Bruă Lêwi 1:3 - Klei Aê Diê Blŭ 2015

³ Tơdah mnơ̆ng ñu myơr jing sa mnơ̆ng myơr čuh hŏng êmô, brei ñu myơr sa drei knô amâo mâo anôk jhat ôh. Brei ñu myơr gơ̆ ti ƀăng bhă sang čhiăm klei bi kƀĭn, čiăng ñu dưi mâo klei tŭ ti anăp Yêhôwa.

Bruă Lêwi 1:3 Iomraidhean Croise

Klei Mphŭn Dơ̆ng 22:13

Y-Abraham kngưr dlăng, leh anăn nĕ anei, ti tluôn ñu mâo sa drei biăp knô đuôm hĕ ki hlăm pum kyâo. Y-Abraham nao mă biăp knô anăn leh anăn myơr gơ̆ jing mnơ̆ng myơr čuh hrô anak ñu.

Klei Mphŭn Dơ̆ng 22:2

Aê Diê lač, “Mă bĕ anak ih, anak ih mâo knŏng sa čô, Y-Isăk, pô ih khăp anăn; nao bĕ kơ čar Môria. Tinăn brei ih myơr ñu jing mnơ̆ng myơr čuh ti dlông sa boh čư̆ Kâo srăng ktrâo kơ ih.”

Klei Mphŭn Dơ̆ng 22:8

Y-Abraham wĭt lač, “Ơ dam, Aê Diê pô srăng brei êđai biăp pioh kơ mnơ̆ng myơr čuh.” Snăn jih diñu dua lŏ nao mbĭt.

Klei Mphŭn Dơ̆ng 8:20

Y-Nôê mdơ̆ng sa boh knưl ngă yang kơ Khua Yang, leh anăn ñu mă jih đơ hlô mnơ̆ng doh leh anăn jih đơ čĭm čap doh, leh anăn ñu myơr mnơ̆ng myơr čuh ti dlông knưl anăn.

II Klei Yăl Dliê 29:32

Ênoh yap mnơ̆ng myơr čuh phung bi kƀĭn djă ba leh mâo kjuh pluh drei êmô knô, sa êtuh drei biăp knô, leh anăn dua êtuh drei êđai biăp; jih jang mnơ̆ng anăn pioh kơ mnơ̆ng myơr čuh kơ Yêhôwa.

II Klei Yăl Dliê 35:12

Diñu dưm mdê mnơ̆ng myơr čuh čiăng kơ diñu bi mbha dŏ anăn tui si êpul djuê ana phung ƀuôn sang, čiăng myơr kơ Yêhôwa, tui si arăng čih leh hlăm hdruôm hră Y-Môis. Msĕ snăn mơh diñu ngă hŏng êmô knô.

Klei Mmuñ Hđăp 110:3

Phung ƀuôn sang ih srăng myơr diñu pô kơ Ih ti hruê Ih atăt gai phung kahan Ih kơ klei bi blah. Ti dlông čư̆ doh jăk Ih, msĕ si êa nguôm ti aguah ưm phung hlăk ai Ih srăng hriê kơ Ih.

Klei Mmuñ Hđăp 40:8

kâo mơak ngă klei Ih čiăng, Ơ Aê Diê kâo; klei bhiăn Ih dôk hlăm ai tiê kâo.”

Klei Kbiă 12:5

Êđai biăp anăn amâo srăng mâo anôk jhat ôh, knô mâo sa thŭn leh; diih dưi mă sa drei êđai biăp amâodah sa drei êđai bê.

Klei Kbiă 24:5

Ñu tiŏ nao phung êkei hlăk ai Israel myơr kơ Yêhôwa mnơ̆ng myơr čuh leh anăn ngă yang hŏng êmô jing mnơ̆ng myơr kơ klei êđăp ênang.

Klei Kbiă 29:18

Brei ih čuh jih biăp knô anăn ti dlông knưl. Ñu jing mnơ̆ng myơr čuh kơ Yêhôwa, mnâo ƀâo jăk, mnơ̆ng myơr hŏng pui kơ Yêhôwa.

