Bruă Phung Khua Ƀĭng Kna 8:7 - Klei Aê Diê Blŭ 2015

⁷ Lu yang čhŏ ur kraih kbiă mơ̆ng lu mnuih diñu ngă leh; leh anăn lu mnuih êwiên amâodah đŏng dlơt jơ̆ng hlao.

Bruă Phung Khua Ƀĭng Kna 8:7 Iomraidhean Croise

Y-Êsai 35:6

Hlăk anăn pô êwiên srăng kdăt kdưt msĕ si hlô rang, leh anăn êlah mnuih kmlô srăng mmuñ hŏng klei hơ̆k. Kyuadah êa srăng bluh đoh hlăm dliê êhŏng, leh anăn srăng mâo hnoh êa hlăm kdrăn tač.

Y-Mathiơ 10:1

Yêsu iêô phung pluh dua čô ƀĭng kna Ñu hriê, leh anăn brei kơ digơ̆ klei myang dưi suôt phung yang čhŏ, leh anăn dưi bi hlao djăp mta klei ruă duam.

Y-Mathiơ 11:5

phung bum ală lŏ ƀuh mngač, phung êwiên jơ̆ng dưi êbat, phung djŏ phŭng mâo klei bi doh, phung kngăl thâo hmư̆, phung djiê lŏ hdĭp, leh anăn klei mrâo mrang jăk arăng hưn kơ phung ƀun ƀin.

Y-Mathiơ 4:24

Snăn arăng hmư̆ hing kơ Ñu tar ƀar čar Siri. Digơ̆ atăt ba kơ Ñu jih phung mnuih ruă duam, mâo klei ruă mdê mdê, đa đa mâo yang jhat dôk hlăm digơ̆, phung mâo klei ruă kñhăk asei mlei, leh anăn phung êwiên. Ñu bi hlao digơ̆ jih.

Y-Markôs 9:26

Leh yang jhat ur leh anăn bi kñhăk asei mlei gơ̆ ktang snăk, ñu kbiă. Hđeh anăn jing msĕ si sa čô djiê leh, tơl lu hĭn hlăm phung anăn lač, “Gơ̆ djiê leh!”

Y-Luk 10:17

Phung kjuh pluh čô lŏ wĭt hŏng klei hơ̆k lač, “Ơ Khua Yang, wăt phung yang jhat gưt kơ hmei hlăm anăn Ih!”

Y-Yôhan 14:12

Kâo lač kơ diih klei sĭt nik, hlei pô đăo kơ Kâo srăng ngă mơh bruă Kâo ngă; leh anăn ñu srăng ngă bruă prŏng hĭn kơ bruă Kâo ngă, kyuadah Kâo đuĕ nao kơ Ama.

Bruă Phung Khua Ƀĭng Kna 5:16

Phung ƀuôn sang mơ̆ng ƀuôn jŭm dar nao kơ ƀuôn Yêrusalem, atăt ba phung ruă duam leh anăn phung mâo yang čhŏ ngă; leh anăn jih jang digơ̆ hlao sơăi.

Bruă Phung Khua Ƀĭng Kna 8:6

Phung lu sa ai gưt klei Y-Philip blŭ, tơdah digơ̆ hmư̆ ñu leh anăn ƀuh klei bi knăl yuôm bhăn ñu ngă.

Hêbrơ 2:4

êjai Aê Diê hưn bi sĭt msĕ mơh hŏng klei bi knăl, bruă myang, leh anăn lu mta klei yuôm bhăn, leh anăn hŏng klei Yang Mngăt Jăk brei mdê mdê bi mbha leh tui si klei Ñu čiăng.