Bruă Phung Khua Ƀĭng Kna 8:4 - Klei Aê Diê Blŭ 2015

⁴ Phung bra đuĕ mdê mdê hiu tar ƀar mtô klei mrâo mrang jăk.

Bruă Phung Khua Ƀĭng Kna 8:4 Iomraidhean Croise

Y-Mathiơ 10:23

Tơdah diñu ngă jhat kơ diih hlăm sa boh ƀuôn, đuĕ bĕ kơ ƀuôn mkăn; kyuadah sĭt nik Kâo lač kơ diih, ka tar ôh diih hiu jih ƀuôn phung Israel, êlâo Anak Mnuih hriê hĕ.”

Y-Luk 1:2

Diñu čih klei anăn djŏ tui si phung ƀuh hŏng ală mơ̆ng phŭn leh anăn jing phung pô mtô klei blŭ anăn hưn bi êdah kơ drei.

Bruă Phung Khua Ƀĭng Kna 11:19

Mâo phung đăo bra đuĕ leh kyua klei arăng ngă jhat dơ̆ng hŏng Y-Êtiên, leh anăn diñu hiu truh ti čar Phênisi, ti plao êa Čiprơ, leh anăn ti ƀuôn Antiôs, mtô klei Aê Diê blŭ knŏng kơ phung Yuđa.

Bruă Phung Khua Ƀĭng Kna 15:35

Y-Pôl leh anăn Y-Barnabas dôk ti ƀuôn Antiôs mtô Klei Mrâo Mrang Jăk leh anăn bi hriăm klei Khua Yang blŭ mbĭt hŏng lu phung mkăn.

Bruă Phung Khua Ƀĭng Kna 8:1

Y-Sôl ư ai mơh kơ klei bi mdjiê Y-Êtiên. Hruê anăn arăng dơ̆ng ngă jhat ktang snăk kơ Phung Sang Aê Diê hlăm ƀuôn Yêrusalem. Jih jang phung đăo bra đuĕ mdê mdê hlăm čar Yuđa leh anăn čar Samari. Knŏng phung khua ƀĭng kna ăt dôk hlăm ƀuôn Yêrusalem.

Bruă Phung Khua Ƀĭng Kna 8:12

Ƀiădah leh digơ̆ đăo klei Y-Philip mtô klei mrâo mrang jăk djŏ kơ ƀuôn ala mtao Aê Diê leh anăn kơ anăn Yêsu Krist, digơ̆ tŭ klei ƀaptem, wăt êkei mniê.

I Têsalônik 2:2

Wăt tơdah hmei tŭ leh klei knap leh anăn klei arăng ngă jhat ti ƀuôn Philip, msĕ si diih thâo leh, hmei ăt mâo klei jhŏng hlăm Aê Diê hmei čiăng hưn kơ diih klei mrâo mrang jăk Aê Diê ti krah lu klei bi kdơ̆ng.