Klei Kbiă 29:4

Brei ih atăt Y-Arôn leh anăn phung anak êkei ñu ti anăp ƀăng bhă sang čhiăm klei bi kƀĭn, leh anăn brei ih bi mnei diñu hŏng êa.

Klei Kbiă 29:42

Ñu srăng jing mnơ̆ng myơr čuh nanao hlăm jih jang ênuk ih ti ƀăng bhă sang čhiăm klei bi kƀĭn ti anăp Yêhôwa. Tinăn yơh Kâo srăng bi tuôm hŏng ih, čiăng blŭ kơ ih.

Klei Kbiă 32:6

Mgi diñu kgŭ pĭt ưm aguah, leh anăn diñu myơr mnơ̆ng myơr čuh leh anăn mnơ̆ng myơr kơ klei êđăp ênang. Phung ƀuôn sang dôk gŭ čiăng ƀơ̆ng huă mnăm, leh anăn diñu kgŭ čiăng hlăp.

Klei Kbiă 35:21

Jih jang phung mâo ai tiê mtrŭt leh anăn mâo klei čiăng jăk hriê leh anăn djă ba mnơ̆ng myơr kơ Yêhôwa, pioh kơ bruă ngă sang čhiăm klei bi kƀĭn, wăt kơ jih bruă ñu, leh anăn pioh kơ čhiăm ao doh jăk.

Klei Kbiă 35:29

Jih jang êkei mniê phung ƀuôn sang Israel mâo ai tiê mtrŭt čiăng đru bruă Yêhôwa mtă kơ Y-Môis djă ba mnơ̆ng myơr kơ Yêhôwa tui si diñu čiăng.

Klei Kbiă 35:5

Mă bĕ mơ̆ng diih mnơ̆ng myơr kơ Yêhôwa. Hlei pô mâo ai tiê kmah, brei ñu ba mnơ̆ng myơr kơ Yêhôwa mah, prăk, leh anăn kông;

Klei Kbiă 36:3

Diñu mă tŭ mơ̆ng Y-Môis jih jang mnơ̆ng myơr phung ƀuôn sang Israel ba leh pioh ngă bruă adŭ doh jăk. Grăp aguah ăt arăng ba kơ Y-Môis mnơ̆ng myơr hŏng klei čŏng čiăng.

Klei Kbiă 38:1

Ñu ngă knưl mnơ̆ng myơr čuh hŏng kyâo akasi; boh dlông gơ̆ êma heh, găn gơ̆ êma heh, mta dhar, leh anăn boh dơ̆ng gơ̆ tlâo heh.

Y-Êsai 1:11

Yêhôwa lač, “Ya yuôm kơ Kâo lu mnơ̆ng diih ngă yang? Kâo hrăp leh hŏng mnơ̆ng myơr čuh hŏng biăp knô leh anăn prăi hlô mnơ̆ng rông. Kâo amâo mơak ôh hŏng êrah êmô knô, êrah êđai biăp, amâodah êrah bê knô.

Y-Êsêkiêl 20:40

Kyuadah ti dlông čư̆ doh jăk Kâo, čŏng čư̆ dlông Israel,’ Yêhôwa Aê Diê lač, ‘tinăn jih jang sang Israel srăng mă bruă kơ Kâo hlăm čar; tinăn Kâo srăng tŭ diñu, leh anăn tinăn Kâo srăng mtă brei diih myơr mnơ̆ng, boh hlâo hlang đơ mnơ̆ng diih myơr, mbĭt hŏng jih jang mnơ̆ng ngă yang doh jăk diih.

Y-Êsêkiêl 40:39

Hlăm adring ƀăng jang mâo dua boh jhưng tĭng dua nah djiêô, ti anôk anăn arăng bi mdjiê mnơ̆ng myơr čuh, mnơ̆ng myơr kyua klei soh, leh anăn mnơ̆ng myơr kyua klei gao klei bhiăn.

