Bruă Phung Khua Ƀĭng Kna 9:4 - Klei Aê Diê Blŭ 2015

⁴ Ñu lĕ buh ti lăn leh anăn hmư̆ asăp blŭ lač kơ ñu, “Ơ Y-Sôl, Ơ Y-Sôl, si ngă ih ngă jhat kơ Kâo?”

Bruă Phung Khua Ƀĭng Kna 9:4 Iomraidhean Croise

Klei Mphŭn Dơ̆ng 16:8

Dĭng buăl jăk lač, “Ơ H'Agar, dĭng buăl mniê H'Sarai, mơ̆ng ih hriê, leh anăn ti ih nao?” Gơ̆ wĭt lač, “Kâo đuĕ mơ̆ng ƀô̆ mta H'Sarai, khua mniê kâo.”

Klei Mphŭn Dơ̆ng 22:11

Ƀiădah dĭng buăl jăk Yêhôwa iêô ñu mơ̆ng adiê, lač, “Ơ Y-Abraham, Ơ Y-Abraham!” Y-Abraham wĭt lač, “Nĕ tinei kâo.”

Klei Mphŭn Dơ̆ng 3:9

Ƀiădah Khua Yang Aê Diê iêô êkei anăn leh anăn lač kơ ñu, “Ti anôk ih dôk?”

Klei Kbiă 3:4

Tơdah Yêhôwa ƀuh ñu weh čiăng dlăng, snăn mơ̆ng krah ƀur Aê Diê iêô ñu leh anăn lač, “Ơ Y-Môis ơi, Y-Môis ơi.” Leh anăn ñu lŏ wĭt lač, “Nĕ tinei kâo.”

Y-Êsai 6:8

Leh anăn kâo hmư̆ asăp Khua Yang lač, “Hlei pô kâo srăng tiŏ nao? Hlei pô srăng nao brei kơ drei?” Hlăk anăn kâo lač, “Tinei kâo, tiŏ nao kâo bĕ.”

Y-Êsai 63:9

Hlăm jih jang klei knap mñai digơ̆, Ñu mâo klei knap mơh, leh anăn klei dĭng buăl jăk Ñu dôk mbĭt bi mtlaih leh digơ̆. Hŏng klei Ñu khăp leh anăn pap Ñu bi tui leh digơ̆; Ñu pŭ ba digơ̆ jih jang hruê ênuk đưm.

Y-Sakari 2:8

Kyuadah snei Yêhôwa kơ phung kahan lač: “Čiăng mâo klei guh kơang Ñu tiŏ nao kâo kơ phung găp djuê mnuih plah mă leh mnơ̆ng diih — kyuadah hlei pô ruêh ih ruêh asăr ală Yêhôwa pô —

Klei Yap 16:45

“Đuĕ bĕ mơ̆ng krah phung bi kƀĭn anei, čiăng Kâo dưi čuh diñu sa blư̆ mtam.” Digơ̆ kŭp ƀô̆ ti lăn.

Y-Mathiơ 25:40

Leh anăn Mtao srăng lŏ wĭt lač kơ diñu, ‘Sĭt nik Kâo lač kơ diih, êjai diih ngă leh klei anăn kơ sa čô hlăm phung ayŏng adei Kâo đơ điêt anei jing klei diih ngă leh kơ Kâo yơh.’

Y-Luk 10:41

Ƀiădah Khua Yang lŏ wĭt lač kơ gơ̆, “Ơ H'Mart, H'Mart! Ih ênguôt leh anăn rŭng răng kyua lu klei.

Y-Yôhan 18:6

Tơdah Yêsu lač kơ diñu, “Kâo gơ̆ yơh,” diñu kdŭn tluôn leh anăn lĕ buh ti lăn.

Y-Yôhan 20:16

Yêsu lač kơ ñu, “Ơ H'Mari.” H'Mari wir dlăng leh anăn lač kơ ñu hlăm klei Hêbrơ, “Rabôni!” (čiăng lač “Nai”).

Y-Yôhan 21:15

Leh diñu ƀơ̆ng, Yêsu lač kơ Y-Simôn Pêtrôs, “Ơ Y-Simôn anak Y-Yônas, ih khăp kơ Kâo lu hĭn kơ phung anei mơ̆?” Ñu lŏ wĭt lač kơ Yêsu, “Ơ Khua Yang, Ih thâo leh Kâo khăp kơ Ih.” Yêsu lač kơ ñu, “Kiă bĕ phung êđai biăp Kâo.”

Bruă Phung Khua Ƀĭng Kna 5:10

Bhiâo riâo rit ñu lĕ buh mtam ti jơ̆ng Y-Pêtrôs leh anăn djiê. Phung êkei hlăk ai mŭt leh anăn ƀuh ñu djiê leh, digơ̆ kkung ba asei mlei ñu leh anăn dơr giăm ung ñu.

Bruă Phung Khua Ƀĭng Kna 9:5

Ñu lač, “Hlei ih, Ơ Khua Yang?” Khua Yang lač, “Kâo gơ̆, Yêsu, Pô ih ngă jhat.

Hră Y-Pôl Mơĭt kơ Phung Rôm 11:22

Brei ih thâo săng bĕ klei jăk leh anăn klei khăng Aê Diê: klei khăng kơ phung êbuh leh, ƀiădah klei Aê Diê ngă jăk kơ ih, tơdah ih dôk nanao hlăm klei jăk Ñu. Tơdah amâo djŏ snăn ôh, Ñu srăng khăt ih msĕ mơh.

I Kôrantô 12:12

Kyuadah msĕ si asei mlei jing sa ƀiădah mâo lu kdrêč, jih jang kdrêč hlăm asei mlei, wăt tơdah diñu jing lu dưn, mjing knŏng sa asei mlei, msĕ snăn yơh hlăm Krist.

I Kôrantô 4:7

Kyuadah hlei ƀuh klei mdê ih hŏng phung mkăn? Ya klei ih mâo leh Aê Diê amâo tuôm brei kơ ih ôh? Tơdah ih mă tŭ leh klei anăn, si ngă ih bi mni kơ ih pô msĕ si ih ka tuôm mă tŭ ôh?

Êphêsô 5:30

kyuadah drei jing jơ̆ng kngan hlăm asei mlei Ñu.