Bruă Phung Khua Ƀĭng Kna 8:23 - Klei Aê Diê Blŭ 2015

²³ Kyuadah kâo ƀuh ih mâo ai tiê phĭ leh anăn klei săng đai klei soh kă ih.”

Bruă Phung Khua Ƀĭng Kna 8:23 Iomraidhean Croise

Y-Yôp 20:14

ƀiădah mnơ̆ng ñu ƀơ̆ng huă bi mlih jing jhat hlăm êhŭng ñu, jing êa kêč kam ala kpơ̆ng hlăm tian ñu.

Klei Mmuñ Hđăp 116:16

Ơ Yêhôwa, sĭt nik kâo jing dĭng buăl Ih, kâo jing dĭng buăl Ih, anak êkei dĭng buăl mniê Ih; Ih kleh leh bră kă kâo.

Klei Bi Hriêng 5:22

Klei wê pô soh ngă jing kđông ƀêč kơ ñu, klei soh ñu pô ngă srăng mă čăp ñu.

Y-Êsai 28:22

Kyuanăn ară anei, đăm lŏ mưč ôh, huĭdah klei kă lŏ hruôt diih ktang hĭn, kyuadah kâo hmư̆ leh mơ̆ng Khua Yang Yêhôwa kơ phung kahan klei Ñu mtă srăng bi rai jih lăn čar.

Y-Êsai 58:6

Amâo djŏ hĕ snei jing klei kăm ƀơ̆ng huă Kâo ruah leh: kleh hĕ klei săng đai klei wê, ruh hĕ bră kă knông, bi êngiê phung arăng ktư̆ juă, leh anăn bi joh hĕ grăp ƀĕ knông?

Y-Yêrêmi 4:18

“Klei ih dôk dơ̆ng ƀơ̆ng huă leh anăn bruă ih ngă bi truh klei anei kơ ih. Anei jing klei bi kmhal kơ ih, leh anăn jing knap mñai snăk; klei anăn tlŏ ai tiê ih.”

Y-Yêrêmi 9:15

Kyuanăn Yêhôwa kơ phung kahan, Aê Diê phung Israel lač snei: “Nĕ anei, Kâo srăng čiêm phung ƀuôn sang anei hŏng kyâo phĭ leh anăn brei diñu mnăm êa kêč kam.

Klei Čŏk Hia 3:19

Kâo hdơr kơ klei knap mñai leh anăn klei kâo hiu rưng, jing kyâo brŭ leh anăn klei ênguôt phĭ!

Klei Čŏk Hia 3:5

Ñu wang kâo leh anăn guôm kâo hŏng klei ênguôt ktrŏ leh anăn klei knap mñai.

Y-Yôhan 8:34

Yêsu lŏ wĭt lač kơ diñu, “Kâo lač kơ diih klei sĭt nik, grăp čô hlei pô ngă soh jing hlŭn kơ klei soh.

Êphêsô 4:31

Bi luč hĕ mơ̆ng diih jih klei phĭ, klei ăl, klei ngêñ, klei ngă rŭng răng, klei mčeh luar, mbĭt hŏng jih klei ƀai.

Y-Tit 3:3

Kyuadah mphŭn dô drei pô jing mluk, amâo thâo gưt asăp ôh, klah đuĕ leh, jing hlŭn kơ djăp mta klei kđeh tluh leh anăn klei kđeh čiăng, drei hdĭp hlăm klei jhat ƀai leh anăn hlăm klei tluh, arăng bi êmut kơ drei leh anăn drei bi êmut hdơ̆ng drei.

Hêbrơ 12:15

Răng bĕ, đăm brei ôh sa čô kƀah mă tŭ klei Aê Diê pap; čiăng đăm brei “agha phĭ” čăt leh anăn ngă klei bi rŭng leh anăn bi čhŏ lu phung mkăn.

II Y-Pêtrôs 2:19

Diñu ƀuăn klei êngiê kơ digơ̆, ƀiădah diñu pô jing hlŭn kơ klei čhŏ mrŏ. Kyuadah arăng jing hlŭn kơ mnơ̆ng dưi leh hŏng diñu.

II Y-Pêtrôs 2:4

Kyuadah tơdah Aê Diê amâo hơưi ôh kơ phung dĭng buăl jăk hlăk diñu ngă soh, ƀiădah hwiê hĕ diñu hlăm ƀăng êlam hlăm anôk mmăt, čiăng krư̆ pioh diñu tơl truh Hruê Phat Kđi;