Bruă Lêwi 1:10

Tơdah mnơ̆ng ñu myơr jing mnơ̆ng myơr čuh mơ̆ng biăp bê, brei ñu myơr sa drei knô amâo mâo anôk jhat ôh.

Bruă Lêwi 14:10

Ti hruê tal sa păn ñu srăng mă dua drei êđai biăp knô amâo mâo anôk jhat ôh, leh anăn sa drei biăp ana mâo sa thŭn amâo mâo anôk jhat ôh, mnơ̆ng myơr kpŭng ƀhĭ tlâo kdrêč hlăm pluh êphah kpŭng ƀhĭ bi lŭk hŏng êa prăi, leh anăn sa hnơ̆ng êa boh ôliwơ.

Bruă Lêwi 16:7

Leh anăn ñu srăng mă dua drei bê knô, leh anăn dưm digơ̆ ti anăp Yêhôwa ti ƀăng bhă sang čhiăm klei bi kƀĭn.

Bruă Lêwi 17:4

leh anăn amâo djă ba ôh gơ̆ ti ƀăng bhă sang čhiăm klei bi kƀĭn, čiăng myơr gơ̆ jing mnơ̆ng myơr kơ Yêhôwa ti anăp sang čhiăm Yêhôwa, arăng srăng yap klei soh tuh êrah ti êkei anăn; ñu tuh êrah leh; brei arăng khăt hĕ ñu mơ̆ng phung ƀuôn sang ñu.

Bruă Lêwi 17:8

Leh anăn brei ih lač kơ diñu, ‘Tơdah sa čô êkei mơ̆ng sang Israel amâodah mơ̆ng phung tue dôk jưh bhiâo ti krah diñu, pô myơr mnơ̆ng myơr čuh amâodah mnơ̆ng ngă yang,

Bruă Lêwi 17:9

leh anăn amâo djă ba gơ̆ ôh ti ƀăng bhă sang čhiăm klei bi kƀĭn čiăng ngă yang kơ Yêhôwa, êkei anăn brei arăng khăt hĕ mơ̆ng ƀuôn sang ñu.’

Bruă Lêwi 23:12

Ti hruê diih hdai čăp mdiê anăn, brei diih myơr sa drei êđai biăp knô mâo sa thŭn amâo mâo anôk jhat ôh, jing mnơ̆ng myơr čuh kơ Yêhôwa.

Bruă Lêwi 23:18

Brei diih ba mbĭt hŏng kpŭng kjuh drei êđai biăp mâo sa thŭn, amâo mâo anôk jhat ôh, leh anăn sa drei êđai êmô knô, leh anăn dua drei biăp knô; digơ̆ srăng jing mnơ̆ng myơr čuh kơ Yêhôwa, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm digơ̆, mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 3:1

“Tơdah sa čô mnuih myơr mnơ̆ng ngă yang jing mnơ̆ng myơr kơ klei êđăp ênang, brei ñu myơr sa drei êmô, knô amâodah ana, mnơ̆ng anăn amâo mâo anôk jhat ôh ti anăp Yêhôwa.

Bruă Lêwi 4:15

Phung khua mduôn hlăm phung Israel srăng bă kngan diñu ti dlông boh kŏ êmô knô ti anăp Yêhôwa, leh anăn arăng srăng koh êmô knô ti anăp Yêhôwa.

Bruă Lêwi 4:23

tơdah ñu thâo klei soh ñu ngă leh, brei ñu mă ba myơr sa drei bê knô amâo mâo anôk jhat ôh,

Bruă Lêwi 4:3

tơdah jing khua ngă yang arăng trôč leh êa ƀâo mngưi ngă soh, kyua anăn ñu bi msoh phung ƀuôn sang, brei ñu myơr kyua klei soh ñu ngă leh sa drei êmô knô êđai amâo mâo anôk jhat ôh kơ Yêhôwa jing mnơ̆ng myơr kyua klei soh.

