gơ̆ ñu srăng čuh ti dlông knưl, msĕ si prăi klei ngă yang mnơ̆ng myơr kơ klei êđăp ênang. Snăn khua ngă yang srăng ngă klei bi doh klei soh gơ̆, leh anăn gơ̆ srăng mâo klei pap brei.

Bruă Lêwi 4:29

Brei ñu bă kngan ñu ti dlông boh kŏ mnơ̆ng myơr kyua klei soh leh anăn koh mnơ̆ng myơr kyua klei soh hlăm anôk arăng myơr mnơ̆ng myơr čuh.

Bruă Lêwi 4:31

Êdei tinăn ñu srăng mă hĕ jih jang prăi gơ̆, msĕ si arăng mă prăi mơ̆ng mnơ̆ng myơr kơ klei êđăp ênang, leh anăn khua ngă yang srăng čuh gơ̆ ti dlông knưl jing mnâo ƀâo mngưi kơ Yêhôwa. Snăn khua ngă yang srăng ngă klei bi doh klei soh kơ gơ̆, leh anăn gơ̆ srăng mâo klei pap brei.

Bruă Lêwi 4:33

Brei ñu bă kngan ñu ti dlông boh kŏ mnơ̆ng myơr kyua klei soh, leh anăn koh gơ̆ jing mnơ̆ng myơr kyua klei soh hlăm anôk diñu koh mnơ̆ng myơr čuh.

Bruă Lêwi 4:35

Ñu srăng mă hĕ jih jang prăi msĕ si ñu mă prăi êđai biăp arăng ngă yang myơr kơ klei êđăp ênang; leh anăn khua ngă yang srăng čuh gơ̆ ti dlông knưl, ti dlông mnơ̆ng myơr brei pui ƀơ̆ng kơ Yêhôwa. Snăn khua ngă yang srăng ngă klei bi doh klei soh gơ̆ ngă leh, leh anăn gơ̆ srăng mâo klei pap brei.”

Bruă Lêwi 4:4

Brei ñu đoh ba êmô knô ti ƀăng bhă sang čhiăm klei bi kƀĭn ti anăp Yêhôwa, bă kngan ñu ti dlông boh kŏ êmô knô, leh anăn koh êmô knô ti anăp Yêhôwa.

Bruă Lêwi 5:6

leh anăn brei ñu ba mnơ̆ng myơr kơ klei gao klei bhiăn kơ Yêhôwa kyua klei soh ñu ngă leh, sa drei ana biăp amâodah bê, jing mnơ̆ng myơr kyua klei soh. Leh anăn khua ngă yang srăng ngă klei bi doh klei soh ñu.

Bruă Lêwi 6:7

Leh anăn khua ngă yang srăng ngă klei bi doh klei soh gơ̆ ti anăp Yêhôwa, leh anăn gơ̆ srăng mâo klei pap brei kơ ya klei arăng khăng ngă leh anăn jing soh.”

Bruă Lêwi 8:14

Leh anăn ñu đoh ba êmô knô myơr kyua klei soh; Y-Arôn leh anăn phung anak êkei ñu bă kngan ti boh kŏ êmô knô myơr kyua klei soh.

Bruă Lêwi 8:18

Leh anăn ñu myơr biăp knô jing mnơ̆ng myơr čuh; Y-Arôn leh anăn phung anak êkei ñu bă kngan diñu ti boh kŏ biăp knô.

Bruă Lêwi 8:22

Leh anăn ñu myơr biăp knô mkăn, biăp knô kơ klei pioh brei; Y-Arôn leh anăn phung anak êkei ñu bă kngan diñu ti boh kŏ biăp knô.

Bruă Lêwi 9:7

Leh anăn Y-Môis lač kơ Y-Arôn, “Hriê giăm bĕ kơ knưl, myơr bĕ mnơ̆ng ih myơr kyua klei soh leh anăn mnơ̆ng ih myơr čuh, ngă klei bi doh klei soh kơ ih pô leh anăn kơ phung ƀuôn sang; leh anăn ba mnơ̆ng myơr kyua phung ƀuôn sang, leh anăn ngă klei bi doh klei soh kơ diñu, tui si Yêhôwa mtă leh.”