Bruă Lêwi 4:32

Tơdah ñu đoh ba sa drei êđai biăp jing mnơ̆ng myơr kyua klei soh, brei ñu đoh ba sa drei ana amâo mâo anôk jhat ôh.

Bruă Lêwi 5:15

“Tơdah sa čô amâo dôk sĭt suôr ôh tăm ngă soh hŏng klei amâo čŏng čiăng hlăm sa mta mnơ̆ng pioh kơ Yêhôwa, brei ñu đoh ba sa drei biăp knô amâo mâo anôk jhat ôh jing mnơ̆ng myơr kyua klei gao klei bhiăn kơ Yêhôwa, ih tĭng hŏng sêkel prăk tui si sêkel prăk adŭ doh jăk; jing mnơ̆ng myơr kyua klei gao klei bhiăn.

Bruă Lêwi 5:18

Brei ñu đoh ba kơ khua ngă yang sa drei biăp knô amâo mâo anôk jhat ôh mơ̆ng phung biăp, ih tĭng leh ênoh tui si ênoh mnơ̆ng myơr kyua klei gao klei bhiăn, leh anăn khua ngă yang srăng ngă klei bi doh klei soh gơ̆ ngă hŏng klei amâo čŏng čiăng, leh anăn gơ̆ srăng mâo klei pap brei.

Bruă Lêwi 6:2

“Tơdah sa čô ngă soh leh anăn amâo dôk sĭt suôr ôh hŏng Yêhôwa hŏng klei ñu mplư pô riêng gah ñu kơ klei jao dŏ dô, amâodah kiă kriê brei, amâodah hŏng klei tlĕ, amâodah ktư̆ juă leh pô riêng gah ñu,

Bruă Lêwi 6:8

Yêhôwa lač kơ Y-Môis, “Mtă kơ Y-Arôn leh anăn phung anak êkei ñu, lač,

Bruă Lêwi 7:16

Ƀiădah tơdah mnơ̆ng ngă yang ñu myơr jing sa mnơ̆ng myơr hŏng klei ƀuăn amâodah mnơ̆ng myơr hŏng klei čiăng, arăng srăng ƀơ̆ng ñu ti hruê arăng myơr mnơ̆ng ngă yang ñu, leh anăn ya mnơ̆ng adôk arăng dưi ƀơ̆ng hruê mgi.

Bruă Lêwi 8:18

Leh anăn ñu myơr biăp knô jing mnơ̆ng myơr čuh; Y-Arôn leh anăn phung anak êkei ñu bă kngan diñu ti boh kŏ biăp knô.

Bruă Lêwi 8:21

Tơdah leh arăng rao prôč êhŭng leh anăn jơ̆ng hŏng êa, Y-Môis čuh jih biăp knô anăn ti knưl, jing mnơ̆ng myơr čuh, mnâo ƀâo mngưi, mnơ̆ng myơr brei pui ƀơ̆ng kơ Yêhôwa, tui si Yêhôwa mtă leh kơ Y-Môis.

Bruă Lêwi 9:2

Ñu lač kơ Y-Arôn, “Mă bĕ sa drei êđai êmô knô pioh kơ mnơ̆ng myơr kyua klei soh, leh anăn sa drei biăp knô pioh kơ mnơ̆ng myơr čuh, jih dua drei amâo mâo anôk jhat ôh, leh anăn myơr digơ̆ ti anăp Yêhôwa.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Malaki 1:14

“Tăm pah hĕ kơ pô mplư, pô mâo sa drei knô hlăm biăp ñu, ƀuăn leh gơ̆, ƀiădah myơr ngă yang kơ Yêhôwa mnơ̆ng djiu ruă; kyuadah Kâo jing sa čô Mtao prŏng,” Yêhôwa kơ phung kahan lač. “Leh anăn arăng srăng huĭ kơ anăn Kâo ti krah phung găp djuê mnuih.”

Klei Yap 15:3

leh anăn diih myơr kơ Yêhôwa êmô amâodah biăp sa mnơ̆ng myơr brei pui ƀơ̆ng amâodah sa mnơ̆ng myơr čuh amâodah sa mnơ̆ng ngă yang bi sĭt klei ƀuăn amâodah sa mnơ̆ng myơr hŏng klei čiăng amâodah hlăm hruê knăm diih bi kčah leh, čiăng mkra mnâo ƀâo mngưi kơ Yêhôwa,

Klei Yap 15:8

Tơdah ih mkra sa drei êmô knô jing mnơ̆ng myơr čuh, amâodah jing mnơ̆ng ngă yang bi sĭt klei ƀuăn, amâodah jing mnơ̆ng myơr kơ klei êđăp ênang kơ Yêhôwa,

Klei Yap 19:2

“Anei jing klei mtă mơ̆ng klei bhiăn Yêhôwa brei leh: ‘Blŭ bĕ kơ phung ƀuôn sang Israel brei diñu đoh ba kơ ih sa drei êmô ana hrah amâo mâo anôk jhat, amâo mâo anôk djiu ruă ôh, leh anăn amâo tuôm đua knông ôh.

Klei Yap 23:19

Aê Diê amâo jing sa čô mnuih ôh, tơl Ñu luar, amâodah sa čô anak êkei mnuih, tơl Ñu bi mlih klei Ñu mĭn. Ya klei Ñu lač leh, Ñu amâo srăng ngă klei anăn mơ̆? Ya klei Ñu hưn leh, Ñu amâo srăng bi truh klei anăn mơ̆?

Klei Yap 23:27

Y-Balak lač kơ Y-Balaam, “Hriê bĕ, kâo srăng atăt ih kơ anôk mkăn; năng ai Aê Diê brei ih dưi tăm pah kơ diñu mơ̆ng anôk anăn.”

Klei Yap 23:3

Y-Balaam lač kơ Y-Balak, “Dôk dơ̆ng ti djiêô mnơ̆ng ih myơr čuh, leh anăn kâo srăng nao; năng ai Yêhôwa srăng hriê bi tuôm hŏng kâo, leh anăn ya klei ñu srăng bi êdah kơ kâo, kâo srăng hưn kơ ih.” Leh anăn ñu nao kơ čư̆ kla.

Klei Yap 23:30

Y-Balak ngă tui si klei Y-Balaam lač leh, leh anăn ñu myơr sa drei êmô knô leh anăn sa drei biăp knô ti dlông grăp boh knưl.

Klei Yap 28:11

Ti grăp akŏ mlan brei ih myơr sa mnơ̆ng myơr čuh kơ Yêhôwa: dua drei êmô knô dam, sa drei biăp knô, leh anăn kjuh drei êđai biăp knô mâo sa thŭn amâo mâo anôk jhat ôh;

Klei Yap 28:19

ƀiădah srăng myơr sa mnơ̆ng myơr brei pui ƀơ̆ng, sa mnơ̆ng myơr čuh kơ Yêhôwa: dua drei êmô knô dam, sa drei biăp knô, leh anăn kjuh drei êđai biăp knô mâo sa thŭn, amâo mâo anôk jhat ôh,

Klei Yap 28:31

Brei diih myơr mnơ̆ng anăn êngao kơ mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ. Diih srăng myơr dŏ anăn mbĭt hŏng mnơ̆ng myơr mnăm. Hlô mnơ̆ng diih myơr amâo mâo anôk jhat ôh.”

Klei Yap 29:13

Diih srăng myơr sa mnơ̆ng myơr čuh, mnơ̆ng myơr brei pui ƀơ̆ng, mnâo ƀâo mngưi kơ Yêhôwa pluh tlâo drei êmô knô dam, dua drei biăp knô, pluh pă drei êđai biăp knô mâo sa thŭn amâo mâo anôk jhat ôh,

Klei Yap 29:2

Leh anăn diih srăng myơr sa mnơ̆ng myơr čuh, mnâo ƀâo mngưi kơ Yêhôwa: sa drei êmô knô dam, sa drei biăp knô, kjuh drei êđai biăp knô mâo sa thŭn amâo mâo anôk jhat ôh,

Y-Luk 1:35

Dĭng buăl jăk lač kơ ñu, “Yang Mngăt Jăk srăng hriê kơ ih, leh anăn klei myang Pô Ti Dlông Hĭn srăng guôm ih; kyuanăn anak doh jăk ih srăng kkiêng arăng srăng pia Anak Aê Diê.