Klei Yap 15:25

Khua ngă yang srăng ngă klei bi doh klei soh kơ jih jang phung ƀuôn sang Israel bi kƀĭn, leh anăn diñu srăng mâo klei pap brei, kyuadah diñu ngă soh leh hŏng klei amâo čŏng čiăng, leh anăn diñu djă ba leh mnơ̆ng diñu myơr, sa mnơ̆ng myơr brei pui ƀơ̆ng kơ Yêhôwa, leh anăn mnơ̆ng diñu myơr kyua klei soh diñu ti anăp Yêhôwa kyua klei soh diñu amâo čŏng čiăng.

Klei Yap 15:28

Leh anăn khua ngă yang srăng ngă klei bi doh klei soh ti anăp Yêhôwa kơ mnuih ngă klei soh amâo čŏng čiăng, tơdah ñu tăm ngă soh hŏng klei amâo čiăng, čiăng ngă klei bi doh klei soh kơ ñu; leh anăn ñu srăng mâo klei pap brei.

Klei Yap 25:13

Klei anăn srăng pioh kơ ñu leh anăn kơ phung anak čô ñu êdei kơ ñu, klei bi mguôp kơ bruă khua ngă yang dôk nanao, kyuadah ñu mâo klei hur har kyua Aê Diê ñu, leh anăn ngă klei bi doh klei soh kơ phung ƀuôn sang Israel.’ ”

Klei Yap 8:10

Tơdah ih bi êdah phung Lêwi ti anăp Yêhôwa, phung ƀuôn sang Israel srăng bă kngan diñu ti phung Lêwi,

Klei Yap 8:12

Leh anăn phung Lêwi srăng bă kngan diñu ti boh kŏ jih jang êmô knô; leh anăn ih srăng myơr sa drei jing mnơ̆ng myơr kyua klei soh, leh anăn sa drei mkăn jing mnơ̆ng myơr čuh kơ Yêhôwa, čiăng ngă klei bi doh klei soh phung Lêwi.

Hră Y-Pôl Mơĭt kơ Phung Rôm 12:1

Ơ phung ayŏng adei, kâo kwưh kơ diih kyua klei Aê Diê pap, myơr bĕ asei mlei diih jing mnơ̆ng ngă yang hdĭp, doh jăk, bi mơak kơ Aê Diê. Klei anăn jing klei kkuh mpŭ djŏ kơ Aê Diê.

Hră Y-Pôl Mơĭt kơ Phung Rôm 3:25

Aê Diê čuăn leh Yêsu Krist brei Ñu jing mnơ̆ng bi tui klei soh hŏng êrah Ñu, čiăng kơ arăng mă tŭ hŏng klei đăo. Klei anăn čiăng bi êdah klei kpă ênô Aê Diê, kyuadah hŏng klei gĭr Ñu lui amâo bi kmhal ôh klei soh arăng ngă êlâo tinăn.

Hră Y-Pôl Mơĭt kơ Phung Rôm 5:11

Amâo djŏ dŭm anăn ôh, ƀiădah msĕ mơh drei hơ̆k mơak hlăm Aê Diê kyua Khua Yang drei Yêsu Krist. Hlăm Gơ̆ yơh drei mâo leh klei bi grăng hŏng Aê Diê.

Philip 4:18

Kâo mă tŭ ênŭm leh, wăt êbeh hĭn mơh; kâo mâo lu leh, kyuadah kâo mă tŭ leh mơ̆ng Y-Êpaphôdit mnơ̆ng diih mơĭt kơ kâo, jing sa mnơ̆ng myơr ƀâo mngưi, mnơ̆ng ngă yang Aê Diê tŭ leh anăn bi mơak kơ Ñu.

Hêbrơ 10:4

Kyuadah êrah êmô knô leh anăn bê knô amâo dưi ôh lăm hĕ klei soh.

I Y-Yôhan 2:2

Ñu jing Pô bi tui klei soh drei, leh anăn amâo djŏ knŏng kơ klei soh drei ôh, ƀiădah wăt kơ klei soh jih lăn ala.