Y-Yôhan 1:36

ñu dlăng kơ Yêsu êjai Yêsu êbat, leh anăn ñu lač, “Duh adih, Êđai Biăp Aê Diê!”

Y-Yôhan 10:7

Yêsu lŏ lač kơ diñu, “Kâo lač kơ diih klei sĭt nik, Kâo jing ƀăng bhă kơ phung biăp.

Y-Yôhan 10:9

Kâo jing ƀăng bhă. Tơdah hlei pô mŭt ti Kâo, ñu srăng tlaih, srăng mŭt leh anăn kbiă, leh anăn ƀuh rơ̆k ƀơ̆ng.

II Kôrantô 8:12

Kyuadah tơdah mâo klei jăk čiăng ngă, Aê Diê tŭ tui si mnơ̆ng ih mâo, amâo djŏ ôh tui si mnơ̆ng ih amâo mâo.

II Kôrantô 9:7

Brei grăp čô myơr tui si ñu mĭn leh, amâo djŏ ôh hŏng klei ênguôt amâodah hŏng klei mgô̆, kyuadah Aê Diê khăp kơ pô myơr hŏng klei hơ̆k mơak.

Êphêsô 2:18

Kyuadah hlăm Ñu jih dua phung drei dưi nao truh kơ Ama hlăm sa Yang Mngăt Jăk.

Êphêsô 5:27

čiăng bi êdah ti anăp Ñu Phung Sang Aê Diê anei bŏ hŏng klei guh kơang, amâo mâo anôk čhŏ, amâo mâo anôk kčŭng, amâo mâo mnơ̆ng msĕ snăn ôh, čiăng kơ gơ̆ dưi jing doh jăk amâo mâo anôk jhat ôh.

Klei Mtô Mñă Klei Bhiăn 12:27

leh anăn myơr mnơ̆ng ih myơr čuh, kđeh leh anăn êrah, ti dlông knưl Yêhôwa Aê Diê ih; êrah mnơ̆ng myơr mkăn brei ih tuh ti êngao knưl Yêhôwa Aê Diê ih, ƀiădah kđeh ih dưi ƀơ̆ng.

Klei Mtô Mñă Klei Bhiăn 15:21

Ƀiădah tơdah gơ̆ mâo anôk jhat, tơdah gơ̆ êwiên amâodah bum ală, amâodah tơdah gơ̆ mâo klei jhat kjham mkăn, đăm ngă yang hŏng gơ̆ kơ Yêhôwa Aê Diê diih ôh.

Klei Mtô Mñă Klei Bhiăn 17:1

“Đăm ngă yang kơ Yêhôwa Aê Diê diih sa drei êmô amâodah sa drei biăp mâo klei ruă êka amâodah klei jhat mkăn ôh; kyuadah klei anăn jing mnơ̆ng Yêhôwa Aê Diê diih bi êmut kheh.

Hêbrơ 7:26

Kyuadah jing djŏ leh kơ drei mâo sa čô khua ngă yang prŏng msĕ snăn, doh jăk, amâo mâo klei dưi ƀuah ôh, amâo mâo klei čhŏ ôh, bi ktlah leh mơ̆ng phung soh, Aê Diê pŭ ba leh ti dlông hĭn kơ phung adiê.

Hêbrơ 9:14

kdlưn hĭn kơ anăn êrah Krist, Pô myơr Ñu pô hŏng Yang Mngăt Jăk hlŏng lar kơ Aê Diê amâo mâo klei čhŏ ôh, dưi bi doh ai tiê kpă diih mơ̆ng bruă atăt kơ klei djiê, čiăng mă bruă kơ Aê Diê hdĭp.